Lokað vegna mótmæla 19. janúar 2012 08:00 Lokað í sólarhring Svartur skjár blasti við notendum ensku útgáfunnar af Wikipediu í gær. nordicphotos/AFP Áform Bandaríkjaþings um að tryggja hugverkarétt á netinu gagnrýnd fyrir að ganga of langt. Bandaríkjaforseti hefur tekið undir gagnrýnina. Alfræðivefurinn Wikipedia lá niðri í gær til að vekja athygli á baráttu gegn tveimur lagafrumvörpum, sem nú eru til umræðu á Bandaríkjaþingi. Frumvörpin eiga að tryggja réttindi höfunda hugverka og torvelda þjófnað á hugverkum á netinu. Baráttufólk fyrir netfrelsi segir frumvörpin hins vegar meingölluð, því verði þau samþykkt þá gætu stjórnvöld notfært sér lagaheimildir til að loka óþægilegum vefsíðum án dómsúrskurðar. Aðstandendur Wikipediu tóku þátt í þessum mótmælum með því að loka ensku útgáfu alfræðivefsins í sólarhring. Fleiri vefir lágu niðri, þar á meðal fréttasíðan reddit.com og leitarsíðan Google setti svartan borða yfir heiti síðunnar. Frumvörpin tvö ganga undir skammstöfunum SOPA og PIPA, en þær standa fyrir Stop Online Piracy Act og Protect Intellectual Property Act, eða Lög gegn netþjófnaði og Lög til verndar hugverkarétti. SOPA-frumvarpið var lagt fram í fulltrúadeild Bandaríkjaþings í október síðastliðnum en PIPA-frumvarpið var lagt fram í öldungadeildinni í maí á síðasta ári. Bæði frumvörpin hafa umtalsverðan stuðning beggja flokka í báðum deildunum, en andstæðingar þeirra segja að verði þau samþykkt þá verði frelsið, sem frá upphafi hefur verið talið eitt helsta aðalsmerki internetsins, verulega skert. Meðal annars er í frumvörpunum gert ráð fyrir því að rekendur vefsíðna, sem taka við efni frá notendum, eins og til dæmis Facebook og YouTube, þyrftu sjálfir að fylgjast grannt með öllu efni til að tryggja að ekki sé brotið gegn hugverkarétti. Þetta segja gagnrýnendur frumvarpanna að muni íþyngja vefsíðunum svo mjög, að þær yrðu vart starfhæfar. Í yfirlýsingu á Wikipediu segir: „Þetta er ekki vandamál sem eingöngu mun hafa áhrif á íbúa Bandaríkjanna heldur mun það hafa áhrif á fólk úti um allan heim.“ Skrifstofa Bandaríkjaforseta hefur reyndar lýst yfir stuðningi við kröfur mótmælenda með svo afgerandi hætti, að vart er við því að búast að frumvörpin verði að lögum í óbreyttri mynd: „Þótt við séum þeirrar skoðunar að netþjófnaður, sem stundaður er af erlendum vefsíðum, sé alvarlegt vandamál sem krefst alvarlegra viðbragða með löggjöf, þá munum við ekki styðja lög sem draga úr tjáningarfrelsi, draga úr netöryggi eða grafa undan hinu tápmikla og nýjungaskapandi interneti,“ segir í svari Hvíta hússins við opinberri beiðni, sem send var til Baracks Obama forseta, um að hann beiti neitunarvaldi sínu á lögin.gudsteinn@frettabladid.is Tækni Mest lesið Sátt Eimskipa við Samkeppniseftirlitið kom Samskipum ekki við Viðskipti innlent Icelandair hækkað um ríflega fjórðung Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Hagnaður félags Björns Braga dróst verulega saman Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent „Fjárfestar eru bara venjulegt fólk“ Atvinnulíf Spá enn einum fundinum án breytingar Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Áform Bandaríkjaþings um að tryggja hugverkarétt á netinu gagnrýnd fyrir að ganga of langt. Bandaríkjaforseti hefur tekið undir gagnrýnina. Alfræðivefurinn Wikipedia lá niðri í gær til að vekja athygli á baráttu gegn tveimur lagafrumvörpum, sem nú eru til umræðu á Bandaríkjaþingi. Frumvörpin eiga að tryggja réttindi höfunda hugverka og torvelda þjófnað á hugverkum á netinu. Baráttufólk fyrir netfrelsi segir frumvörpin hins vegar meingölluð, því verði þau samþykkt þá gætu stjórnvöld notfært sér lagaheimildir til að loka óþægilegum vefsíðum án dómsúrskurðar. Aðstandendur Wikipediu tóku þátt í þessum mótmælum með því að loka ensku útgáfu alfræðivefsins í sólarhring. Fleiri vefir lágu niðri, þar á meðal fréttasíðan reddit.com og leitarsíðan Google setti svartan borða yfir heiti síðunnar. Frumvörpin tvö ganga undir skammstöfunum SOPA og PIPA, en þær standa fyrir Stop Online Piracy Act og Protect Intellectual Property Act, eða Lög gegn netþjófnaði og Lög til verndar hugverkarétti. SOPA-frumvarpið var lagt fram í fulltrúadeild Bandaríkjaþings í október síðastliðnum en PIPA-frumvarpið var lagt fram í öldungadeildinni í maí á síðasta ári. Bæði frumvörpin hafa umtalsverðan stuðning beggja flokka í báðum deildunum, en andstæðingar þeirra segja að verði þau samþykkt þá verði frelsið, sem frá upphafi hefur verið talið eitt helsta aðalsmerki internetsins, verulega skert. Meðal annars er í frumvörpunum gert ráð fyrir því að rekendur vefsíðna, sem taka við efni frá notendum, eins og til dæmis Facebook og YouTube, þyrftu sjálfir að fylgjast grannt með öllu efni til að tryggja að ekki sé brotið gegn hugverkarétti. Þetta segja gagnrýnendur frumvarpanna að muni íþyngja vefsíðunum svo mjög, að þær yrðu vart starfhæfar. Í yfirlýsingu á Wikipediu segir: „Þetta er ekki vandamál sem eingöngu mun hafa áhrif á íbúa Bandaríkjanna heldur mun það hafa áhrif á fólk úti um allan heim.“ Skrifstofa Bandaríkjaforseta hefur reyndar lýst yfir stuðningi við kröfur mótmælenda með svo afgerandi hætti, að vart er við því að búast að frumvörpin verði að lögum í óbreyttri mynd: „Þótt við séum þeirrar skoðunar að netþjófnaður, sem stundaður er af erlendum vefsíðum, sé alvarlegt vandamál sem krefst alvarlegra viðbragða með löggjöf, þá munum við ekki styðja lög sem draga úr tjáningarfrelsi, draga úr netöryggi eða grafa undan hinu tápmikla og nýjungaskapandi interneti,“ segir í svari Hvíta hússins við opinberri beiðni, sem send var til Baracks Obama forseta, um að hann beiti neitunarvaldi sínu á lögin.gudsteinn@frettabladid.is
Tækni Mest lesið Sátt Eimskipa við Samkeppniseftirlitið kom Samskipum ekki við Viðskipti innlent Icelandair hækkað um ríflega fjórðung Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Hagnaður félags Björns Braga dróst verulega saman Viðskipti innlent Gengu langt í að vinna að lausn þótt bíllinn væri ekki í ábyrgð Neytendur „Myndi alveg segja að hjartað í mér hafi verið í buxunum“ Atvinnulíf Ummæli seðlabankastjóra „skringileg“ Viðskipti innlent Kærasta rafmyntamógúls í fangelsi vegna FTX-svikanna Viðskipti erlent „Fjárfestar eru bara venjulegt fólk“ Atvinnulíf Spá enn einum fundinum án breytingar Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira