Vilja kjósa um forystu 28. janúar 2012 07:00 forystan endurkjörin Jóhanna Sigurðardóttir og Dagur B. Eggertsson voru endurkjörin formaður og varaformaður Samfylkingarinnar á landsfundi flokksins í nóvember. fréttablaðið/daníel Hávær krafa er innan Samfylkingarinnar um að kosið verði um forystu flokksins á aukalandsfundi. Tillaga liggur fyrir flokksstjórnarfundi um landsfund í vor en reynt er að ná sátt um fund í haust. Landsdómsmálið verður rætt á flokksstjórnarfundi sem hefst í dag. Flokksstjórn Samfylkingarinnar hittist á fundi í dag. Dagskráin er þéttskipuð, ræða á verkefnin framundan, ríkisfjármál og atvinnumál fyrir hádegi, en eftir hádegi verða málstofur um ýmsa geira atvinnumála. Dagskráin mun þó án efa riðlast. Ljóst er að fjölmargir flokksmenn vilja ræða Landsdómsmálið. Þar liggur ekki aðeins undir málsmeðferðin, en Ásta Ragnheiður Jóhannesdóttir, forseti Alþingis, hefur verið gagnrýnd fyrir hana, meðal annars af ungliðahreyfingu flokksins. Efnisleg umræða um ákæru á hendur Geir H. Haarde mun einnig fara fram. Efnisatriði enn óræddÞingmenn Samfylkingarinnar voru ekki samstíga í kosningu sinni um ákæruna á hendur Geir. Sumir vildu engan ákæra, einhverjir alla og aðrir aðeins einn. Heimildarmenn Fréttablaðsins telja að flokkurinn eigi eftir að ræða um þessi mál. Aldrei hafi verið rætt til hlítar hver afstaðan var til ákæru, sem margir telja lið í uppgjöri við hrunið. Þá kusu fjórir þingmenn flokksins gegn frávísun á tillögu Bjarna Benediktssonar um að ákæran á hendur Geir H. Haarde verði afturkölluð. Það voru þau Árni Páll Árnason, Ásta Ragnheiður Jóhannesdóttir, Kristján L. Möller og Össur Skarphéðinsson. Að auki hefur Sigmundur Ernir Rúnarsson lýst því yfir að hann hefði gert eins, en hann var fjarverandi. Ljóst er að þessir þingmenn verða rukkaðir um skýringu á afstöðu sinni. Það má því búast við að fundurinn snúist að nokkru leyti um efnisatriði ákærunnar, þar sem afstaða til upphaflegrar ákæru verður einnig rædd. Vilja aukalandsfundFlokksstjórn fundaði síðast í desember, þegar Jóhanna Sigurðardóttir, formaður flokksins, skýrði frá breytingum á ráðherraliði flokksins. Á þeim fundi lögðu Andrés Jónsson, fyrrverandi formaður Ungra jafnaðarmanna, og fleiri fram tillögu um aukalandsfund. Samþykkt var að ræða hana á fundinum sem hefst í dag. Tillöguna á að ræða á eftir málefnastarfi í dag. Andrés segir að tillöguflytjendur séu að skoða það að draga tillöguna til baka, enda sé að nást sátt innan flokksins um landsfund í haust. „Það hefur verið komið að máli við okkur af hálfu aðila innan flokksins um það að draga tillöguna til baka gegn því að það verði sátt um að halda landsfund seint í haust." Andrés segir ekki endilega nauðsynlegt að samþykkja slíkan fund í dag, eins sé hægt að taka ákvörðun á fundi flokksstjórnar í vor. Fundinn verði hins vegar að halda. Gagnrýni á forystunaSegja má að Össur Skarphéðinsson utanríkisráðherra hafi opnað á gagnrýni á forystu flokksins. Það gerði hann í viðtali í áramótahefti Viðskiptablaðsins. Þar sagði Össur: „En það mun reynast flokki eins og Samfylkingunni, sem hefur þurft að taka margar mjög erfiðar ákvarðanir meðan unnið er úr hruninu, mjög erfitt að fara í gegnum næstu kosningar nema flokkurinn hafi náð að endurnýja sig, bæði forystuna og ekki síður hugmyndir sínar." Össur hefur verið spurður út í þessi orð sín á þingi, en hefur vikið sér undan því að svara. Þá hefur Jóhanna einnig verið spurð út í ummælin, en hún sagði á Alþingi á fimmtudag að hún hefði skýrt umboð flokksins frá síðasta landsfundi, sem haldinn var í nóvember. „Þar lagði ég upp verkefnalista sem ég er að fylgja eftir og ætla mér að gera til enda þessa kjörtímabils þannig að það er enginn bilbugur á mér. Ég veit ekki til annars en að ég hafi fullan stuðning míns flokks til að klára þau mál og þó að einhverjar vangaveltur séu hjá Össuri Skarphéðinssyni um einhverja framtíðarleiðtoga flokksins geri ég ekki mikið með það. Hann getur verið með sínar vangaveltur út og suður alveg eins og honum sýnist." Verður að kjósaÞeir sem leggja fram tillögur um landsfund í haust eru hins vegar sammála Össuri um að breytinga sé þörf. Andrés segir að nauðsynlegt sé að kosningar fari fram um forystuna fyrir næstu kosningar. „Við tökum ekki afstöðu til þess hvort formaður eða varaformaður eigi að víkja, en teljum að það verði að endurnýja." Það þýðir væntanlega nýtt fólk? „Já, já. Markmiðið með tillögunni var fyrst og fremst að opna fyrir þá umræðu og það hefur tekist svo um munar. Jóhanna mun ekkert humma þetta fram af sér fram í kosningabaráttuna," segir Andrés. Hann segir mikilvægt að kosningar um forystu verði í haust en ekki rétt fyrir kosningar, en reglulegan landsfund á að halda á vori komanda. Innri málefni flokksins verða því ofarlega á baugi á flokksstjórnarfundinum í dag, hvað sem skipuleggjendur hafa haft í huga. Fréttir Mest lesið Sautján milljóna króna greiðslan vekur hneykslan Innlent Þrettán þúsund krónur fyrir nótt í tjaldi Innlent Dvaldi lengi í Engey áður en hún synti til baka í flasið á hvalaskoðunarskipi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Dósent við HÍ „óskaði þess að árásarmaðurinn hefði hitt“ Innlent Diljá Mist segir hræsni einkenna íslenska femínista Innlent Hinn látni í Suðursveit ungur pólskur maður Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent Íslendingur á sextugsaldri fannst látinn í Taílandi Innlent Fleiri fréttir Hefja viðgerðir þó það gæti gosið á næstu dögum eða vikum Samfélagið þurfi á börnum að halda Viðgerðir á meðan búist er við gosi og skötuveisla um hásumar Hinn látni í Suðursveit ungur pólskur maður Hengdu Palestínufána á Hallgrímskirkjuturn Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sjá meira
Hávær krafa er innan Samfylkingarinnar um að kosið verði um forystu flokksins á aukalandsfundi. Tillaga liggur fyrir flokksstjórnarfundi um landsfund í vor en reynt er að ná sátt um fund í haust. Landsdómsmálið verður rætt á flokksstjórnarfundi sem hefst í dag. Flokksstjórn Samfylkingarinnar hittist á fundi í dag. Dagskráin er þéttskipuð, ræða á verkefnin framundan, ríkisfjármál og atvinnumál fyrir hádegi, en eftir hádegi verða málstofur um ýmsa geira atvinnumála. Dagskráin mun þó án efa riðlast. Ljóst er að fjölmargir flokksmenn vilja ræða Landsdómsmálið. Þar liggur ekki aðeins undir málsmeðferðin, en Ásta Ragnheiður Jóhannesdóttir, forseti Alþingis, hefur verið gagnrýnd fyrir hana, meðal annars af ungliðahreyfingu flokksins. Efnisleg umræða um ákæru á hendur Geir H. Haarde mun einnig fara fram. Efnisatriði enn óræddÞingmenn Samfylkingarinnar voru ekki samstíga í kosningu sinni um ákæruna á hendur Geir. Sumir vildu engan ákæra, einhverjir alla og aðrir aðeins einn. Heimildarmenn Fréttablaðsins telja að flokkurinn eigi eftir að ræða um þessi mál. Aldrei hafi verið rætt til hlítar hver afstaðan var til ákæru, sem margir telja lið í uppgjöri við hrunið. Þá kusu fjórir þingmenn flokksins gegn frávísun á tillögu Bjarna Benediktssonar um að ákæran á hendur Geir H. Haarde verði afturkölluð. Það voru þau Árni Páll Árnason, Ásta Ragnheiður Jóhannesdóttir, Kristján L. Möller og Össur Skarphéðinsson. Að auki hefur Sigmundur Ernir Rúnarsson lýst því yfir að hann hefði gert eins, en hann var fjarverandi. Ljóst er að þessir þingmenn verða rukkaðir um skýringu á afstöðu sinni. Það má því búast við að fundurinn snúist að nokkru leyti um efnisatriði ákærunnar, þar sem afstaða til upphaflegrar ákæru verður einnig rædd. Vilja aukalandsfundFlokksstjórn fundaði síðast í desember, þegar Jóhanna Sigurðardóttir, formaður flokksins, skýrði frá breytingum á ráðherraliði flokksins. Á þeim fundi lögðu Andrés Jónsson, fyrrverandi formaður Ungra jafnaðarmanna, og fleiri fram tillögu um aukalandsfund. Samþykkt var að ræða hana á fundinum sem hefst í dag. Tillöguna á að ræða á eftir málefnastarfi í dag. Andrés segir að tillöguflytjendur séu að skoða það að draga tillöguna til baka, enda sé að nást sátt innan flokksins um landsfund í haust. „Það hefur verið komið að máli við okkur af hálfu aðila innan flokksins um það að draga tillöguna til baka gegn því að það verði sátt um að halda landsfund seint í haust." Andrés segir ekki endilega nauðsynlegt að samþykkja slíkan fund í dag, eins sé hægt að taka ákvörðun á fundi flokksstjórnar í vor. Fundinn verði hins vegar að halda. Gagnrýni á forystunaSegja má að Össur Skarphéðinsson utanríkisráðherra hafi opnað á gagnrýni á forystu flokksins. Það gerði hann í viðtali í áramótahefti Viðskiptablaðsins. Þar sagði Össur: „En það mun reynast flokki eins og Samfylkingunni, sem hefur þurft að taka margar mjög erfiðar ákvarðanir meðan unnið er úr hruninu, mjög erfitt að fara í gegnum næstu kosningar nema flokkurinn hafi náð að endurnýja sig, bæði forystuna og ekki síður hugmyndir sínar." Össur hefur verið spurður út í þessi orð sín á þingi, en hefur vikið sér undan því að svara. Þá hefur Jóhanna einnig verið spurð út í ummælin, en hún sagði á Alþingi á fimmtudag að hún hefði skýrt umboð flokksins frá síðasta landsfundi, sem haldinn var í nóvember. „Þar lagði ég upp verkefnalista sem ég er að fylgja eftir og ætla mér að gera til enda þessa kjörtímabils þannig að það er enginn bilbugur á mér. Ég veit ekki til annars en að ég hafi fullan stuðning míns flokks til að klára þau mál og þó að einhverjar vangaveltur séu hjá Össuri Skarphéðinssyni um einhverja framtíðarleiðtoga flokksins geri ég ekki mikið með það. Hann getur verið með sínar vangaveltur út og suður alveg eins og honum sýnist." Verður að kjósaÞeir sem leggja fram tillögur um landsfund í haust eru hins vegar sammála Össuri um að breytinga sé þörf. Andrés segir að nauðsynlegt sé að kosningar fari fram um forystuna fyrir næstu kosningar. „Við tökum ekki afstöðu til þess hvort formaður eða varaformaður eigi að víkja, en teljum að það verði að endurnýja." Það þýðir væntanlega nýtt fólk? „Já, já. Markmiðið með tillögunni var fyrst og fremst að opna fyrir þá umræðu og það hefur tekist svo um munar. Jóhanna mun ekkert humma þetta fram af sér fram í kosningabaráttuna," segir Andrés. Hann segir mikilvægt að kosningar um forystu verði í haust en ekki rétt fyrir kosningar, en reglulegan landsfund á að halda á vori komanda. Innri málefni flokksins verða því ofarlega á baugi á flokksstjórnarfundinum í dag, hvað sem skipuleggjendur hafa haft í huga.
Fréttir Mest lesið Sautján milljóna króna greiðslan vekur hneykslan Innlent Þrettán þúsund krónur fyrir nótt í tjaldi Innlent Dvaldi lengi í Engey áður en hún synti til baka í flasið á hvalaskoðunarskipi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Dósent við HÍ „óskaði þess að árásarmaðurinn hefði hitt“ Innlent Diljá Mist segir hræsni einkenna íslenska femínista Innlent Hinn látni í Suðursveit ungur pólskur maður Innlent Íslensk kona og fjölskylda hennar á sjúkrahúsi eftir árás á Krít Innlent Stórhættulegur framúrakstur á Holtavörðuheiði Innlent Íslendingur á sextugsaldri fannst látinn í Taílandi Innlent Fleiri fréttir Hefja viðgerðir þó það gæti gosið á næstu dögum eða vikum Samfélagið þurfi á börnum að halda Viðgerðir á meðan búist er við gosi og skötuveisla um hásumar Hinn látni í Suðursveit ungur pólskur maður Hengdu Palestínufána á Hallgrímskirkjuturn Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent