Öðruvísi að vera í kuldanum á Íslandi 12. desember 2012 18:00 Enric Palau vonast til að Sónar-hátíðin muni festa sig í sessi á Íslandi. Spánverjinn Enric Palau er stjórnandi Sónar-hátíðarinnar sem verður haldin hérlendis í fyrsta sinn í Hörpunni dagana 15. og 16. febrúar. Um fjörutíu flytjendur koma fram, þar á meðal James Blake, Squarepusher, þýsk-japanska tvíeykið Alva Noto & Ryuichi Sakomoto, þýski rafdúettinn Modeselektor og danski plötusnúðurinn og upptökustjórinn Kasper Björke. Í samtali við Fréttablaðið segist Palau lengi hafa hrifist af Íslandi. "Við höfum boðið íslenskum listamönnum á hátíðina í gegnum árin og þeir hafa alltaf verið frábærir. Það eru einstakir hæfileikar sem koma þaðan og þess vegna var það strax spennandi hugmynd að koma til Íslands," segir Palau. "Við hlökkum mikið til. Þetta verður eflaust dálítið öðruvísi, að vera í febrúar á Íslandi í fyrsta sinn, en ég veit að Íslendingar eru vanir kuldanum og snjónum þannig að það ætti ekki að vera mikið vandamál."Ísland ekki of lítið Á næsta ári verða tuttugu ár liðin síðan Sónar-hátíðin hóf göngu sína í Barselóna en þar er stærsta hátíðin haldin í júní ár hvert. Undanfarin ár hefur hún einnig færst til annarra landa, þar á meðal Norður-Ameríku, Tókýó, Höfðaborgar í Suður-Afríku og til Sao Paulo í Brasilíu. Spurður hvort Ísland sé ekkert of lítið land fyrir Sónar segir Palau: "Stærð Hörpunnar er mjög hentug. Ísland lítur kannski út fyrir að vera lítið land en menningar- og tónlistarlega en það mjög frjótt og áhrifamikið. Sónar snýst aðallega um framsækna danstónlist og nýja list og okkur finnst Ísland hafa margt fram að færa. Þótt hátíðin sé lítil í sniðum á Íslandi langaði okkur að byrja með þessa hátíð þar. Þetta verður gott tækifæri til að uppgötva nýja tónlist þaðan." Hann vonast til að hátíðin verði að árlegum viðburði hér á landi. "Við sjáum fyrst til hvernig þessi fyrsta hátíð gengur. Við erum að bjóða upp á meira en fjörutíu listamenn á tveimur dögum á fjórum mismunandi sviðum í Hörpu. Okkar hugmynd er að skapa hátíðarumhverfi og samkomustað fyrir tónlistarmenn og áhugafólk um góða tónlist. Ef viðbrögðin verða góð munum við örugglega halda áfram."Tæknin hefur breyst Spurður út í tilurð Sónar-hátíðarinnar segir Palau að hugmyndin hafi verið að búa til fundarstað fyrir listamenn og aðdáendur framsækinnar og tilraunakenndrar tónlistar sem og nýrra lista. "Markmiðið var að vera alþjóðleg og leita nýrra leiða fyrir áhugaverða sköpun. Þegar við byrjuðum hátíðina sáum við að þessi tækni sem þá var að ryðja sér til rúms yrði á endanum hægt að nota á hverju heimili," segir Palau. "Á níunda áratugnum þurftu menn að leigja sér hljóðver og dýran búnað ef menn ætluðu að búa til tónlist en strax árið 1994 sáum við að tæknin var farin að breytast. Hún var orðin minni í sniðum, hraðvirkari og auðveldara var að nálgast hana. Þetta varð til þess að margir nýir komu inn í þessa senu sem höfðu aðgang að þessari tækni. Þarna var að verða til samruni á milli listrænna miðla. Landamærin á milli tónlistarmanna og sjón-listamanna urðu minni."Uppgötva nýja tónlistarmenn Hversu mikilvægt er að ferðast um heiminn með hátíðina? "Það er mikil áskorun að heimsækja nýja staði, kynna hátíðina fyrir nýjum áhorfendum, sjá viðbrögðin og uppgötva nýja tónlistarmenn. Við höfum að undanförnu farið til Brasilíu, Japans og Suður-Afríku og þaðan kemur mjög áhugaverð tónlist sem veitir okkur innblástur. Að ferðast svona um heldur hátíðinni á lífi allt árið um kring og svo endum við á stórum viðburði í Barselóna."Hrifinn af Mugison Spurður um uppáhaldsflytjanda á Sónar-hátíðinni segist Palau eiga erfitt með að velja. Hann eigi margar mjög góðar minningar en vilji helst líta fram á veginn. "Við fengum Jónsa fyrir tveimur árum og Sigur Rós líka. Svo höfum við fengið minna þekkta listamenn eins og Mugison, sem mér finnst vera magnaður tónlistarmaður. Ben Frost frá Bedroom Community hefur líka komið til okkar. En ég er alltaf að hugsa um næstu hátíð. Að uppgötva einhvern nýjan og spennandi listamann á næstu Sónar-hátíð gerir mig spenntari en að horfa til baka." Aðeins tvö þúsund miðar verða til sölu á Sónar-hátíðina á Íslandi en um eitt þúsund miðar verða í boði erlendis. Miðasala fer fram á Midi.is, Harpa.is og á Sonarreykjavik.com. freyr@frettabladid.isMeðal tónlistarmanna sem koma fram á hátíðinni er raftónlistargúrúinn Squarepusher. Sónar Tónlist Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira
Spánverjinn Enric Palau er stjórnandi Sónar-hátíðarinnar sem verður haldin hérlendis í fyrsta sinn í Hörpunni dagana 15. og 16. febrúar. Um fjörutíu flytjendur koma fram, þar á meðal James Blake, Squarepusher, þýsk-japanska tvíeykið Alva Noto & Ryuichi Sakomoto, þýski rafdúettinn Modeselektor og danski plötusnúðurinn og upptökustjórinn Kasper Björke. Í samtali við Fréttablaðið segist Palau lengi hafa hrifist af Íslandi. "Við höfum boðið íslenskum listamönnum á hátíðina í gegnum árin og þeir hafa alltaf verið frábærir. Það eru einstakir hæfileikar sem koma þaðan og þess vegna var það strax spennandi hugmynd að koma til Íslands," segir Palau. "Við hlökkum mikið til. Þetta verður eflaust dálítið öðruvísi, að vera í febrúar á Íslandi í fyrsta sinn, en ég veit að Íslendingar eru vanir kuldanum og snjónum þannig að það ætti ekki að vera mikið vandamál."Ísland ekki of lítið Á næsta ári verða tuttugu ár liðin síðan Sónar-hátíðin hóf göngu sína í Barselóna en þar er stærsta hátíðin haldin í júní ár hvert. Undanfarin ár hefur hún einnig færst til annarra landa, þar á meðal Norður-Ameríku, Tókýó, Höfðaborgar í Suður-Afríku og til Sao Paulo í Brasilíu. Spurður hvort Ísland sé ekkert of lítið land fyrir Sónar segir Palau: "Stærð Hörpunnar er mjög hentug. Ísland lítur kannski út fyrir að vera lítið land en menningar- og tónlistarlega en það mjög frjótt og áhrifamikið. Sónar snýst aðallega um framsækna danstónlist og nýja list og okkur finnst Ísland hafa margt fram að færa. Þótt hátíðin sé lítil í sniðum á Íslandi langaði okkur að byrja með þessa hátíð þar. Þetta verður gott tækifæri til að uppgötva nýja tónlist þaðan." Hann vonast til að hátíðin verði að árlegum viðburði hér á landi. "Við sjáum fyrst til hvernig þessi fyrsta hátíð gengur. Við erum að bjóða upp á meira en fjörutíu listamenn á tveimur dögum á fjórum mismunandi sviðum í Hörpu. Okkar hugmynd er að skapa hátíðarumhverfi og samkomustað fyrir tónlistarmenn og áhugafólk um góða tónlist. Ef viðbrögðin verða góð munum við örugglega halda áfram."Tæknin hefur breyst Spurður út í tilurð Sónar-hátíðarinnar segir Palau að hugmyndin hafi verið að búa til fundarstað fyrir listamenn og aðdáendur framsækinnar og tilraunakenndrar tónlistar sem og nýrra lista. "Markmiðið var að vera alþjóðleg og leita nýrra leiða fyrir áhugaverða sköpun. Þegar við byrjuðum hátíðina sáum við að þessi tækni sem þá var að ryðja sér til rúms yrði á endanum hægt að nota á hverju heimili," segir Palau. "Á níunda áratugnum þurftu menn að leigja sér hljóðver og dýran búnað ef menn ætluðu að búa til tónlist en strax árið 1994 sáum við að tæknin var farin að breytast. Hún var orðin minni í sniðum, hraðvirkari og auðveldara var að nálgast hana. Þetta varð til þess að margir nýir komu inn í þessa senu sem höfðu aðgang að þessari tækni. Þarna var að verða til samruni á milli listrænna miðla. Landamærin á milli tónlistarmanna og sjón-listamanna urðu minni."Uppgötva nýja tónlistarmenn Hversu mikilvægt er að ferðast um heiminn með hátíðina? "Það er mikil áskorun að heimsækja nýja staði, kynna hátíðina fyrir nýjum áhorfendum, sjá viðbrögðin og uppgötva nýja tónlistarmenn. Við höfum að undanförnu farið til Brasilíu, Japans og Suður-Afríku og þaðan kemur mjög áhugaverð tónlist sem veitir okkur innblástur. Að ferðast svona um heldur hátíðinni á lífi allt árið um kring og svo endum við á stórum viðburði í Barselóna."Hrifinn af Mugison Spurður um uppáhaldsflytjanda á Sónar-hátíðinni segist Palau eiga erfitt með að velja. Hann eigi margar mjög góðar minningar en vilji helst líta fram á veginn. "Við fengum Jónsa fyrir tveimur árum og Sigur Rós líka. Svo höfum við fengið minna þekkta listamenn eins og Mugison, sem mér finnst vera magnaður tónlistarmaður. Ben Frost frá Bedroom Community hefur líka komið til okkar. En ég er alltaf að hugsa um næstu hátíð. Að uppgötva einhvern nýjan og spennandi listamann á næstu Sónar-hátíð gerir mig spenntari en að horfa til baka." Aðeins tvö þúsund miðar verða til sölu á Sónar-hátíðina á Íslandi en um eitt þúsund miðar verða í boði erlendis. Miðasala fer fram á Midi.is, Harpa.is og á Sonarreykjavik.com. freyr@frettabladid.isMeðal tónlistarmanna sem koma fram á hátíðinni er raftónlistargúrúinn Squarepusher.
Sónar Tónlist Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira