Kannabisefni og græðlingar

Allnokkurt magn af fíkniefnum fannst í húsleit lögreglu í Mosfellsbæ á þriðjudag.

Um var að ræða 900 grömm af marijúana og um 1,4 kíló af öðru kannabisefni. Fíkniefnin fundust í þurrkunaraðstöðu í risi hússins.

Húsráðendur, karl og kona um þrítugt, voru yfirheyrð vegna málsins. „Áður hafði lögreglan haft afskipti af manninum annars staðar og þá fundið á fjórða tug kannabisgræðlinga í bíl hans," segir í tilkynningu lögreglunnar á höfuðborgarsvæðinu. - óká