Útherjinn skrautlegi Chad Johnson, sem áður kallaði sig Ochocinco, er ekkert í allt of góðum málum í kjölfar þess að hann var handtekinn og síðan rekinn frá Miami Dolphins.
Johnson hefur verið kærður fyrir að skalla eiginkonu sína, Evelyn Lozada, en þau giftu sig fyrir aðeins mánuði síðan.
Þegar honum var sleppt úr fangelsi beið hans uppsagnarbréf frá Dolphins. Johnson er nýbúinn að semja við félagið en hann stóð ekki undir væntingum hjá New England Patriots síðasta vetur.
Hasarinn hjá hjónunum snérist um kvittun sem eiginkonan fann fyrir smokkum. Þau fóru að rífast sem endaði með því að Johnson skallaði eiginkonuna. Hún hljóp þá yfir til nágranna og fékk að hringja á lögregluna. Hún var þá með skurð á enninu.
Hámarksrefsing sem Johnson gæti fengið er eins árs fangelsi. Líklegt er talið að hann fái sekt og verði skikkaður til þess að fara á reiðistjórnunarnámskeið.
Skallaði eiginkonuna og var rekinn frá Dolphins

Mest lesið




Ratcliffe þekkti ekki fyrirliða kvennaliðsins
Enski boltinn


„Vissi ekki hvað þessi sársauki þýddi“
Handbolti


Bætti skólamet pabba síns
Körfubolti

