Music Mess í annað sinn

Tónlistarhátíðin Reykjavík Music Mess verður haldin í annað sinn helgina 25. til 27. maí á Faktorý Bar og Kex Hosteli.

Meðal þeirra sem koma fram eru Benni Hemm Hemm, Snorri Helgason, Jarse frá Finnlandi, My Bubba & Mi frá Danmörku, Cheek Mountain Thief, Legend, Úlfur og fleiri. Hátíðin var haldin í fyrsta sinn síðasta vor og komu þá fram Deerhunter, Mugison, Lower Dens, Sin Fang og Nive Nielsen.

Miðasala hefst 4. maí á Midi.is. Frítt verður inn á þá viðburði sem haldnir verða á Kex Hosteli. Í meðfylgjandi myndbandi má sjá lagið Mockingbird með Snorra Helgasyni.