Í fótspor stórstjarnanna Trausti Júlíusson skrifar 13. febrúar 2013 12:00 Tónlist. Geir Ólafsson. I'm Talking About You. Zonet Þó að Geir Ólafsson sé umdeildur tónlistarmaður þá er ekki annað hægt en að dást að honum. Er hann ekki dæmi um mann sem leggur allt undir til að láta drauma sína rætast? Hann eflist við mótlæti og heldur ótrauður áfram í átt að settu marki. I'm Talking About You er fimmta plata Geirs og á henni syngur hann útsetningar Dons Randi á tíu þekktum dægurlögum, m.a. Beat It, Lady In Red, Besame Mucho og Come Together. Don Randi er bandarískur píanóleikari og hljómsveitarstjóri sem hefur leikið inn á ógrynni platna. Hann var m.a. meðlimur í hinni margrómuðu sveit hljóðvershljóðfæraleikara The Wrecking Crew. Það er ákveðið afrek út af fyrir sig að hafa gert plötu með Don Randi og það má segja að Geir sé hér kominn í fótspor meistaranna. Útsetningarnar á I'm Talking About You eru í léttpoppuðum stórsveitarstíl. Í hljómsveitinni eru þrettán blásarar, auk Randis á píanó, gítarleikara (Eddi Lár), bassaleikara, trommuleikara og slagverksleikara. Allt Íslendingar, nema trommarinn Bernie Dresel. Þá útsetur Þórir Baldursson eitt lag, titillagið sem er eftir Jóhann G. Jóhannsson, og spilar á Hammond í því. Eins og við var að búast eru útsetningarnar á plötunni fínar og faglega unnar. Lögin eru mislangt frá sínum þekktustu útsetningum. Michael Jackson-lagið Beat It kemur t.d. mjög skemmtilega út í þessari stórsveitarútsetningu. Það sama má segja um Lady In Red (Chris de Burgh) og Bítlalagið Come Together. Það er svo sem ekkert framsækið eða frumlegt við þessa nálgun, en þetta er vel gert. Og þá er það stóra spurningin. Söngur Geirs sjálfs. Hvernig tekst til? Geir hefur auðvitað farið töluvert fram og styrkt sig með hverri plötunni. Hann kemst ágætlega frá mörgum þessara laga. Það vantar samt oft herslumuninn. Mack the Knife er til dæmis ansi kraftlaust og hann ræður ekki alveg við Come Together. Hann gerir þetta vissulega á sinn hátt og í sumum laganna dugir það alveg en ekki í öðrum. Á heildina litið er I'm Talking About You þokkalegasta plata. Aðdáendur Geirs ættu ekki að hika við að bæta henni í safnið. Niðurstaða: Margt vel gert hjá Geir og félögum en sums staðar vantar herslumuninn. Gagnrýni Mest lesið Sjóræningjar réðust á Íslendinga Lífið „Þessi krakki mun aldrei hlaupa á eftir bolta“ Lífið „Ef þú ræðst svona aftur á mig þá stíg ég á fótinn þinn“ Lífið Krakkatían: Blæja, birnir og sveppahús Lífið Fullkomið tan og tryllt partý Lífið samstarf Þetta er ástæðan fyrir því að þú átt aldrei að bjóða óperusöngvara í matarboð Gagnrýni Vel yfir milljón á fermetrann og baðkar í eldhúsinu Lífið Horfði aftur á keppnina þegar hún kom heim Lífið Hanna Katrín heiðraði Eyjólf í Epal Lífið Bað strax um verkjalyf eftir nefaðgerðina Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Tónlist. Geir Ólafsson. I'm Talking About You. Zonet Þó að Geir Ólafsson sé umdeildur tónlistarmaður þá er ekki annað hægt en að dást að honum. Er hann ekki dæmi um mann sem leggur allt undir til að láta drauma sína rætast? Hann eflist við mótlæti og heldur ótrauður áfram í átt að settu marki. I'm Talking About You er fimmta plata Geirs og á henni syngur hann útsetningar Dons Randi á tíu þekktum dægurlögum, m.a. Beat It, Lady In Red, Besame Mucho og Come Together. Don Randi er bandarískur píanóleikari og hljómsveitarstjóri sem hefur leikið inn á ógrynni platna. Hann var m.a. meðlimur í hinni margrómuðu sveit hljóðvershljóðfæraleikara The Wrecking Crew. Það er ákveðið afrek út af fyrir sig að hafa gert plötu með Don Randi og það má segja að Geir sé hér kominn í fótspor meistaranna. Útsetningarnar á I'm Talking About You eru í léttpoppuðum stórsveitarstíl. Í hljómsveitinni eru þrettán blásarar, auk Randis á píanó, gítarleikara (Eddi Lár), bassaleikara, trommuleikara og slagverksleikara. Allt Íslendingar, nema trommarinn Bernie Dresel. Þá útsetur Þórir Baldursson eitt lag, titillagið sem er eftir Jóhann G. Jóhannsson, og spilar á Hammond í því. Eins og við var að búast eru útsetningarnar á plötunni fínar og faglega unnar. Lögin eru mislangt frá sínum þekktustu útsetningum. Michael Jackson-lagið Beat It kemur t.d. mjög skemmtilega út í þessari stórsveitarútsetningu. Það sama má segja um Lady In Red (Chris de Burgh) og Bítlalagið Come Together. Það er svo sem ekkert framsækið eða frumlegt við þessa nálgun, en þetta er vel gert. Og þá er það stóra spurningin. Söngur Geirs sjálfs. Hvernig tekst til? Geir hefur auðvitað farið töluvert fram og styrkt sig með hverri plötunni. Hann kemst ágætlega frá mörgum þessara laga. Það vantar samt oft herslumuninn. Mack the Knife er til dæmis ansi kraftlaust og hann ræður ekki alveg við Come Together. Hann gerir þetta vissulega á sinn hátt og í sumum laganna dugir það alveg en ekki í öðrum. Á heildina litið er I'm Talking About You þokkalegasta plata. Aðdáendur Geirs ættu ekki að hika við að bæta henni í safnið. Niðurstaða: Margt vel gert hjá Geir og félögum en sums staðar vantar herslumuninn.
Gagnrýni Mest lesið Sjóræningjar réðust á Íslendinga Lífið „Þessi krakki mun aldrei hlaupa á eftir bolta“ Lífið „Ef þú ræðst svona aftur á mig þá stíg ég á fótinn þinn“ Lífið Krakkatían: Blæja, birnir og sveppahús Lífið Fullkomið tan og tryllt partý Lífið samstarf Þetta er ástæðan fyrir því að þú átt aldrei að bjóða óperusöngvara í matarboð Gagnrýni Vel yfir milljón á fermetrann og baðkar í eldhúsinu Lífið Horfði aftur á keppnina þegar hún kom heim Lífið Hanna Katrín heiðraði Eyjólf í Epal Lífið Bað strax um verkjalyf eftir nefaðgerðina Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira