Pistill: Gylfi og Chicharito Kolbeinn Tumi Daðason skrifar 5. febrúar 2013 10:34 Virku varamennirnir Chicharito og Gylfi Þór Sigurðsson. Nordicphotos/Getty „Gylfi hefði ekki átt að velja peninga fram yfir spilatíma," er fullyrðing sem ég hef heyrt frá knattspyrnuáhugamönnum undanfarnar vikur og mánuði. Svo virðist sem fjölmargir séu á því að Gylfi Þór Sigurðsson sé í frystikistunni hjá Andre Villas-Boas, knattspyrnustjóra Tottenham. Hefði Gylfi gengið í raðir Liverpool, eins og honum stóð til boða í ágúst, væri allt annað uppi á teningnum. Gylfi hefur „aðeins" verið í byrjunarliði Tottenham sex sinnum í ensku úrvalsdeildinni á tímabilinu. Í einum þeirra hefur hann fengið að spila leikinn frá upphafi til enda en í hinum hefur honum verið skipt af velli. Hann er í 16. sæti yfir mínútur spilaðar hjá Spurs. Algjör varaskeifa, eða hvað? Gylfi hefur komið við sögu í 22 af 25 leikjum Spurs á tímabilinu, öllum nema þremur. Aðeins Aaron Lennon, Jermaine Defoe og Kyle Walker hafa komið við sögu í fleiri leikjum Lundúnarliðsins. Hægt er að skoða tölfræði frá ýmsum sjónarhornum. Javier „Chicharito" Hernandez, leikmaður Manchester United, hefur spilað færri mínútur en Gylfi, sömuleiðis liðsfélagi hans Anderson og velskur miðjumaður, áður kantmaður, að nafni Ryan Giggs. Ensku landsliðsmennirnir (flettið því upp) og liðsfélagar Gylfa, Tom Huddlestone og Jake Livermore, hafa spilað minna en Hafnfirðingurinn svo ekki sé minnst á Jermaine Jenas og Andros Townsend sem búið er að lána til QPR. Þá má nefna Iago Falqué og Danny Rose sem önnur lið njóta góðs af sem stendur. Þessi gæjar eru ekki í myndinni hjá Villas-Boas. Portúgalinn hafði ekki frumkvæðið að því að kaupa Gylfa en sló ekki hendinni á móti því að fá hann í raðir félagsins. Gylfi á ekki fast sæti í byrjunarliði Spurs, það er óumdeilt, en hins vegar kemur hann undantekningalítið við sögu. Virðist einnig sem Villas-Boas leiti til hans þegar Spurs er í leit að marki - breyta einu stigi í þrjú. Svo var tilfellið sem dæmi í jafnteflisleikjum gegn Stoke og Norwich en í báðum leikjum var Gylfi hársbreidd frá því að tryggja Spurs stigin þrjú.Gylfi í bikarleik með Spurs.Nordicphotos/AFPÁ meðan Gylfi hefur ekki nýtt sambærileg færi við þau sem hann skoraði úr hjá Swansea í fyrra hefur Clint Dempsey reimað á sig markaskóna. Fimm mörk gegn engu marki Gylfa komu Bandaríkjamanninum framar í goggunarröðinni. Samt er frammistaða Dempsey mun lakari en hjá Fulham í fyrra. Þá einoka Gareth Bale og Aaron Lennon kantstöðurnar í 4-4-2 uppstillingu Villas-Boas sem gerir það að verkum að hlutverk Gylfa verður, að óbreyttu, áfram sem varamaður. Virkur varamaður. Hlutverk Gylfa hlýtur reyndar að vera nokkuð mikilvægt fyrst að Spurs hafnaði boði um að selja Íslendinginn til Reading á dögunum. Tilboðið hljómaði upp á töluvert hærri upphæð (900 milljónir króna) en sú sem Spurs greiddi Hoffenheim fyrir hálfu ári. Daniel Levy, stjórnarformaður Spurs, og Villas-Boas höfnuðu hins vegar 60 prósenta ávöxtun á hálfu ári. Þætti Gylfi Þór ekki mikilvægur fyrir félagið eða kaupin misheppnuð hefðu þeir stokkið á boðið. Ég bý ekki í helli. Allir átta sig á því að Gylfi hefur dvalið lungann úr flestum deildarleikjum Spurs á bekknum. Liði sem situr í fjórða sæti deildar sem hefur verið sú sterkasta í Evrópu undanfarin ár. Þeir sem reiknuðu með því að Hafnfirðingurinn yrði í byrjunarliði Spurs í hverri viku þurfa að láta herða skrúfurnar. Það var aldrei líklegt. Scott Sinclair til Manchester City frá Swansea og nafni hans Scott Parker til Chelsea frá Charlton. Það eru dæmi um leikmenn sem völdu peninga fram yfir spiltíma. Ekki Gylfi. Ákvörðun hans var metnaðarfull en það er langt í að hægt verði að fullyrða að hún hafi verið röng. Hæfileikar Gylfa eru óumdeildir og um leið og fyrsta aukaspyrnan syngur í netinu mun kveða við annan tón hjá gagnrýnendum hans. Enski boltinn Mest lesið Ítölsk stelpa ferðaðist 1.800 kílómetra til að sjá Jón Axel Körfubolti „Hætti þessari fortíðarþráhyggju minni með Vestmannaeyjar“ Handbolti „Skil bara ekki að KSÍ leyfi þetta“ Íslenski boltinn Leicester kveður „geitina“ sem félagið sótti í utandeildina Enski boltinn Skalf meðan hann lagði Carlsen: „Þetta var algjörlega galið“ Sport Fór út í dulargervi eftir að Barton byrjaði að bauna á hana Enski boltinn Pjakkarnir erlendis þegar KR mætir Blikum Íslenski boltinn Stuðningsmenn Vestra úti í horni vegna kröfu um aðskilnað Íslenski boltinn „Gott að sjá honum blæða á vellinum“ Körfubolti Liverpool getur tryggt sér titilinn á sunnudaginn Enski boltinn Fleiri fréttir Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Jafnt á Emirates og Liverpool þarf að bíða Arteta ætlar ekki að hvíla Saka fyrir Meistaradeildina Sagan segir að Arsenal vinni Meistaradeildina Rekstur Chelsea: Eins og að tapa sextíu milljónum á dag í tíu ár Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Dramatík í Manchester United vill fá Cunha Kom þriðja liðinu upp í ensku úrvalsdeildina í fyrstu tilraun Leið eins og BBC vildi losna við hann úr Match of the Day Reyna að lesa eitthvað út úr fagni Trents Alexander-Arnold Enni ungs sonar Man. Utd leikmanns í tvennt Biður stuðningsfólk afsökunar á skítnum „Munum gefa allt sem við eigum til að enda meðal efstu fimm“ Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham Alfons með sitt fyrsta mark fyrir Birmingham Segir að Alexander-Arnold eigi ekki að byrja fleiri leiki ef hann er á förum Liverpool gæti orðið meistari strax á miðvikudag Saka ekki alvarlega meiddur Slot sáttur fyrir hönd Trent Alexander-Arnold „Vinnur ekki leiki ef þú skorar ekki“ Trent tryggði sigurinn gegn lánlausu liði Leicester Úlfarnir unnu United aftur Frestuðu fögnuði Liverpool með sýningu Neto hetja Chelsea á síðustu stundu Sjá meira
„Gylfi hefði ekki átt að velja peninga fram yfir spilatíma," er fullyrðing sem ég hef heyrt frá knattspyrnuáhugamönnum undanfarnar vikur og mánuði. Svo virðist sem fjölmargir séu á því að Gylfi Þór Sigurðsson sé í frystikistunni hjá Andre Villas-Boas, knattspyrnustjóra Tottenham. Hefði Gylfi gengið í raðir Liverpool, eins og honum stóð til boða í ágúst, væri allt annað uppi á teningnum. Gylfi hefur „aðeins" verið í byrjunarliði Tottenham sex sinnum í ensku úrvalsdeildinni á tímabilinu. Í einum þeirra hefur hann fengið að spila leikinn frá upphafi til enda en í hinum hefur honum verið skipt af velli. Hann er í 16. sæti yfir mínútur spilaðar hjá Spurs. Algjör varaskeifa, eða hvað? Gylfi hefur komið við sögu í 22 af 25 leikjum Spurs á tímabilinu, öllum nema þremur. Aðeins Aaron Lennon, Jermaine Defoe og Kyle Walker hafa komið við sögu í fleiri leikjum Lundúnarliðsins. Hægt er að skoða tölfræði frá ýmsum sjónarhornum. Javier „Chicharito" Hernandez, leikmaður Manchester United, hefur spilað færri mínútur en Gylfi, sömuleiðis liðsfélagi hans Anderson og velskur miðjumaður, áður kantmaður, að nafni Ryan Giggs. Ensku landsliðsmennirnir (flettið því upp) og liðsfélagar Gylfa, Tom Huddlestone og Jake Livermore, hafa spilað minna en Hafnfirðingurinn svo ekki sé minnst á Jermaine Jenas og Andros Townsend sem búið er að lána til QPR. Þá má nefna Iago Falqué og Danny Rose sem önnur lið njóta góðs af sem stendur. Þessi gæjar eru ekki í myndinni hjá Villas-Boas. Portúgalinn hafði ekki frumkvæðið að því að kaupa Gylfa en sló ekki hendinni á móti því að fá hann í raðir félagsins. Gylfi á ekki fast sæti í byrjunarliði Spurs, það er óumdeilt, en hins vegar kemur hann undantekningalítið við sögu. Virðist einnig sem Villas-Boas leiti til hans þegar Spurs er í leit að marki - breyta einu stigi í þrjú. Svo var tilfellið sem dæmi í jafnteflisleikjum gegn Stoke og Norwich en í báðum leikjum var Gylfi hársbreidd frá því að tryggja Spurs stigin þrjú.Gylfi í bikarleik með Spurs.Nordicphotos/AFPÁ meðan Gylfi hefur ekki nýtt sambærileg færi við þau sem hann skoraði úr hjá Swansea í fyrra hefur Clint Dempsey reimað á sig markaskóna. Fimm mörk gegn engu marki Gylfa komu Bandaríkjamanninum framar í goggunarröðinni. Samt er frammistaða Dempsey mun lakari en hjá Fulham í fyrra. Þá einoka Gareth Bale og Aaron Lennon kantstöðurnar í 4-4-2 uppstillingu Villas-Boas sem gerir það að verkum að hlutverk Gylfa verður, að óbreyttu, áfram sem varamaður. Virkur varamaður. Hlutverk Gylfa hlýtur reyndar að vera nokkuð mikilvægt fyrst að Spurs hafnaði boði um að selja Íslendinginn til Reading á dögunum. Tilboðið hljómaði upp á töluvert hærri upphæð (900 milljónir króna) en sú sem Spurs greiddi Hoffenheim fyrir hálfu ári. Daniel Levy, stjórnarformaður Spurs, og Villas-Boas höfnuðu hins vegar 60 prósenta ávöxtun á hálfu ári. Þætti Gylfi Þór ekki mikilvægur fyrir félagið eða kaupin misheppnuð hefðu þeir stokkið á boðið. Ég bý ekki í helli. Allir átta sig á því að Gylfi hefur dvalið lungann úr flestum deildarleikjum Spurs á bekknum. Liði sem situr í fjórða sæti deildar sem hefur verið sú sterkasta í Evrópu undanfarin ár. Þeir sem reiknuðu með því að Hafnfirðingurinn yrði í byrjunarliði Spurs í hverri viku þurfa að láta herða skrúfurnar. Það var aldrei líklegt. Scott Sinclair til Manchester City frá Swansea og nafni hans Scott Parker til Chelsea frá Charlton. Það eru dæmi um leikmenn sem völdu peninga fram yfir spiltíma. Ekki Gylfi. Ákvörðun hans var metnaðarfull en það er langt í að hægt verði að fullyrða að hún hafi verið röng. Hæfileikar Gylfa eru óumdeildir og um leið og fyrsta aukaspyrnan syngur í netinu mun kveða við annan tón hjá gagnrýnendum hans.
Enski boltinn Mest lesið Ítölsk stelpa ferðaðist 1.800 kílómetra til að sjá Jón Axel Körfubolti „Hætti þessari fortíðarþráhyggju minni með Vestmannaeyjar“ Handbolti „Skil bara ekki að KSÍ leyfi þetta“ Íslenski boltinn Leicester kveður „geitina“ sem félagið sótti í utandeildina Enski boltinn Skalf meðan hann lagði Carlsen: „Þetta var algjörlega galið“ Sport Fór út í dulargervi eftir að Barton byrjaði að bauna á hana Enski boltinn Pjakkarnir erlendis þegar KR mætir Blikum Íslenski boltinn Stuðningsmenn Vestra úti í horni vegna kröfu um aðskilnað Íslenski boltinn „Gott að sjá honum blæða á vellinum“ Körfubolti Liverpool getur tryggt sér titilinn á sunnudaginn Enski boltinn Fleiri fréttir Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Jafnt á Emirates og Liverpool þarf að bíða Arteta ætlar ekki að hvíla Saka fyrir Meistaradeildina Sagan segir að Arsenal vinni Meistaradeildina Rekstur Chelsea: Eins og að tapa sextíu milljónum á dag í tíu ár Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Dramatík í Manchester United vill fá Cunha Kom þriðja liðinu upp í ensku úrvalsdeildina í fyrstu tilraun Leið eins og BBC vildi losna við hann úr Match of the Day Reyna að lesa eitthvað út úr fagni Trents Alexander-Arnold Enni ungs sonar Man. Utd leikmanns í tvennt Biður stuðningsfólk afsökunar á skítnum „Munum gefa allt sem við eigum til að enda meðal efstu fimm“ Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham Alfons með sitt fyrsta mark fyrir Birmingham Segir að Alexander-Arnold eigi ekki að byrja fleiri leiki ef hann er á förum Liverpool gæti orðið meistari strax á miðvikudag Saka ekki alvarlega meiddur Slot sáttur fyrir hönd Trent Alexander-Arnold „Vinnur ekki leiki ef þú skorar ekki“ Trent tryggði sigurinn gegn lánlausu liði Leicester Úlfarnir unnu United aftur Frestuðu fögnuði Liverpool með sýningu Neto hetja Chelsea á síðustu stundu Sjá meira