Handverksmaðurinn Spielberg Haukur Viðar Alfreðsson skrifar 2. febrúar 2013 17:23 Daniel Day-Lewis er frábær í hlutverkinu, eins og honum er von og vísa. Bíó. Lincoln Leikstjóri: Steven Spielberg Leikarar: Daniel Day-Lewis, Tommy Lee Jones, Sally Field, David Strathairn, Joseph Gordon-Levitt, James Spader, Hal Holbrook Það er langt síðan leikstjórinn Steven Spielberg gerði kvikmynd sem jafnast á við hans bestu frá því í gamla daga. Aðdáendur hans eru enn ekki búnir að fyrgefa honum hina hallærislegu War Horse sem kom út fyrir rúmu ári, og efasemdir létu á sér kræla um að hann ætti eitthvað inni sem kvikmyndagerðarmaður. En nú setur hann sig í stellingar og færir okkur 150 mínútna langa mynd um einn virtasta og dáðasta Bandaríkjaforsetann, Abraham Lincoln. Sagan hefst nokkrum mánuðum fyrir dauða forsetans og segir frá baráttu hans fyrir afnámi þrælahalds í landinu, en andstaðan var mikil og þótti mörgum forsetinn ganga helst til langt í tilraunum sínum til að binda enda á borgarastyrjöldina sem þá geysaði. Ef til vill er erfitt fyrir Íslending norður í ballarhafi að tengja við aðdáun Bandaríkjamanna á þessum löngu látna pólitíkus, en myndin er góð kennslustund og aldrei leiðinleg. Spielberg veit vel að herðar Daniel Day-Lewis eru nógu sterkar til að láta mynd af þessari stærðargráðu hvíla á, enda er hann algjörlega frábær í hlutverki sínu. Lítið fer fyrir Sally Field þrátt fyrir tilnefningu til Óskarsverðlauna fyrir hlutverk forsetafrúarinnar, Mary Todd Lincoln. Tommy Lee Jones stelur hins vegar senunni sem skrautlegi Repúblikanaleiðtoginn Thaddeus Stevens, og á skemmtilegustu atriði myndarinnar. Myndatakan er glæsileg, sviðsmynd og búningar eins og best verður á kosið, og að sjálfsögðu er John gamli Williams til staðar með tónsprotann sinn. Allt er þetta gott og blessað, og það er himinn og haf á milli Lincoln og War Horse hvað gæði varðar. Þrátt fyrir þetta er eins og leikstjórann vanti einhvern listrænan neista. Hann er afar fær handverksmaður, það vantar ekki, en leikstjórans sem gerði Raiders of the Lost Ark, Schindler's List og Jaws er enn sárt saknað.Niðurstaða: Spielberg fyrirgefst hestamyndin, en hann getur gert betur en þetta. Gagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira
Bíó. Lincoln Leikstjóri: Steven Spielberg Leikarar: Daniel Day-Lewis, Tommy Lee Jones, Sally Field, David Strathairn, Joseph Gordon-Levitt, James Spader, Hal Holbrook Það er langt síðan leikstjórinn Steven Spielberg gerði kvikmynd sem jafnast á við hans bestu frá því í gamla daga. Aðdáendur hans eru enn ekki búnir að fyrgefa honum hina hallærislegu War Horse sem kom út fyrir rúmu ári, og efasemdir létu á sér kræla um að hann ætti eitthvað inni sem kvikmyndagerðarmaður. En nú setur hann sig í stellingar og færir okkur 150 mínútna langa mynd um einn virtasta og dáðasta Bandaríkjaforsetann, Abraham Lincoln. Sagan hefst nokkrum mánuðum fyrir dauða forsetans og segir frá baráttu hans fyrir afnámi þrælahalds í landinu, en andstaðan var mikil og þótti mörgum forsetinn ganga helst til langt í tilraunum sínum til að binda enda á borgarastyrjöldina sem þá geysaði. Ef til vill er erfitt fyrir Íslending norður í ballarhafi að tengja við aðdáun Bandaríkjamanna á þessum löngu látna pólitíkus, en myndin er góð kennslustund og aldrei leiðinleg. Spielberg veit vel að herðar Daniel Day-Lewis eru nógu sterkar til að láta mynd af þessari stærðargráðu hvíla á, enda er hann algjörlega frábær í hlutverki sínu. Lítið fer fyrir Sally Field þrátt fyrir tilnefningu til Óskarsverðlauna fyrir hlutverk forsetafrúarinnar, Mary Todd Lincoln. Tommy Lee Jones stelur hins vegar senunni sem skrautlegi Repúblikanaleiðtoginn Thaddeus Stevens, og á skemmtilegustu atriði myndarinnar. Myndatakan er glæsileg, sviðsmynd og búningar eins og best verður á kosið, og að sjálfsögðu er John gamli Williams til staðar með tónsprotann sinn. Allt er þetta gott og blessað, og það er himinn og haf á milli Lincoln og War Horse hvað gæði varðar. Þrátt fyrir þetta er eins og leikstjórann vanti einhvern listrænan neista. Hann er afar fær handverksmaður, það vantar ekki, en leikstjórans sem gerði Raiders of the Lost Ark, Schindler's List og Jaws er enn sárt saknað.Niðurstaða: Spielberg fyrirgefst hestamyndin, en hann getur gert betur en þetta.
Gagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira