Vidal skoraði bæði í sigri Juventus

Juventus vann í kvöld öruggan 2-0 útisigur á Lazio í ítölsku úrvalsdeildinni í knattspyrnu.

Arturo Vidal kom Juve yfir með marki úr vítaspyrnu á 8. mínútu. Hann bætti öðru marki við 20 mínútum síðar og þar við sat.

Sigur Juventus var aldrei í hættu en liðið er nú með ellefu stiga forystu á toppi deildarinnar. Inter er með 74 stig en Lazio er í sjötta sæti með 51 stig.

Vidal er 25 ára miðvallarleikmaður frá Síle og hefur nú skorað alls sjö mörk á tímabilinu.