Íslendingar ganga til kosninga 27. apríl 2013 10:02 Mynd/Pjetur Alþingiskosningar fara fram í dag. Kjósendur á kjörskrá eru 237.957 og er fjöldi karla og kvenna nánast jafn. Misjafnt er hvenær kjörstaðir opna en flestir voru opnaðir klukkan níu eða tíu í morgun. Einnig er misjafnt hvenær þeim verður lokað en kjörfundi skal ljúka í síðasta lagi klukkan tíu í kvöld. Sveitarfélögin auglýsa kjörstaði sína og mörg þeirra birta kjörfundarupplýsingar á vefjum sínum. Þá má nálgast ýmsar upplýsingar sem lúta að kosningunum á kosningavef innanríkisráðuneytisins, og ráðuneytið veitir einnig upplýsingar í síma í dag, á meðan kjörfundur stendur yfir. Í gærkvöldi höfðu tæplega 33.000 kosið utan kjörfundar og utankjörfundaratkvæðagreiðsla heldur áfram í Laugardalshöll frá klukkan tíu til fimm í dag. Þar geta þeir kosið sem ekki tilheyra Suðvesturkjördæmi eða Reykjavíkurkjördæmunum.Pétur Gunnlaugsson, formaður Flokks heimilanna, Birgitta Jónsdóttir, oddviti Pírata í Suðvesturkjördæmi, og Bjarni Benediktsson, formaður Sjálfstæðisflokksins, tóku daginn snemma og kusu.Gert ráð fyrir ósigri Samfylkingar Þá fjallaði breska ríkisútvarpið, BBC, um kosningar Íslendinga í morgun. Í fréttinni segir að búist sé við miklum ósigri Samfylkingarinnar vegna óánægju þjóðarinnar með hagstjórn undanfarinna ára, þrátt fyrir að efnahagsmálin hafi verið á uppleið og atvinnuleysi farið minnkandi. BBC segir einnig að gert sé ráð fyrir dramatískri endurkomu Framsóknar og Sjálfstæðisflokksins að stjórnartaumunum, eftir að þjóðin hafi kennt þeim um efnahagshrunið árið 2008. Bent er á að verði þetta niðurstaðan gæti það komið í veg fyrir frekari skref í átt að inngöngu Íslendinga í Evrópusambandið. Sagt er að formenn Framsóknar og Sjálfstæðisflokks, Sigmundur Davíð Gunnlaugsson og Bjarni Benediktsson, muni að öllum líkindum heyja kapphlaup um forsætisráðherrastólinn.Árni Páll Árnason, formaður Samfylkingarinnar, kaus í Ráðhúsinu og Katrín Jakobsdóttir, formaður VG, í Hagaskóla.Fréttastofa Stöðvar 2 hitti fyrir formenn hinna ýmsu flokka á kjörstað. Birgitta Jónsdóttur, kapteinn Pírata, kaus í Laugardalshöll og segist vonast til þess að ná inn þingmanni í öllum kjördæmum. Pétur Gunnlaugsson, Flokki heimilanna, kaus í Breiðagerðisskóla á ellefta tímanum í morgun. „Við berjumst til síðasta blóðdropa og ég mun fara upp á kosningaskrifstofu og ræða við okkar stuðningsfólk.“ Katrín Jakobsdóttir formaður VG var í Hagaskóla og hún segir góða stemningu í flokknum. „Þetta var ekki erfið ákvörðun, það er bara góð stemning í okkar herbúðum þannig að við erum bara bjartsýn fyrir niðurstöðum kvöldsins.“ Guðmundur Steingrímsson hjá Bjartri framtíð var einnig í Hagaskóla á tólfta tímanum. „Ég er fyrst og fremst gríðarlega stoltur. Við vönduðum okkur og nú er bara komið að því að kjósa. Mér finnst gaman að við höfum getað boðið upp á þennan valkost sem Björt framtíð er.“ Bjarni Benediktsson formaður Sjálfstæðisflokksins stefnir á að koma inn fimm þingmönnum í sínu kjördæmi, Kraganum. „Ég vona að leiðin liggi upp á við þar til kjörkössum verður lokað. Það skiptir auðvitað máli að koma ríkisstjórninni frá.“ Árni Páll Árnason formaður Samfylkingarinnar segist bjartsýnn á gott gengi síns flokks, fylgið hafi verið á uppleið síðustu daga, en Árni kaus í Ráðhúsinu. „Við höfum verið að stíga í könnunum í vinnunni en við sjáum hverju fólk skammtar okkur. Þetta er lýðræðishátíð.“ Og síðastan hitti fréttastofa fyrir Þorvald Gylfason hjá Lýðræðisvaktinni sem kaus einnig í Ráðhúsinu. „Við skulum spyrja að leikslokum. Starfið okkar hefur gengið vel og við vinnum sem einn maður. Þetta er því búið að vera leikandi létt og skemmtilegt.“Heiða Kristín Helgadóttir, Jón Gnarr og Sigurður Björn Blöndal í Bjartri framtíð voru reffileg í Ráðhúsinu í morgun.Raðir mynduðust víða Kosningarnar fóru vel af stað og víða mynduðust raðir strax við opnun kjörstaða í morgun. Fréttastofa ræddi við formenn kjörstjórna um land allt en lágu fyrstu tölur um kjörsókn aðeins fyrir í Reykjavíkurkjördæmunum og Suðvesturkjördæmi. Þrátt fyrir dumbung víða um land áttu þeir ekki von á að kjósendur myndu láta það stöðva sig í að mæta á kjörstað. Þvert á móti áttu flestir von á góðri kjörsókn í dag. „Það var bara biðröð á Akranesi í morgun eftir að komast á kjörstað,“ sagði Ríkarður Másson, formaður yfirkjörstjórnar í Norðvesturkjördæmi. Hann átti þó ekki von á fyrstu tölum fyrr en eftir hádegið. Á Akureyri höfðu menn í nógu að snúast við að flokka utankjörstaðaratkvæði. Páll Hlöðversson, í Norðausturkjördæmi, sagði veður ágætt, átta stiga hita en að blásið hefði í nótt. „Ég á nú svo sem ekki von á að hún verði yfir 80% en maður vonar það,“ sagði hann um kjörsóknina og bætti við að verst væri að geta ekki haft áhrif á hana. Á Suðurlandi var súld og sagði Karl Gauti Hjaltason í Suðurkjördæmi að þar væri að bæta í vind. Hann bjóst ekki við að veðrið myndi hamla kjörsókn. „En við höfum áhyggjur af flutningi kjörgagna. Sjólag fer versnandi þannig að við erum að undirbúa okkur undir það hvernig við munum flytja þetta frá Vestmannaeyjum.“ Katrín Theodórsdóttir í Reykjavíkurkjördæmi norður sagði stemninguna í Ráðhúsi Reykjavíkur góða. „Það var kominn svolítill hópur hérna fyrir utan kjörstaðinn þaegar það opnaði í morgun, klukkan níu.“Á kjörstað í morgun.Mynd/PjeturFyrstu tölur um kjörsókn Í Reykjavíkurkjördæmi suður kom upp tölvubilun í morgun en fyrstu tölur um kjörsókn í Reykjavíkurkjördæmunum lágu þó fyrir stuttu síðar. Klukkan tíu höfðu 1107 kosið í Reykjavík norður, sem er 2,43% kjósenda af kjörskrá þar. Í Reykjavík suður höfðu 1082 kosið, eða 2,39% og eru þessar tölur mjög svipaðar sambærilegum tölum úr síðustu Alþingiskosningum. Katrín segir greinilegt að alþjóðlegur áhugi á kosningunum sé mikill og svolítið sé um erlenda fjölmiðlamenn á staðnum. Jónas Þór Guðmundsson í Suðvesturkjördæmi sagði kosninguna fara ljómandi vel af stað og að tölur úr utankjörfundaratkvæðagreiðslu gætu tilefni til bjartsýni. Í Suðvesturkjördæmi höfðu 4052 kosið klukkan ellefu, eða 6,4% kjósenda þar. Kosningar 2013 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Alþingiskosningar fara fram í dag. Kjósendur á kjörskrá eru 237.957 og er fjöldi karla og kvenna nánast jafn. Misjafnt er hvenær kjörstaðir opna en flestir voru opnaðir klukkan níu eða tíu í morgun. Einnig er misjafnt hvenær þeim verður lokað en kjörfundi skal ljúka í síðasta lagi klukkan tíu í kvöld. Sveitarfélögin auglýsa kjörstaði sína og mörg þeirra birta kjörfundarupplýsingar á vefjum sínum. Þá má nálgast ýmsar upplýsingar sem lúta að kosningunum á kosningavef innanríkisráðuneytisins, og ráðuneytið veitir einnig upplýsingar í síma í dag, á meðan kjörfundur stendur yfir. Í gærkvöldi höfðu tæplega 33.000 kosið utan kjörfundar og utankjörfundaratkvæðagreiðsla heldur áfram í Laugardalshöll frá klukkan tíu til fimm í dag. Þar geta þeir kosið sem ekki tilheyra Suðvesturkjördæmi eða Reykjavíkurkjördæmunum.Pétur Gunnlaugsson, formaður Flokks heimilanna, Birgitta Jónsdóttir, oddviti Pírata í Suðvesturkjördæmi, og Bjarni Benediktsson, formaður Sjálfstæðisflokksins, tóku daginn snemma og kusu.Gert ráð fyrir ósigri Samfylkingar Þá fjallaði breska ríkisútvarpið, BBC, um kosningar Íslendinga í morgun. Í fréttinni segir að búist sé við miklum ósigri Samfylkingarinnar vegna óánægju þjóðarinnar með hagstjórn undanfarinna ára, þrátt fyrir að efnahagsmálin hafi verið á uppleið og atvinnuleysi farið minnkandi. BBC segir einnig að gert sé ráð fyrir dramatískri endurkomu Framsóknar og Sjálfstæðisflokksins að stjórnartaumunum, eftir að þjóðin hafi kennt þeim um efnahagshrunið árið 2008. Bent er á að verði þetta niðurstaðan gæti það komið í veg fyrir frekari skref í átt að inngöngu Íslendinga í Evrópusambandið. Sagt er að formenn Framsóknar og Sjálfstæðisflokks, Sigmundur Davíð Gunnlaugsson og Bjarni Benediktsson, muni að öllum líkindum heyja kapphlaup um forsætisráðherrastólinn.Árni Páll Árnason, formaður Samfylkingarinnar, kaus í Ráðhúsinu og Katrín Jakobsdóttir, formaður VG, í Hagaskóla.Fréttastofa Stöðvar 2 hitti fyrir formenn hinna ýmsu flokka á kjörstað. Birgitta Jónsdóttur, kapteinn Pírata, kaus í Laugardalshöll og segist vonast til þess að ná inn þingmanni í öllum kjördæmum. Pétur Gunnlaugsson, Flokki heimilanna, kaus í Breiðagerðisskóla á ellefta tímanum í morgun. „Við berjumst til síðasta blóðdropa og ég mun fara upp á kosningaskrifstofu og ræða við okkar stuðningsfólk.“ Katrín Jakobsdóttir formaður VG var í Hagaskóla og hún segir góða stemningu í flokknum. „Þetta var ekki erfið ákvörðun, það er bara góð stemning í okkar herbúðum þannig að við erum bara bjartsýn fyrir niðurstöðum kvöldsins.“ Guðmundur Steingrímsson hjá Bjartri framtíð var einnig í Hagaskóla á tólfta tímanum. „Ég er fyrst og fremst gríðarlega stoltur. Við vönduðum okkur og nú er bara komið að því að kjósa. Mér finnst gaman að við höfum getað boðið upp á þennan valkost sem Björt framtíð er.“ Bjarni Benediktsson formaður Sjálfstæðisflokksins stefnir á að koma inn fimm þingmönnum í sínu kjördæmi, Kraganum. „Ég vona að leiðin liggi upp á við þar til kjörkössum verður lokað. Það skiptir auðvitað máli að koma ríkisstjórninni frá.“ Árni Páll Árnason formaður Samfylkingarinnar segist bjartsýnn á gott gengi síns flokks, fylgið hafi verið á uppleið síðustu daga, en Árni kaus í Ráðhúsinu. „Við höfum verið að stíga í könnunum í vinnunni en við sjáum hverju fólk skammtar okkur. Þetta er lýðræðishátíð.“ Og síðastan hitti fréttastofa fyrir Þorvald Gylfason hjá Lýðræðisvaktinni sem kaus einnig í Ráðhúsinu. „Við skulum spyrja að leikslokum. Starfið okkar hefur gengið vel og við vinnum sem einn maður. Þetta er því búið að vera leikandi létt og skemmtilegt.“Heiða Kristín Helgadóttir, Jón Gnarr og Sigurður Björn Blöndal í Bjartri framtíð voru reffileg í Ráðhúsinu í morgun.Raðir mynduðust víða Kosningarnar fóru vel af stað og víða mynduðust raðir strax við opnun kjörstaða í morgun. Fréttastofa ræddi við formenn kjörstjórna um land allt en lágu fyrstu tölur um kjörsókn aðeins fyrir í Reykjavíkurkjördæmunum og Suðvesturkjördæmi. Þrátt fyrir dumbung víða um land áttu þeir ekki von á að kjósendur myndu láta það stöðva sig í að mæta á kjörstað. Þvert á móti áttu flestir von á góðri kjörsókn í dag. „Það var bara biðröð á Akranesi í morgun eftir að komast á kjörstað,“ sagði Ríkarður Másson, formaður yfirkjörstjórnar í Norðvesturkjördæmi. Hann átti þó ekki von á fyrstu tölum fyrr en eftir hádegið. Á Akureyri höfðu menn í nógu að snúast við að flokka utankjörstaðaratkvæði. Páll Hlöðversson, í Norðausturkjördæmi, sagði veður ágætt, átta stiga hita en að blásið hefði í nótt. „Ég á nú svo sem ekki von á að hún verði yfir 80% en maður vonar það,“ sagði hann um kjörsóknina og bætti við að verst væri að geta ekki haft áhrif á hana. Á Suðurlandi var súld og sagði Karl Gauti Hjaltason í Suðurkjördæmi að þar væri að bæta í vind. Hann bjóst ekki við að veðrið myndi hamla kjörsókn. „En við höfum áhyggjur af flutningi kjörgagna. Sjólag fer versnandi þannig að við erum að undirbúa okkur undir það hvernig við munum flytja þetta frá Vestmannaeyjum.“ Katrín Theodórsdóttir í Reykjavíkurkjördæmi norður sagði stemninguna í Ráðhúsi Reykjavíkur góða. „Það var kominn svolítill hópur hérna fyrir utan kjörstaðinn þaegar það opnaði í morgun, klukkan níu.“Á kjörstað í morgun.Mynd/PjeturFyrstu tölur um kjörsókn Í Reykjavíkurkjördæmi suður kom upp tölvubilun í morgun en fyrstu tölur um kjörsókn í Reykjavíkurkjördæmunum lágu þó fyrir stuttu síðar. Klukkan tíu höfðu 1107 kosið í Reykjavík norður, sem er 2,43% kjósenda af kjörskrá þar. Í Reykjavík suður höfðu 1082 kosið, eða 2,39% og eru þessar tölur mjög svipaðar sambærilegum tölum úr síðustu Alþingiskosningum. Katrín segir greinilegt að alþjóðlegur áhugi á kosningunum sé mikill og svolítið sé um erlenda fjölmiðlamenn á staðnum. Jónas Þór Guðmundsson í Suðvesturkjördæmi sagði kosninguna fara ljómandi vel af stað og að tölur úr utankjörfundaratkvæðagreiðslu gætu tilefni til bjartsýni. Í Suðvesturkjördæmi höfðu 4052 kosið klukkan ellefu, eða 6,4% kjósenda þar.
Kosningar 2013 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira