Uppskrift að heimagerðum sýrðum rjóma 6. október 2013 09:00 Soffía Gísladóttir er nýr matarbloggari á Vísi. Soffía Gísladóttir heldur úti matarblogginu husidvidsjoinn.wordpress.com. Hér gefur hún lesendum Vísis uppskrift að heimalöguðum sýrðum rjóma og Labneh frá Mið-Austurlöndum. Heimagerður sýrður rjómi og Labneh Sýrður rjómi passar svo vel með mörgu, hann fer sérstaklega vel með mexíkóskum mat, ef þið prófið að gera Huevos Rancheros sem ég talaði um í síðustu færslu þá er heimagerður sýrður rjómi fullkominn með þeim rétti. Svo er hann góður í súpur, frábær með reyktum lax, kemur í staðin fyrir mæjónes í sósum og svo má setja hann út í pottrétti og ofnrétti. Ég nota sýrðan rjóma mjög mikið, nema í staðin fyrir að kaupa hann út í búð þá bý ég hann til sjálf og það er einfaldasta mál í heimi og maður sparar meira að segja smá aur. Ég helli AB mjólk í gegnum kaffipoka eða grisju þannig að mysan í AB mjólkinni lekur í gegn. Því betur sem þið látið mysuna leka úr mjólkinni því mýkri afurð fáið þið og þykkari. Yfirleitt tekur það ekki meir en klukkutíma að fá ágætan skammt af sýrðum rjóma. Alls ekki henda mysunni því það má nýta hana í ýmislegt. Mysan er meinholl og próteinrík. Til dæmis er hægt að nota hana í brauðgerð í stað mjólkur eða vatns, setja í smoothie og svo þykir hún góð sem fóður fyrir skepnur. Heimagerður sýrður rjómi.Mynd/Soffía Sýrður rjómi 2 dl Ab mjólk Kaffifilter eða grisja Setjið kaffipokann ofan í glas eða annað ílát og fyllið það af AB mjólk. Leyfið mysunni að leka í gegn í klukkustund eða lengur, eftir því hvaða áferð þið viljið fá á lokaafurðina. Ef þið eigið kaffitrekkt, þá virkar það mjög vel. Sýrður rjómi með mið-austurlensku ívafi.Mynd/Soffía Labneh Í Mið-Austurlöndum er þessi aðferð þekkt sem Labneh og það má bragðbæta hann á ýmsa vegu. Ef þið viljið bjóða upp á Labneh með mið-austurlenskum mat þá væri hægt að setja sýrða rjómann í skál og dreypa góðri ólífuolíu ofan á og eitthvað gott krydd eins og smátt saxaða steinselju og þurrkaðar chili-flögur. Ég mæli með því að hafa það einfalt og leyfa góða bragðinu af jógúrtinni að njóta sín og fá svo kryddið úr réttunum sem borið er fram með Labneh. Chili frá Frú Laugu.Mynd/Soffía Ég keypti svo fallegan chili-pipar í Frú Laugu, ræktaður hér á Íslandi og góður styrkur í honum. Ég tók mig til og keypti heilan helling og þurrkaði hann og marði hann svo í flögur. Nú á ég fulla krukku af dásamlega "ferskum" chili. Uppskriftir Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Eva segir lífið betra með Kára Stefáns Lífið Íslendingar tilnefndir til Emmy-verðlauna Bíó og sjónvarp „Unun að troðið sé á manni þegar svona er“ Lífið Hildur Vala og Kjartan keyptu raðhús í Fossvogi Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Smakkaði skötu í beinni: „Sjitturinn, kött!“ Vænir, grænir og girnilegir matcha-molar að hætti Jönu Sjá meira
Soffía Gísladóttir heldur úti matarblogginu husidvidsjoinn.wordpress.com. Hér gefur hún lesendum Vísis uppskrift að heimalöguðum sýrðum rjóma og Labneh frá Mið-Austurlöndum. Heimagerður sýrður rjómi og Labneh Sýrður rjómi passar svo vel með mörgu, hann fer sérstaklega vel með mexíkóskum mat, ef þið prófið að gera Huevos Rancheros sem ég talaði um í síðustu færslu þá er heimagerður sýrður rjómi fullkominn með þeim rétti. Svo er hann góður í súpur, frábær með reyktum lax, kemur í staðin fyrir mæjónes í sósum og svo má setja hann út í pottrétti og ofnrétti. Ég nota sýrðan rjóma mjög mikið, nema í staðin fyrir að kaupa hann út í búð þá bý ég hann til sjálf og það er einfaldasta mál í heimi og maður sparar meira að segja smá aur. Ég helli AB mjólk í gegnum kaffipoka eða grisju þannig að mysan í AB mjólkinni lekur í gegn. Því betur sem þið látið mysuna leka úr mjólkinni því mýkri afurð fáið þið og þykkari. Yfirleitt tekur það ekki meir en klukkutíma að fá ágætan skammt af sýrðum rjóma. Alls ekki henda mysunni því það má nýta hana í ýmislegt. Mysan er meinholl og próteinrík. Til dæmis er hægt að nota hana í brauðgerð í stað mjólkur eða vatns, setja í smoothie og svo þykir hún góð sem fóður fyrir skepnur. Heimagerður sýrður rjómi.Mynd/Soffía Sýrður rjómi 2 dl Ab mjólk Kaffifilter eða grisja Setjið kaffipokann ofan í glas eða annað ílát og fyllið það af AB mjólk. Leyfið mysunni að leka í gegn í klukkustund eða lengur, eftir því hvaða áferð þið viljið fá á lokaafurðina. Ef þið eigið kaffitrekkt, þá virkar það mjög vel. Sýrður rjómi með mið-austurlensku ívafi.Mynd/Soffía Labneh Í Mið-Austurlöndum er þessi aðferð þekkt sem Labneh og það má bragðbæta hann á ýmsa vegu. Ef þið viljið bjóða upp á Labneh með mið-austurlenskum mat þá væri hægt að setja sýrða rjómann í skál og dreypa góðri ólífuolíu ofan á og eitthvað gott krydd eins og smátt saxaða steinselju og þurrkaðar chili-flögur. Ég mæli með því að hafa það einfalt og leyfa góða bragðinu af jógúrtinni að njóta sín og fá svo kryddið úr réttunum sem borið er fram með Labneh. Chili frá Frú Laugu.Mynd/Soffía Ég keypti svo fallegan chili-pipar í Frú Laugu, ræktaður hér á Íslandi og góður styrkur í honum. Ég tók mig til og keypti heilan helling og þurrkaði hann og marði hann svo í flögur. Nú á ég fulla krukku af dásamlega "ferskum" chili.
Uppskriftir Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Eva segir lífið betra með Kára Stefáns Lífið Íslendingar tilnefndir til Emmy-verðlauna Bíó og sjónvarp „Unun að troðið sé á manni þegar svona er“ Lífið Hildur Vala og Kjartan keyptu raðhús í Fossvogi Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Smakkaði skötu í beinni: „Sjitturinn, kött!“ Vænir, grænir og girnilegir matcha-molar að hætti Jönu Sjá meira