Hallgrímur Indriðason, formaður Félags fréttamanna, segir að andrúmsloftið á RÚV sé lamað eftir að tilkynnt var um uppsagnirnar í morgun.
„Andrúmsloftið hérna er lamað. Við höfum gengið þrisvar í gegnum svona uppsagnir frá árinu 2008 og menn voru að vona að svona dagar væru á enda,“ segir Hallgrímur.
Hann segir að þetta muni óhjákvæmilega hafa áhrif á dagskrá Ríkisútvarpsins.
„Starfsmönnum sem verða fyrir þessu verður boðið upp á viðtal hjá sálfræðingi og viðtal hjá Capacent. Það verður á kostnað RÚV,“ segir Hallgrímur.
Afturelding
ÍBV
