Baltasar fær tæplega 120 milljóna styrk

Leikstjórinn Baltasar Kormákur hefur fengið veglegan styrk frá kvikmyndasjóði ítalska héraðsins Suður-Týról upp á eina milljón Bandaríkjadali eða um 118 milljónir íslenskra króna fyrir nýjasta verkefni leikstjórans en frá þessu er greint á vefnum Hollywood Reporter.

Baltasar vinnur nú að því að taka upp mynd sem gerist á Everest þegar fjallgöngumenn lenda í vonskuveðri á fjallinu og sjö þeirra láta lífið.

Jake Gyllenhaal fer með aðalhlutverkið í myndinni ásamt Jason Clarke. Einnig fara Josh Brolin og John Hawkes með hlutverk í myndinni.

Tökur á myndinni fara að stórum hluta fram í ítölsku ölpunum og mun það hafa spila stórt hlutverk í því að styrkurinn var veitur.