Kesha reið Perez Hilton

Söngkonan Kesha sakar slúðurblaðamanninn Perez Hilton um að hafa eyðilagt samband sitt og fyrrverandi kærasta síns.

Hilton birti myndir af söngkonunni fáklæddri á vefsíðu sinni árið 2010 og að sögn Keshu varð það til þess að upp úr sambandi hennar og þáverandi kærasta hennar slitnaði. „Hann eyðilagði eina sambandið sem skipti mig máli,“ sagði söngkonan um málið í sjónvarpsþættinum Ke$ha: My Crazy Beautiful Life sem frumsýndur var í Bandaríkjunum á þriðjudag.