Tvær og hálf milljón á fjóra staði í úthlutun Afrekskvennasjóðsins Óskar Ófeigur Jónsson skrifar 19. desember 2013 22:10 Auglýst var eftir umsóknum í sjóðinn í nóvember og bárust alls 67 umsóknir frá afrekskonum og afrekskvennahópum á öllum aldri. Mynd/Stefán Fjórir aðilar fengu úthlutað í dag úr Afrekskvennasjóði Íslandsbanka og ÍSÍ en markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stefán Karlsson, ljósmyndari Vísis og Fréttablaðsins, var á staðnum og tók þessar myndir hér fyrir neðan. 67 sóttu um að þessu sinni en stjórnakonur sjóðsins, þær Helga H. Magnúsdóttir, Elsa Nielsen og Kristín Rós Hákonardóttir, völdu út fjórar konur eða kvennahópa sem fengu styrk í þessari níundu úthlutun sjóðsins. Strandblakskonurnar Berglind Gígja Jónsdóttir og Elísabet Einarsdóttir úr HK fengu 500 þúsund krónur vegna verkefna á árinu 2014. Valdís Þóra Jónsdóttir úr Golfklúbbnum Leyni fékk 500 þúsund krónur vegna þátttöku í úrtökumóti fyrir Evrópumótaröð kvenna í golfi. Erna Friðriksdóttir úr Skíðafélaginu í Stafdal fékk 500 þúsund vegna undirbúnings og keppni á Vetrarólympíumóti fatlaðra í Sochi. Skíðasamband Íslands fékk síðan eina milljón í styrk vegna undirbúnings og þátttöku landsliðskvenna á Vetrarólympíuleikunum í Sochi í febrúar næstkomandi.Mynd/StefánNíunda úthlutun úr Afrekskvennasjóði Íslandsbanka og ÍSÍ Sjóðsstjórn hefur farið yfir umsóknir vegna úthlutunar úr Afrekskvennasjóði Íslandsbanka og ÍSÍ 2013. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stjórn sjóðsins skipa þær Helga H. Magnúsdóttir, Elsa Nielsen og Kristín Rós Hákonardóttir. Umsóknir um styrk voru að þessu sinni 67 talsins. Sem fyrr var sjóðsstjórninni vandi á höndum við að velja úr metnaðarfullum umsóknum sem glöggt sýna kraftinn í afreksíþróttakonum þessa lands. Eftirtaldar íþróttakonur fá styrk að þessu sinni: Berglind Gígja Jónsdóttir og Elísabet Einarsdóttir strandblakskonur HK (500 þúsund) vegna verkefna á árinu 2014. Þrátt fyrir ungan aldur hafa þær náð eftirtektarverðum árangri í grein sinni sem er í uppbyggingu hér á landi. Síðastliðin tvö ár hafa þær orðið Íslandsmeistarar fullorðinna og U19 í grein sinni. Jafnframt urðu þær Norður-Evrópumeistarar í U19 ára flokki. Á næsta ári munu þær m.a. taka þátt í Evrópumóti U23 og U21 ásamt undankeppni Ólympíuleikanna 2016. Samhliða strandblaksiðkun æfa þær jafnframt blak, nýverið var Berglind Gígja tilnefnd blakkona ársins 2013 af stjórn BLÍ.Valdís Þóra Jónsdóttir Golfklúbbnum Leyni (500 þúsund) fær styrk vegna þátttöku í úrtökumóti fyrir Evrópumótaröð kvenna í golfi. Valdís er fjórða íslenska konan sem tekur þátt í úrtökumóti Evrópuraðarinnar, til þessa hefur einungis einni tekist að tryggja sér þátttökurétt á mótaröðinni. Valdís komst á 2. stig úrtökumótsins en tókst ekki að tryggja sér þátttökurétt á Evrópumótaröðinni að þessu sinni. Valdís mun á næsta ári taka þátt í hliðarmótaröð Evrópumótaraðarinnar – LET Access tour. Valdís Þóra hefur nýverið gefið upp áhugamannaréttindi sín í golfi og sett sér metnaðarfull markmið um að ná langt í sinni grein. Erna Friðriksdóttir Skíðafélaginu í Stafdal (500 þúsund) fær styrk vegna undirbúnings og keppni á Vetrarólympíumóti fatlaðra í Sochi. Erna er hreyfihömluð og keppir í svigi og stórsvigi á sérhönnuðum skíðasleða. Erna stundar nú eins og undangengna vetur skíðaþjálfun í Winter Park í Colorado. Með markvissum æfingum hefur Erna náð að klífa heimslistann jafnt og þétt. Erna er nú að taka þátt í annað sinn á Vetrarólympíumóti fatlaðra en hún var einnig þátttakandi á leikunum í Vancouver. Reynslunni ríkari stefnir Erna enn hærra nú en á leikunum fyrir fjórum árum.Skíðasamband Íslands (1 milljón) fær styrk vegna undirbúnings og þátttöku landsliðskvenna á Vetrarólympíuleikunum í Sochi í febrúar n.k. Í Ólympíuhópi SKÍ eru fjórar stúlkur í alpagreinum sem keppast við að tryggja sér þátttökurétt á Vetrarólympíuleikunum sem fram fara í Sochi í Rússlandi á komandi ári. Mikil ferðalög og kostnaður fylgja því að sækja mót er telja til stiga á stigalista Alþjóða skíðasambandsins sem notaður er til grundvallar þegar keppendur eru valdir á Vetrarólympíuleikana. Íslensku stúlkurnar hafa verið að ná góðum árangri á mótum á Norðurlöndunum undanfarnar vikur. Ekki verður ljóst fyrr en þegar líða fer á janúarmánuð hversu mörgum þeirra tekst að tryggja sér þátttökurétt.Mynd/StefánMynd/StefánMynd/StefánMynd/Stefán Íþróttir Mest lesið Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Fótbolti Skytturnar skutu Evrópumeistarana í kaf Fótbolti Landsliðskonum borist skilaboð og sagðar styðja Ísrael Handbolti Varð pabbi sjö mánuðum eftir að hann lést Sport „Við völdum okkur ekki andstæðinga“ Handbolti Glórulaus tækling Gylfa Þórs Íslenski boltinn Stúkan segir ekki rautt og framkvæmdastjórinn æfur: „Má leggja hana niður“ Íslenski boltinn Gæti HSÍ orðið gjaldþrota: „Okkar að sjá til þess að svo verði ekki“ Handbolti Uppgjörið: Haukar - Grindavík 76-73 | Deildarmeistararnir fengu líflínu Körfubolti Sjáðu markið umdeilda í Garðabæ: „Ekki var hann hræddur við Örvar?“ Íslenski boltinn Fleiri fréttir Denver reka þjálfarann korter í úrslitakeppni „Meiri barátta í okkur í dag heldur en í hinum leikjunum“ Afturelding mætir Val í undanúrslitum „Erum á uppleið og ætlum að halda áfram“ Íslendingalið Birmingham upp í B-deild Elísabet stýrði Belgíu til sigurs á Englandi Óðinn Þór byrjaði úrslitakeppnina með stæl „Þarf alltaf að hugsa um það versta sem getur gerst“ „Ég hefði tekið þrjú stig í staðinn“ Sjáðu þrennu Karólínu Leu Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Uppgjörið: Haukar - Grindavík 76-73 | Deildarmeistararnir fengu líflínu Skytturnar skutu Evrópumeistarana í kaf Frattesi hetja Inter í Bæjaralandi Uppgjörið: Keflavík - Tindastóll 88-58 | Mættu með sópinn Aron Elís með slitið krossband Flórída háskólameistari í fyrsta sinn í átján ár „Við völdum okkur ekki andstæðinga“ Ein breyting á byrjunarliðinu Aron í tveggja leikja bann Stúkan segir ekki rautt og framkvæmdastjórinn æfur: „Má leggja hana niður“ Landsliðskonum borist skilaboð og sagðar styðja Ísrael Stórir draumar í Laugardalnum: „Allir vilja að Þróttur fari sem hæst“ Sjáðu hitt rauða spjaldið sem Gylfi hefur fengið á ferlinum „Erum að gera þetta fyrir samfélagið“ „Vælum og öskrum þó við meiðum okkur ekki neitt“ Settu met sem enginn vill eiga Borgaði ósáttum aðdáanda eftir rothögg Stefáns Inga Of ungur til að auglýsa veðmál Tekjur Handboltapassans tvöfaldist: „Mjög raunhæf áætlun“ Sjá meira
Fjórir aðilar fengu úthlutað í dag úr Afrekskvennasjóði Íslandsbanka og ÍSÍ en markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stefán Karlsson, ljósmyndari Vísis og Fréttablaðsins, var á staðnum og tók þessar myndir hér fyrir neðan. 67 sóttu um að þessu sinni en stjórnakonur sjóðsins, þær Helga H. Magnúsdóttir, Elsa Nielsen og Kristín Rós Hákonardóttir, völdu út fjórar konur eða kvennahópa sem fengu styrk í þessari níundu úthlutun sjóðsins. Strandblakskonurnar Berglind Gígja Jónsdóttir og Elísabet Einarsdóttir úr HK fengu 500 þúsund krónur vegna verkefna á árinu 2014. Valdís Þóra Jónsdóttir úr Golfklúbbnum Leyni fékk 500 þúsund krónur vegna þátttöku í úrtökumóti fyrir Evrópumótaröð kvenna í golfi. Erna Friðriksdóttir úr Skíðafélaginu í Stafdal fékk 500 þúsund vegna undirbúnings og keppni á Vetrarólympíumóti fatlaðra í Sochi. Skíðasamband Íslands fékk síðan eina milljón í styrk vegna undirbúnings og þátttöku landsliðskvenna á Vetrarólympíuleikunum í Sochi í febrúar næstkomandi.Mynd/StefánNíunda úthlutun úr Afrekskvennasjóði Íslandsbanka og ÍSÍ Sjóðsstjórn hefur farið yfir umsóknir vegna úthlutunar úr Afrekskvennasjóði Íslandsbanka og ÍSÍ 2013. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Stjórn sjóðsins skipa þær Helga H. Magnúsdóttir, Elsa Nielsen og Kristín Rós Hákonardóttir. Umsóknir um styrk voru að þessu sinni 67 talsins. Sem fyrr var sjóðsstjórninni vandi á höndum við að velja úr metnaðarfullum umsóknum sem glöggt sýna kraftinn í afreksíþróttakonum þessa lands. Eftirtaldar íþróttakonur fá styrk að þessu sinni: Berglind Gígja Jónsdóttir og Elísabet Einarsdóttir strandblakskonur HK (500 þúsund) vegna verkefna á árinu 2014. Þrátt fyrir ungan aldur hafa þær náð eftirtektarverðum árangri í grein sinni sem er í uppbyggingu hér á landi. Síðastliðin tvö ár hafa þær orðið Íslandsmeistarar fullorðinna og U19 í grein sinni. Jafnframt urðu þær Norður-Evrópumeistarar í U19 ára flokki. Á næsta ári munu þær m.a. taka þátt í Evrópumóti U23 og U21 ásamt undankeppni Ólympíuleikanna 2016. Samhliða strandblaksiðkun æfa þær jafnframt blak, nýverið var Berglind Gígja tilnefnd blakkona ársins 2013 af stjórn BLÍ.Valdís Þóra Jónsdóttir Golfklúbbnum Leyni (500 þúsund) fær styrk vegna þátttöku í úrtökumóti fyrir Evrópumótaröð kvenna í golfi. Valdís er fjórða íslenska konan sem tekur þátt í úrtökumóti Evrópuraðarinnar, til þessa hefur einungis einni tekist að tryggja sér þátttökurétt á mótaröðinni. Valdís komst á 2. stig úrtökumótsins en tókst ekki að tryggja sér þátttökurétt á Evrópumótaröðinni að þessu sinni. Valdís mun á næsta ári taka þátt í hliðarmótaröð Evrópumótaraðarinnar – LET Access tour. Valdís Þóra hefur nýverið gefið upp áhugamannaréttindi sín í golfi og sett sér metnaðarfull markmið um að ná langt í sinni grein. Erna Friðriksdóttir Skíðafélaginu í Stafdal (500 þúsund) fær styrk vegna undirbúnings og keppni á Vetrarólympíumóti fatlaðra í Sochi. Erna er hreyfihömluð og keppir í svigi og stórsvigi á sérhönnuðum skíðasleða. Erna stundar nú eins og undangengna vetur skíðaþjálfun í Winter Park í Colorado. Með markvissum æfingum hefur Erna náð að klífa heimslistann jafnt og þétt. Erna er nú að taka þátt í annað sinn á Vetrarólympíumóti fatlaðra en hún var einnig þátttakandi á leikunum í Vancouver. Reynslunni ríkari stefnir Erna enn hærra nú en á leikunum fyrir fjórum árum.Skíðasamband Íslands (1 milljón) fær styrk vegna undirbúnings og þátttöku landsliðskvenna á Vetrarólympíuleikunum í Sochi í febrúar n.k. Í Ólympíuhópi SKÍ eru fjórar stúlkur í alpagreinum sem keppast við að tryggja sér þátttökurétt á Vetrarólympíuleikunum sem fram fara í Sochi í Rússlandi á komandi ári. Mikil ferðalög og kostnaður fylgja því að sækja mót er telja til stiga á stigalista Alþjóða skíðasambandsins sem notaður er til grundvallar þegar keppendur eru valdir á Vetrarólympíuleikana. Íslensku stúlkurnar hafa verið að ná góðum árangri á mótum á Norðurlöndunum undanfarnar vikur. Ekki verður ljóst fyrr en þegar líða fer á janúarmánuð hversu mörgum þeirra tekst að tryggja sér þátttökurétt.Mynd/StefánMynd/StefánMynd/StefánMynd/Stefán
Íþróttir Mest lesið Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Fótbolti Skytturnar skutu Evrópumeistarana í kaf Fótbolti Landsliðskonum borist skilaboð og sagðar styðja Ísrael Handbolti Varð pabbi sjö mánuðum eftir að hann lést Sport „Við völdum okkur ekki andstæðinga“ Handbolti Glórulaus tækling Gylfa Þórs Íslenski boltinn Stúkan segir ekki rautt og framkvæmdastjórinn æfur: „Má leggja hana niður“ Íslenski boltinn Gæti HSÍ orðið gjaldþrota: „Okkar að sjá til þess að svo verði ekki“ Handbolti Uppgjörið: Haukar - Grindavík 76-73 | Deildarmeistararnir fengu líflínu Körfubolti Sjáðu markið umdeilda í Garðabæ: „Ekki var hann hræddur við Örvar?“ Íslenski boltinn Fleiri fréttir Denver reka þjálfarann korter í úrslitakeppni „Meiri barátta í okkur í dag heldur en í hinum leikjunum“ Afturelding mætir Val í undanúrslitum „Erum á uppleið og ætlum að halda áfram“ Íslendingalið Birmingham upp í B-deild Elísabet stýrði Belgíu til sigurs á Englandi Óðinn Þór byrjaði úrslitakeppnina með stæl „Þarf alltaf að hugsa um það versta sem getur gerst“ „Ég hefði tekið þrjú stig í staðinn“ Sjáðu þrennu Karólínu Leu Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Uppgjörið: Haukar - Grindavík 76-73 | Deildarmeistararnir fengu líflínu Skytturnar skutu Evrópumeistarana í kaf Frattesi hetja Inter í Bæjaralandi Uppgjörið: Keflavík - Tindastóll 88-58 | Mættu með sópinn Aron Elís með slitið krossband Flórída háskólameistari í fyrsta sinn í átján ár „Við völdum okkur ekki andstæðinga“ Ein breyting á byrjunarliðinu Aron í tveggja leikja bann Stúkan segir ekki rautt og framkvæmdastjórinn æfur: „Má leggja hana niður“ Landsliðskonum borist skilaboð og sagðar styðja Ísrael Stórir draumar í Laugardalnum: „Allir vilja að Þróttur fari sem hæst“ Sjáðu hitt rauða spjaldið sem Gylfi hefur fengið á ferlinum „Erum að gera þetta fyrir samfélagið“ „Vælum og öskrum þó við meiðum okkur ekki neitt“ Settu met sem enginn vill eiga Borgaði ósáttum aðdáanda eftir rothögg Stefáns Inga Of ungur til að auglýsa veðmál Tekjur Handboltapassans tvöfaldist: „Mjög raunhæf áætlun“ Sjá meira
Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Fótbolti
Uppgjörið: Ísland - Sviss 3-3 | Þrenna Karólínu Leu skilaði stigi en sigurmarkið stóð á sér Fótbolti