Umfjöllun og viðtöl: Fram - Valur 19-24 | Valur á toppinn Eiríkur Stefán Ásgeirsson skrifar 31. október 2013 09:37 Mynd/Daníel Valur komst á topp Olísdeild kvenna með góðum sigri á Íslandsmeisturum Fram í kvöld. Valskonur eru enn taplausar á tímabilinu. Eftir jafnan fyrri hálfleik dró í sundur með liðunum, þar sem þaulreyndir leikmenn Vals reyndust númeri of stórir á lokasprettinum. Eftir vandræðagang í upphafi leiks hjá Fram náðu þær bláklæddu að koma sér almennilega af stað eftir að hafa lent 6-2 undir. Góður kafli þar sem Fram skoraði sex mörk í röð hafði mikið að segja og var jafnræði með liðunum það sem eftir lifði af fyrri hálfleik. Innkoma Hildar Sverrisdóttur í mark Fram hafði mikið að segja en hin sextán ára Ragnheiður Júlíusdóttir fór mikinn í sókninni og þessi stórefnilega skytta skoraði hvert markið á fætur öðru. Valsmenn fóru vel yfir sín mál í hálfleik og sigu fram úr í síðari hálfleik, hægt og rólega. Ragnheiður og Sigurbjörg Jóhannsdóttir sáu nánast einar um sóknarleik Fram og eftir því sem leið á hálfleikinn fór þreytan að segja meira til sín. Ekki skrýtið enda tók Ragnheiður 25 skot í leiknum. Kristín, Anna Úrsúla og Hrafnhildur búa yfir mikilli reynslu og reyndust öflugar fyrir Valsliðið í kvöld. Óvæntari var innkoma Sigríðar Ólafsdóttur í mark Vals en eftir að hún kom inn á varði hún 58 prósent þeirra skota sem hún fékk á sig og átti sannkallaðan stórleik. Fram saknaði þeirra Ástu Birnu Gunnarsdóttur og Steinunnar Björnsdóttur en báðar eiga við meiðsli að stríða. Ungar og efnilegar stúlkur leystu þær af hólmi en í kvöld reyndist lið Vals einfaldlega númeri of stórt fyrir þær.Mynd/VilhelmStefán: Við getum betur Stefán Arnarson, þjálfari Vals, lofaði ungt lið Fram eftir sigur sinna manna í Safamýrinni. „Þetta var ekki nægilega góður leikur af okkar hálfu. Lið Fram, sem er ungt og efnilegt, spilaði mjög vel en við eigum að geta betur. Í stöðunni 8-4 hefðum við átt að vera mun agaðri og við hefðum átt að klára þennan leik mun fyrr en við gerðum,“ sagði Stefán. „Í seinni hálfleik fórum við svo að spila mun betri vörn og mættum þeirra skyttum. Þá varð þetta mun erfiðara fyrir þær, sérstaklega þegar við fengum nokkur hraðaupphlaup.“ „En heilt yfir getum við betur. Ég vil þó ekki taka neitt af Fram, sem er mjög ungt og efnilegt lið. Þær hafa ekki sömu breidd og við og maður sá að þær voru orðnar þreyttar.“Mynd/DaníelHalldór Jóhann: 15 mínútna kafli fór með leikinn „Við getum verið ánægð með baráttuna en við vissum auðvitað fyrirfram að til að vinna Val þarf að leggja sig 100 prósent fram í 60 mínútur. En það kom 15 mínútna kafli í okkar leik sem ég var ósáttur við og það var í raun það sem fór með leikinn hjá okkur,“ sagði Halldór Jóhann Sigfússon, þjálfari Fram, eftir fimm marka tap gegn Val í kvöld. „Það tala allir um að við erum með ungt og efnilegt lið. En við ætlumst til mikils af okkur og við vilju meira. Við sættum okkur ekki við að tapa fyrir bestu liðunum með bara nokkrum mörkum því við teljum okkur vera eitt af bestu liðunum.“ Halldór Jóhann neitar því ekki að meiðsli lykilmanna hafa sett strik í reikninginn. Það sást best á því að fáir leikmenn skoruðu fyrir Fram í kvöld og hin unga Ragnheiður Júlíusdóttir tók alls 25 skot í leiknum. „Hún er sextán ára gömul og mikið efni. En það þarf að leiðbeina henni í réttan farveg og það tekur tíma. En það er frábært að vera með svona efni í höndunum og geta unnið með það. En ég hefði viljað sjá meira koma frá ákveðnum leikmönnum á ákveðnum köflum.“Mynd/DaníelHrafnhildur: Öruggt í seinni hálfleik Hrafnhildur Ósk Skúladóttir segir að leikurinn hefði þróast á þann hátt sem hún bjóst við fyrirfram. „Þær eru sprækar og fljótar. Við vissum að við fengjum engin auðveld mörk hér í kvöld,“ segir hún. „Þær náðu að koma sér inn í leikinn eftir góða byrjun hjá okkur en svo var þetta frekar öruggt í seinni hálfleik. Meiðslin hjá þeim hafa sitt að segja og við erum með góða breidd. Það hafði áhrif.“ Hún segir að liðið hafi hætt að spila sem lið á slæma kaflanum í fyrri hálfleik. „Við vorum að spila sem einstaklingar þá og vorum óskynsamar. Þá fer þetta yfirleitt svona hjá okkur.“ Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti Dagskráin í dag: Fallbaráttan í Bestu, enski og svo margt fleira Sport „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Valur komst á topp Olísdeild kvenna með góðum sigri á Íslandsmeisturum Fram í kvöld. Valskonur eru enn taplausar á tímabilinu. Eftir jafnan fyrri hálfleik dró í sundur með liðunum, þar sem þaulreyndir leikmenn Vals reyndust númeri of stórir á lokasprettinum. Eftir vandræðagang í upphafi leiks hjá Fram náðu þær bláklæddu að koma sér almennilega af stað eftir að hafa lent 6-2 undir. Góður kafli þar sem Fram skoraði sex mörk í röð hafði mikið að segja og var jafnræði með liðunum það sem eftir lifði af fyrri hálfleik. Innkoma Hildar Sverrisdóttur í mark Fram hafði mikið að segja en hin sextán ára Ragnheiður Júlíusdóttir fór mikinn í sókninni og þessi stórefnilega skytta skoraði hvert markið á fætur öðru. Valsmenn fóru vel yfir sín mál í hálfleik og sigu fram úr í síðari hálfleik, hægt og rólega. Ragnheiður og Sigurbjörg Jóhannsdóttir sáu nánast einar um sóknarleik Fram og eftir því sem leið á hálfleikinn fór þreytan að segja meira til sín. Ekki skrýtið enda tók Ragnheiður 25 skot í leiknum. Kristín, Anna Úrsúla og Hrafnhildur búa yfir mikilli reynslu og reyndust öflugar fyrir Valsliðið í kvöld. Óvæntari var innkoma Sigríðar Ólafsdóttur í mark Vals en eftir að hún kom inn á varði hún 58 prósent þeirra skota sem hún fékk á sig og átti sannkallaðan stórleik. Fram saknaði þeirra Ástu Birnu Gunnarsdóttur og Steinunnar Björnsdóttur en báðar eiga við meiðsli að stríða. Ungar og efnilegar stúlkur leystu þær af hólmi en í kvöld reyndist lið Vals einfaldlega númeri of stórt fyrir þær.Mynd/VilhelmStefán: Við getum betur Stefán Arnarson, þjálfari Vals, lofaði ungt lið Fram eftir sigur sinna manna í Safamýrinni. „Þetta var ekki nægilega góður leikur af okkar hálfu. Lið Fram, sem er ungt og efnilegt, spilaði mjög vel en við eigum að geta betur. Í stöðunni 8-4 hefðum við átt að vera mun agaðri og við hefðum átt að klára þennan leik mun fyrr en við gerðum,“ sagði Stefán. „Í seinni hálfleik fórum við svo að spila mun betri vörn og mættum þeirra skyttum. Þá varð þetta mun erfiðara fyrir þær, sérstaklega þegar við fengum nokkur hraðaupphlaup.“ „En heilt yfir getum við betur. Ég vil þó ekki taka neitt af Fram, sem er mjög ungt og efnilegt lið. Þær hafa ekki sömu breidd og við og maður sá að þær voru orðnar þreyttar.“Mynd/DaníelHalldór Jóhann: 15 mínútna kafli fór með leikinn „Við getum verið ánægð með baráttuna en við vissum auðvitað fyrirfram að til að vinna Val þarf að leggja sig 100 prósent fram í 60 mínútur. En það kom 15 mínútna kafli í okkar leik sem ég var ósáttur við og það var í raun það sem fór með leikinn hjá okkur,“ sagði Halldór Jóhann Sigfússon, þjálfari Fram, eftir fimm marka tap gegn Val í kvöld. „Það tala allir um að við erum með ungt og efnilegt lið. En við ætlumst til mikils af okkur og við vilju meira. Við sættum okkur ekki við að tapa fyrir bestu liðunum með bara nokkrum mörkum því við teljum okkur vera eitt af bestu liðunum.“ Halldór Jóhann neitar því ekki að meiðsli lykilmanna hafa sett strik í reikninginn. Það sást best á því að fáir leikmenn skoruðu fyrir Fram í kvöld og hin unga Ragnheiður Júlíusdóttir tók alls 25 skot í leiknum. „Hún er sextán ára gömul og mikið efni. En það þarf að leiðbeina henni í réttan farveg og það tekur tíma. En það er frábært að vera með svona efni í höndunum og geta unnið með það. En ég hefði viljað sjá meira koma frá ákveðnum leikmönnum á ákveðnum köflum.“Mynd/DaníelHrafnhildur: Öruggt í seinni hálfleik Hrafnhildur Ósk Skúladóttir segir að leikurinn hefði þróast á þann hátt sem hún bjóst við fyrirfram. „Þær eru sprækar og fljótar. Við vissum að við fengjum engin auðveld mörk hér í kvöld,“ segir hún. „Þær náðu að koma sér inn í leikinn eftir góða byrjun hjá okkur en svo var þetta frekar öruggt í seinni hálfleik. Meiðslin hjá þeim hafa sitt að segja og við erum með góða breidd. Það hafði áhrif.“ Hún segir að liðið hafi hætt að spila sem lið á slæma kaflanum í fyrri hálfleik. „Við vorum að spila sem einstaklingar þá og vorum óskynsamar. Þá fer þetta yfirleitt svona hjá okkur.“
Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti Dagskráin í dag: Fallbaráttan í Bestu, enski og svo margt fleira Sport „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira