Unglingur lést eftir skot úr rafbyssu

Unglingur lést á Miami á þriðjudag eftir að hann var skotinn með rafbyssu.

Lögregla hafði afskipti af hinum 18 ára gamla Israel Hernandez-Llach þar sem hann málaði með úðabrúsa á yfirgefinn skyndibitastað. Hann tók til fótanna en lögreglumenn króuðu hann af og skutu hann með rafbyssunni þegar hann neitaði að gefast upp.

Hernandez-Llach var skotinn í bringuna og missti hann meðvitund í kjölfarið. Farið var með hann á spítala þar sem hann var úrskurðaður látinn og er atvikið í rannsókn.