Miley verður ekki framan á Vogue

Anna Wintour, ritstjóri ameríska Vogue, er hætt við að birta myndir af söngkonunni Miley Cyrus á forsíðu tímaritsins eins og til stóð.

Cyrus átti að prýða forsíðu desemberblaðsins, en vegna framkomu hennar á MTV-tónlistarhátíðinni verður ekki af því.



Wintour segir að söngkonan henti ekki ímynd blaðsins en búið var að taka myndirnar af Cyrus. Wintour, sem hefur ritstýrt blaðinu frá árinu 1988, leitar nú að nýrri forsíðustúlku.