Bleika herraslaufan vinsæl Elín Albertsdóttir skrifar 10. október 2013 00:00 Daníel Ingvarsson og Theódór Ágúst Magnússon sitja við sauma. mynd/anton Bleiki dagurinn er á morgun en sá litur er baráttulitur októbermánaðar. Þeir sem vilja taka þátt í deginum geta til dæmis skreytt sig með bleikri slaufu. Framhaldsskólanemendurnir Theódór Ágúst Magnússon og Daníel Ingvarsson byrjuðu að sauma herraslaufur fyrir jólin í fyrra. Eftirspurnin varð þvílík að nú hafa þeir opnað vefverslun, 104.is, og í október bjóða þeir bleikar slaufur. Ágóðinn rennur til Krabbameinsfélagsins. Theódór segir að þar sem október sé tileinkaður árvekni gegn brjóstakrabbameini og bleikur litur sé tákn þess hafi þeir félagarnir tekið þessa ákvörðun og slaufunum hefur verið vel tekið. „Karlmenn eru alveg óhræddir við að bera bleika slaufu,“ segir hann. „Við höfum nýlega sett upp vefverslunina 104.is og þar má skoða bæði bleiku slaufurnar og aðrar sem við höfum framleitt. Við sérsaumum einnig fyrir þá sem vilja en þá er best að hafa samband við okkur á Facebook-síðunni 104 slaufur.“ Það er mikið í tísku um þessar mundir að ganga með slaufu í stað bindis. Þeim Theódór og Daníel fannst úrvalið ekki nægjanlegt í verslunum þegar þeir hófu að sauma slaufur í fyrra og þeir hafa sannarlega fundið fyrir því. Auk þess stilla þeir verðinu í hóf þannig að námsmenn hafi ráð á þeim. Þeir fengu strax viðbrögð og litla fyrirtækið hefur vaxið og dafnað á einu ári. „Við erum báðir í námi en sitjum við á kvöldin og fram eftir nóttu við saumaskapinn,“ útskýrir Theódór. „Í fyrstu ætluðum við einungis að sauma slaufur á vini okkar en þetta hefur heldur betur undið upp á sig.“ Strákarnir telja að slaufurnar, sem eru í margs konar litum og efnistegundum, höfði jafnt til yngri sem eldri herramanna. Þeim þykir starfið skemmtilegt og reyna að hafa slaufurnar með mismunandi mynstrum þannig að sem fæstar séu eins. „Við viljum að allir fái sína einstöku slaufu.“ Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Ekki búið spil Lífið Búið spil Lífið Dró Antonio grunlausan með sér í Gamla bíó Lífið „Klæddu þig eftir veðri, ekki verði“ Tíska og hönnun Fleiri fréttir „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Bleiki dagurinn er á morgun en sá litur er baráttulitur októbermánaðar. Þeir sem vilja taka þátt í deginum geta til dæmis skreytt sig með bleikri slaufu. Framhaldsskólanemendurnir Theódór Ágúst Magnússon og Daníel Ingvarsson byrjuðu að sauma herraslaufur fyrir jólin í fyrra. Eftirspurnin varð þvílík að nú hafa þeir opnað vefverslun, 104.is, og í október bjóða þeir bleikar slaufur. Ágóðinn rennur til Krabbameinsfélagsins. Theódór segir að þar sem október sé tileinkaður árvekni gegn brjóstakrabbameini og bleikur litur sé tákn þess hafi þeir félagarnir tekið þessa ákvörðun og slaufunum hefur verið vel tekið. „Karlmenn eru alveg óhræddir við að bera bleika slaufu,“ segir hann. „Við höfum nýlega sett upp vefverslunina 104.is og þar má skoða bæði bleiku slaufurnar og aðrar sem við höfum framleitt. Við sérsaumum einnig fyrir þá sem vilja en þá er best að hafa samband við okkur á Facebook-síðunni 104 slaufur.“ Það er mikið í tísku um þessar mundir að ganga með slaufu í stað bindis. Þeim Theódór og Daníel fannst úrvalið ekki nægjanlegt í verslunum þegar þeir hófu að sauma slaufur í fyrra og þeir hafa sannarlega fundið fyrir því. Auk þess stilla þeir verðinu í hóf þannig að námsmenn hafi ráð á þeim. Þeir fengu strax viðbrögð og litla fyrirtækið hefur vaxið og dafnað á einu ári. „Við erum báðir í námi en sitjum við á kvöldin og fram eftir nóttu við saumaskapinn,“ útskýrir Theódór. „Í fyrstu ætluðum við einungis að sauma slaufur á vini okkar en þetta hefur heldur betur undið upp á sig.“ Strákarnir telja að slaufurnar, sem eru í margs konar litum og efnistegundum, höfði jafnt til yngri sem eldri herramanna. Þeim þykir starfið skemmtilegt og reyna að hafa slaufurnar með mismunandi mynstrum þannig að sem fæstar séu eins. „Við viljum að allir fái sína einstöku slaufu.“
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið Ekki búið spil Lífið Búið spil Lífið Dró Antonio grunlausan með sér í Gamla bíó Lífið „Klæddu þig eftir veðri, ekki verði“ Tíska og hönnun Fleiri fréttir „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira