Bandarískir túristar í toppformi Freyr Bjarnason skrifar 13. júní 2013 09:00 Tónleikar Band of Horses Eldborg, Harpa, 11. júní Meðlimir bandarísku hljómsveitarinnar Band of Horses höfðu verið á tveggja daga túristaferðalagi um Ísland áður þeir stigu á svið í Hörpu á þriðjudagskvöld sællegir og glaðir. Söngvarinn Ben Bridwell byrjaði á því að þakka Ásgeiri Trausta, sem hitaði upp, fyrir fallega tónlist sína. Bridwell var fullur þakklætis á tónleikunum því fleiri þakkarorð fylgdu síðar meir til Íslendingsins sem ferðaðist með þeim um landið, til tónleikahaldarans og að sjálfsögðu áhorfenda. Eftir rólegheitatóna Ásgeirs Trausta var hressandi að heyra Bridwell og félaga keyra allt í gang með blöndu sinni af indírokki og þjóðlagapoppi. Fyrsta lagið var einfaldlega The First Song, upphafslagið af fyrstu plötu sveitarinnar Everything All the Time, og strax á eftir fylgdi slagarinn Is There A Ghost. Næst kom hið prýðilega Knock Knock af nýjustu plötunni Mirage Rock sem kom út í fyrra. Það var aðeins annað af tveimur lögum plötunnar sem fékk að fljóta með á þessum annars nítján laga tónleikum. Öll vinsælustu lög Band of Horses fengu sinn sess, þar á meðal áðurnefnt Is There A Ghost, No One"s Gonna Love You, og The Funeral (Hægt er að sjá myndband við The Funeral í spilaranum hér fyrir ofan). Hið síðastnefnda var lokalagið fyrir uppklapp þar sem fólk reis úr sætum sínum til að hylla hljómsveitina. Að uppklappinu loknu mættu félagarnir aftur á svið og fluttu tvö lög. Fyrst Our Swords, þar sem Bridwell spilaði óvænt á bassann, og svo hið eldhressa The General Specific. Þar með luku þeir vel heppnuðum tónleikum, þar sem hljóðfæraleikurinn var í hæsta gæðaflokki og spilagleðin mikil, auk þess sem æðisleg rödd Bridwell naut sín afar vel í Eldborgarsalnum. Hann er fæddur forsprakki og skemmtikraftur, óhræddur við að bregða á leik, eitthvað sem vantaði kannski örlítið upp á hjá hinum meðlimunum. Niðurstaða: Band of Horses spilaði öll sín þekktustu lög á vel heppnuðum tónleikum. Gagnrýni Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið Freyja snýr sér að þáttastjórnun Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Sjá meira
Tónleikar Band of Horses Eldborg, Harpa, 11. júní Meðlimir bandarísku hljómsveitarinnar Band of Horses höfðu verið á tveggja daga túristaferðalagi um Ísland áður þeir stigu á svið í Hörpu á þriðjudagskvöld sællegir og glaðir. Söngvarinn Ben Bridwell byrjaði á því að þakka Ásgeiri Trausta, sem hitaði upp, fyrir fallega tónlist sína. Bridwell var fullur þakklætis á tónleikunum því fleiri þakkarorð fylgdu síðar meir til Íslendingsins sem ferðaðist með þeim um landið, til tónleikahaldarans og að sjálfsögðu áhorfenda. Eftir rólegheitatóna Ásgeirs Trausta var hressandi að heyra Bridwell og félaga keyra allt í gang með blöndu sinni af indírokki og þjóðlagapoppi. Fyrsta lagið var einfaldlega The First Song, upphafslagið af fyrstu plötu sveitarinnar Everything All the Time, og strax á eftir fylgdi slagarinn Is There A Ghost. Næst kom hið prýðilega Knock Knock af nýjustu plötunni Mirage Rock sem kom út í fyrra. Það var aðeins annað af tveimur lögum plötunnar sem fékk að fljóta með á þessum annars nítján laga tónleikum. Öll vinsælustu lög Band of Horses fengu sinn sess, þar á meðal áðurnefnt Is There A Ghost, No One"s Gonna Love You, og The Funeral (Hægt er að sjá myndband við The Funeral í spilaranum hér fyrir ofan). Hið síðastnefnda var lokalagið fyrir uppklapp þar sem fólk reis úr sætum sínum til að hylla hljómsveitina. Að uppklappinu loknu mættu félagarnir aftur á svið og fluttu tvö lög. Fyrst Our Swords, þar sem Bridwell spilaði óvænt á bassann, og svo hið eldhressa The General Specific. Þar með luku þeir vel heppnuðum tónleikum, þar sem hljóðfæraleikurinn var í hæsta gæðaflokki og spilagleðin mikil, auk þess sem æðisleg rödd Bridwell naut sín afar vel í Eldborgarsalnum. Hann er fæddur forsprakki og skemmtikraftur, óhræddur við að bregða á leik, eitthvað sem vantaði kannski örlítið upp á hjá hinum meðlimunum. Niðurstaða: Band of Horses spilaði öll sín þekktustu lög á vel heppnuðum tónleikum.
Gagnrýni Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið Freyja snýr sér að þáttastjórnun Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Sjá meira