Verð ekki túristi í Danmörku Eiríkur Stefán Ásgeirsson skrifar 18. júní 2013 06:00 Patrekur Jóhannesson er kampakátur með árangur sinna manna í austurríska landsliðinu. mynd/öhb/lukas wagner „Það er ólýsanleg tilfinning sem fylgir þessu – gríðarlega mikil gleði,“ sagði Patrekur Jóhannesson, þjálfari austurríska landsliðsins, þegar Fréttablaðið sló á þráðinn til hans í gær. Hann var þá staddur á flugvellinum í Frankfurt og á leið heim til Íslands eftir frækinn sigur Austurríkis á Rússlandi, 30-25, fyrir fullri höll í Innsbruck. Þar með var sæti Austurríkis á EM í Danmörku tryggt. Var engu nær en að Patrekur hefði fulla getu til að fljúga heim yfir hafið á sigurgleðinni einni. „Ég er nokkuð hátt uppi, eins og þú heyrir. Enda sagði ég strákunum að njóta þess í viku eða tvær en þá tekur alvaran við á ný. Þá fá þeir tölvupóst frá mér,“ sagði hann í léttum dúr. Íslenskir þjálfarar hafa átt ríkan þátt í uppgangi handboltans í Austurríki undanfarin ár. Dagur Sigurðsson stýrði liðinu með frábærum árangri á EM 2010 en liðið náði þá níunda sæti á heimavelli. Dagur kom svo Austurríkismönnum á HM 2011 í Svíþjóð en hætti áður en mótið hófst. Liðið missti svo af EM í Serbíu og HM á Spáni en er nú aftur komið í keppni bestu landsliða Evrópu.Gott starf og mikill áhugi „Það hefur verið mjög gott starf unnið í austurríska sambandinu síðustu ár og öll umgjörð mjög góð. Það er mikill áhugi hjá þeim sem stýra þessu og það hefur mikil áhrif á mig. Þannig líður mér best og mér hefur liðið mjög vel í Austurríki,“ segir Patrekur sem mun nú í sumar taka við þjálfun Hauka í N1-deild karla. „Þeir hafa stefnt að þessu hér í þrettán ár og nú er markmiðinu loksins náð,“ segir Patrekur enn fremur. Austurríki var í einum besta riðli undankeppni EM 2014, með Serbíu, Rússlandi og Bosníu. Lærisveinar Patreks töpuðu aðeins einum leik alla undankeppnina – gegn Rússum á útivelli en liðið náði frábæru jafntefli í Serbíu og vann svo Rússana í lokaumferðinni á sunnudag. Serbar unnu riðilinn með níu stigum en Austurríki fékk átta. Það var reyndar vitað um miðjan fyrri hálfleikinn gegn Rússum að bæði lið væru örugg áfram á EM í Danmörku. Þá fréttist af sigri Hvít-Rússa gegn Slóveníu í riðli Íslands en þar með var ljóst að þriðja sætið í riðli Austurríkis myndi duga til að komast á EM. Enda verða Rússar á meðal þátttökuþjóða í Danmörku. „Einhverjir hefðu þá nýtt tækifærið og tekið því rólega. En ekki mínir menn. Þeir gáfu í og unnu Rússa, sem voru með sitt sterkasta lið, með fimm mörkum. Það sýndi mikinn karakter og einbeitingu,“ segir Patrekur.Kynslóðaskiptin bíða í 1-2 ár Austurríki er enn með sama kjarna í liðinu og var á EM 2010 en Patrekur hefur þó tekið inn nokkra unga leikmenn í kringum tvítugt sem eru lykilmenn í dag. „Ég hef gefið mörgum ungum leikmönnum séns og það er mjög gaman að sjá hversu vel þeir hafa staðið sig. Fyrir eldri leikmennina var þetta síðasti séns því hefðum við ekki komist á EM hefðu þurft að keyra ákveðin kynslóðaskipti í gegn. En nú næ ég að halda kjarnanum í 1-2 ár til viðbótar áður en breytingarnar koma.“ Patrekur hlakkar mjög til að taka þátt á EM í Danmörku sem hefst í janúar næstkomandi. Þess má geta að Austurríki og Ísland voru saman í riðli á EM 2010 en dregið verður í riðla fyrir næsta mót á föstudaginn. „Ég hef oft farið til Danmerkur og hef engan áhuga á því að fara þangað sem ferðamaður á þetta mót. Ég er með frábært lið og við ætlum okkur að ná árangri.“ Íslenski handboltinn Mest lesið Bein útsending: Átta hlaupa inn í nóttina Sport Stærsta lið Noregs í þrot Handbolti Rakel María endaði upp á spítala: „Ég á bara ótrúlega erfitt“ Sport „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti „Ég trúi þessu ekki ennþá“ Fótbolti „Ég reyndi að standa mig eins og í öllum öðrum leikjum“ Íslenski boltinn Íslenska ofurfólkið sem keppir á HM í bakgarðshlaupi Sport Leclerc fyrstur í mark í Texas Formúla 1 Uppgjörið: HK - Fram 2-1 | Flautumark heldur vonum HK á lífi Íslenski boltinn Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira
„Það er ólýsanleg tilfinning sem fylgir þessu – gríðarlega mikil gleði,“ sagði Patrekur Jóhannesson, þjálfari austurríska landsliðsins, þegar Fréttablaðið sló á þráðinn til hans í gær. Hann var þá staddur á flugvellinum í Frankfurt og á leið heim til Íslands eftir frækinn sigur Austurríkis á Rússlandi, 30-25, fyrir fullri höll í Innsbruck. Þar með var sæti Austurríkis á EM í Danmörku tryggt. Var engu nær en að Patrekur hefði fulla getu til að fljúga heim yfir hafið á sigurgleðinni einni. „Ég er nokkuð hátt uppi, eins og þú heyrir. Enda sagði ég strákunum að njóta þess í viku eða tvær en þá tekur alvaran við á ný. Þá fá þeir tölvupóst frá mér,“ sagði hann í léttum dúr. Íslenskir þjálfarar hafa átt ríkan þátt í uppgangi handboltans í Austurríki undanfarin ár. Dagur Sigurðsson stýrði liðinu með frábærum árangri á EM 2010 en liðið náði þá níunda sæti á heimavelli. Dagur kom svo Austurríkismönnum á HM 2011 í Svíþjóð en hætti áður en mótið hófst. Liðið missti svo af EM í Serbíu og HM á Spáni en er nú aftur komið í keppni bestu landsliða Evrópu.Gott starf og mikill áhugi „Það hefur verið mjög gott starf unnið í austurríska sambandinu síðustu ár og öll umgjörð mjög góð. Það er mikill áhugi hjá þeim sem stýra þessu og það hefur mikil áhrif á mig. Þannig líður mér best og mér hefur liðið mjög vel í Austurríki,“ segir Patrekur sem mun nú í sumar taka við þjálfun Hauka í N1-deild karla. „Þeir hafa stefnt að þessu hér í þrettán ár og nú er markmiðinu loksins náð,“ segir Patrekur enn fremur. Austurríki var í einum besta riðli undankeppni EM 2014, með Serbíu, Rússlandi og Bosníu. Lærisveinar Patreks töpuðu aðeins einum leik alla undankeppnina – gegn Rússum á útivelli en liðið náði frábæru jafntefli í Serbíu og vann svo Rússana í lokaumferðinni á sunnudag. Serbar unnu riðilinn með níu stigum en Austurríki fékk átta. Það var reyndar vitað um miðjan fyrri hálfleikinn gegn Rússum að bæði lið væru örugg áfram á EM í Danmörku. Þá fréttist af sigri Hvít-Rússa gegn Slóveníu í riðli Íslands en þar með var ljóst að þriðja sætið í riðli Austurríkis myndi duga til að komast á EM. Enda verða Rússar á meðal þátttökuþjóða í Danmörku. „Einhverjir hefðu þá nýtt tækifærið og tekið því rólega. En ekki mínir menn. Þeir gáfu í og unnu Rússa, sem voru með sitt sterkasta lið, með fimm mörkum. Það sýndi mikinn karakter og einbeitingu,“ segir Patrekur.Kynslóðaskiptin bíða í 1-2 ár Austurríki er enn með sama kjarna í liðinu og var á EM 2010 en Patrekur hefur þó tekið inn nokkra unga leikmenn í kringum tvítugt sem eru lykilmenn í dag. „Ég hef gefið mörgum ungum leikmönnum séns og það er mjög gaman að sjá hversu vel þeir hafa staðið sig. Fyrir eldri leikmennina var þetta síðasti séns því hefðum við ekki komist á EM hefðu þurft að keyra ákveðin kynslóðaskipti í gegn. En nú næ ég að halda kjarnanum í 1-2 ár til viðbótar áður en breytingarnar koma.“ Patrekur hlakkar mjög til að taka þátt á EM í Danmörku sem hefst í janúar næstkomandi. Þess má geta að Austurríki og Ísland voru saman í riðli á EM 2010 en dregið verður í riðla fyrir næsta mót á föstudaginn. „Ég hef oft farið til Danmerkur og hef engan áhuga á því að fara þangað sem ferðamaður á þetta mót. Ég er með frábært lið og við ætlum okkur að ná árangri.“
Íslenski handboltinn Mest lesið Bein útsending: Átta hlaupa inn í nóttina Sport Stærsta lið Noregs í þrot Handbolti Rakel María endaði upp á spítala: „Ég á bara ótrúlega erfitt“ Sport „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti „Ég trúi þessu ekki ennþá“ Fótbolti „Ég reyndi að standa mig eins og í öllum öðrum leikjum“ Íslenski boltinn Íslenska ofurfólkið sem keppir á HM í bakgarðshlaupi Sport Leclerc fyrstur í mark í Texas Formúla 1 Uppgjörið: HK - Fram 2-1 | Flautumark heldur vonum HK á lífi Íslenski boltinn Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira