Piparjónkudagarnir að baki Sara McMahon skrifar 29. október 2013 07:00 Ég á vinkonu sem er svo óheppin að vera einhleyp, eða Jónka, eins og ég kýs að kalla hana. Þrátt fyrir að vera stanslaust á ferðinni hefur henni ekki tekist að fá karlmann til að heillast af sér. Líkt og gefur að skilja þykir henni þetta miður og leitaði hún ráða til mín, enda tókst mér hið ómögulega; að fá karlmann til að falla fyrir töfrum mínum. Ég var öll af vilja gerð því ég vil ekki fyrir nokkra muni að Jónkan verði karlmannslaus út ævina. Ég lagðist því í mikla rannsóknavinnu og þetta er það sem ég hafði upp úr krafsinu: Brostu! Karlmenn laðast aðeins að brosmildum konum og því eiga einhleypar konur að vera síbrosandi. Bros sem færist hægt og laumulega yfir andlitið þykja sérlega aðlaðandi, og ekki skemmir fyrir ef konan roðnar örlítið um leið. Ekki gefa of mikið af þér! Karlmenn eiga erfitt með að halda athyglinni í lengri tíma og því verða einhleypar konur að passa upp á að ofbjóða þeim ekki með masi. Láttu hann alltaf senda síðasta smáskilaboðið, skráðu þig alltaf út af samskiptamiðlum á undan honum og síðast en ekki síst, gangtu burt í miðju samtali! Þannig fær hann aldrei nóg af þér. Gerðu hann öfundsjúkan! Karlmenn eru með mikið keppnisskap og vilja því ekki konur sem aðrir karlmenn vilja ekki. Þessi fullyrðing kann að hljóma undarlega en er í raun ósköp einföld. Ýttu undir keppnisskap skotsins þíns með því að daðra linnulaust við aðra karlmenn. Vertu aðlaðandi! Ekki víla fyrir þér að breyta útliti þínu til að þóknast skotinu. Ef hann er veikur fyrir rauðhærðum konum, litaðu hár þitt rautt! Strax! Gramsaðu eftir lyklunum hans! Þessi síðasti punktur er sérlega mikilvægur! Karlmenn elska óvænta snertingu, sér í lagi ef hún kemur frá aðlaðandi og brosmildri konu með rautt hár. Stingdu höndinni í vasa hans og gramsaðu eftir lyklum, snertingin mun koma honum á óvart og hann mun endanlega falla fyrir þér. Nú þarf engin kona að vera pipra framar, nema hún hafi gerst svo kærulaus og gleymt að leggja á minnið hin fimm einföldu skref um hvernig megi halda athygli kærastans til langtíma. Viltu birta grein á Vísi? Sendu okkur póst. Senda grein Sara McMahon Mest lesið Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun Evrópa og myrkrið framundan Hilmar Þór Hilmarsson Skoðun Lokunaruppboð í Kauphöllinni Baldur Thorlacius Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Ferðatryggingar og val á kreditkorti Svandís Edda Hólm Jónudóttir Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun Ert þú í góðu netsambandi? Áslaug Arna Sigurbjörnsdóttir Skoðun Stórnotendur eru kjölfestan í íslenska raforkukerfinu Guðríður Eldey Arnardóttir Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun
Ég á vinkonu sem er svo óheppin að vera einhleyp, eða Jónka, eins og ég kýs að kalla hana. Þrátt fyrir að vera stanslaust á ferðinni hefur henni ekki tekist að fá karlmann til að heillast af sér. Líkt og gefur að skilja þykir henni þetta miður og leitaði hún ráða til mín, enda tókst mér hið ómögulega; að fá karlmann til að falla fyrir töfrum mínum. Ég var öll af vilja gerð því ég vil ekki fyrir nokkra muni að Jónkan verði karlmannslaus út ævina. Ég lagðist því í mikla rannsóknavinnu og þetta er það sem ég hafði upp úr krafsinu: Brostu! Karlmenn laðast aðeins að brosmildum konum og því eiga einhleypar konur að vera síbrosandi. Bros sem færist hægt og laumulega yfir andlitið þykja sérlega aðlaðandi, og ekki skemmir fyrir ef konan roðnar örlítið um leið. Ekki gefa of mikið af þér! Karlmenn eiga erfitt með að halda athyglinni í lengri tíma og því verða einhleypar konur að passa upp á að ofbjóða þeim ekki með masi. Láttu hann alltaf senda síðasta smáskilaboðið, skráðu þig alltaf út af samskiptamiðlum á undan honum og síðast en ekki síst, gangtu burt í miðju samtali! Þannig fær hann aldrei nóg af þér. Gerðu hann öfundsjúkan! Karlmenn eru með mikið keppnisskap og vilja því ekki konur sem aðrir karlmenn vilja ekki. Þessi fullyrðing kann að hljóma undarlega en er í raun ósköp einföld. Ýttu undir keppnisskap skotsins þíns með því að daðra linnulaust við aðra karlmenn. Vertu aðlaðandi! Ekki víla fyrir þér að breyta útliti þínu til að þóknast skotinu. Ef hann er veikur fyrir rauðhærðum konum, litaðu hár þitt rautt! Strax! Gramsaðu eftir lyklunum hans! Þessi síðasti punktur er sérlega mikilvægur! Karlmenn elska óvænta snertingu, sér í lagi ef hún kemur frá aðlaðandi og brosmildri konu með rautt hár. Stingdu höndinni í vasa hans og gramsaðu eftir lyklum, snertingin mun koma honum á óvart og hann mun endanlega falla fyrir þér. Nú þarf engin kona að vera pipra framar, nema hún hafi gerst svo kærulaus og gleymt að leggja á minnið hin fimm einföldu skref um hvernig megi halda athygli kærastans til langtíma.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun