Ekki bara skólinn og foreldrar sem eiga að ala upp börnin Kolbeinn Tumi Daðason skrifar 17. desember 2013 00:01 Gunnleifur Gunnleifsson. „Foreldrar treysta okkur fyrir börnunum sínum og við viljum standa undir því trausti,“ segir Gunnleifur Gunnleifsson, markvörður karlaliðs Breiðabliks og íslenska landsliðsins. Gunnleifur gegnir nýju hlutverki frístunda- og forvarnafulltrúa hjá knattspyrnudeildinni. „Við viljum að allir séu glaðir og ánægðir hjá félaginu okkar. Svo viljum við ala upp góða samfélagsþegna ásamt því að ala upp afreksfólk,“ segir markvörðurinn. Hann segir verkefnið hugarfóstur formanns knattspyrnudeildar, Borghildar Sigurðardóttur. Hún minnir á að ekki sé óalgengt að krakkar æfi fjórum til fimm sinnum í viku hjá félaginu. Það sé þeirra annað heimili. „Því þarf félagið að hafa metnað til þess að leggja góðar línur. Það eru ekki bara skólinn og foreldrar sem eiga að sinna þessu. Við verðum að viðurkenna uppeldishlutverk okkar,“ segir Borghildur. Auka á fræðslu bæði hjá iðkendum og foreldrum þeirra og kennir þar ýmissa grasa. Borghildur segir mikilvægt að geta leitað til afreksmanna og fyrirmynda hjá félaginu. Gunnleifur stýri því verkefni. „Það vita allir hvað er hollt og óhollt. Það þýðir samt ekki að við förum eftir því,“ segir Borghildur. Í fyrra hafi leikmenn úr meistaraflokkum félagsins mætt á æfingar hjá öllum yngri flokkum og rætt við krakkana um mataræði. „Þau eru búin að heyra þetta hundrað sinnum. En þegar Finnur Orri (Margeirsson) eða Greta Mjöll (Samúelsdóttir), leikmenn Blikanna, útskýra þetta þá taka börnin mark á því,“ segir Borghildur. Hún segist vita til þess að fjölmargir krakkar hafi farið eftir leiðbeiningunum í marga mánuði eftir heimsóknirnar. Borghildur minnir á að það að æfa fótbolta snúist um meira en að ætla að verða atvinnumaður.Mynd/ErnirForvarnir vegna vímuefna Gunnleifi hjartans mál „Þarna eru krakkar með áhugamál, sem sækja í góðan félagsskap og umgjörð okkar þarf að miða við það. Það er líka á okkar ábyrgð að búa til stjórnarmenn, fjölmiðlafulltrúa, þjálfara og dómara framtíðarinnar.“ Gunnleifur segir félagið vinna að því að bæta forvarnir og viðbrögð er varðar einelti, kynferðisbrot, meiðsli ungra iðkenda, brottfall vegna meiðsla og brottfall almennt. Einnig sé markmiðið að fræða bæði börn og foreldra um áhrif áfengis- og vímuefnaneyslu á líkamann. „Það er mitt hjartans mál enda hef ég mikla reynslu af því,“ segir Gunnleifur. Fræðslan skipti gríðarlega miklu máli og þá sérstaklega í elstu flokkum hjá báðum kynjum. „Félögin hafa staðið fyrir fræðslu um áfengisnotkun og hvernig fer fyrir íþróttafólki sem fer yfir strikið. Þó þarf líka að fræða krakkana nákvæmlega um hvað t.d. hálfur lítri af vodka gerir við skrokkinn; blóðið, frumurnar og vöðvana.“Bliki Gunnleifur er uppalinn hjá HK í Kópavogi en ver í dag mark nágrannanna. Hann gerir ýmislegt fleira en að verja markið hjá karlaliði félagsins. Fréttablaðið/AntonKynna einkenni veðmálafíknar fyrir foreldrum Eitt nýjasta vandamál íþróttahreyfingarinnar er veðmálastarfsemi. Veðjað er á leiki í íslenskri knattspyrnu um allan heim og miklir fjármunir í spilunum. Veðjað er um allt frá því hvernig leikur fari og til þess hvort lið fái á sig vítaspyrnu í leikjum. Hver sem er getur veðjað á leiki á netinu. „Aðgengi að þessu er orðið svo mikið en þekkingin á afleiðingunum er ekki jafnmikil. Foreldrar og krakkar gera sér kannski ekki alveg grein fyrir hve langt leidd þau geta orðið,“ segir Borghildur og Gunnleifur tekur dæmi: „Ef unglingur er farinn að fikta við eitthvað slíkt er mikilvægt að foreldrarnir séu meðvitaðir um einkennin enda sjá þeir börnin mun meira en við.“ Þá er sú hætta að veðmálastarfsemi hafi áhrif á spilamennsku leikmanna. Í versta falli gætu leikmenn freistast til að hafa áhrif á útkomu leikja eða einstök atvik í leikjum. „Við höfum sett skilyrði í þjálfarasamninga varðandi veðmálin og ætlum að setja þau í leikmannasamninga líka,“ segir Borghildur. Varðandi einelti og kynferðislegt ofbeldi sé svo afar mikilvægt að ákveðin ferli séu til staðar ef einhvers slíks verður vart innan félagsins. „Við erum öll sjálfboðaliðar og það er gjarnan skipt um aðila,“ segir Borghildur um kollega sína í stjórnum deilda Breiðabliks. Fæstir endist lengi í þeim hlutverkum. „Þá þarf ekki að finna hjólið upp á nýtt. Við viljum hafa skýra og skriflega ferla og tilnefna aðila til að sinna þeim,“ segir Borghildur. Pepsi Max-deild karla Pepsi Max-deild kvenna Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Sjá meira
„Foreldrar treysta okkur fyrir börnunum sínum og við viljum standa undir því trausti,“ segir Gunnleifur Gunnleifsson, markvörður karlaliðs Breiðabliks og íslenska landsliðsins. Gunnleifur gegnir nýju hlutverki frístunda- og forvarnafulltrúa hjá knattspyrnudeildinni. „Við viljum að allir séu glaðir og ánægðir hjá félaginu okkar. Svo viljum við ala upp góða samfélagsþegna ásamt því að ala upp afreksfólk,“ segir markvörðurinn. Hann segir verkefnið hugarfóstur formanns knattspyrnudeildar, Borghildar Sigurðardóttur. Hún minnir á að ekki sé óalgengt að krakkar æfi fjórum til fimm sinnum í viku hjá félaginu. Það sé þeirra annað heimili. „Því þarf félagið að hafa metnað til þess að leggja góðar línur. Það eru ekki bara skólinn og foreldrar sem eiga að sinna þessu. Við verðum að viðurkenna uppeldishlutverk okkar,“ segir Borghildur. Auka á fræðslu bæði hjá iðkendum og foreldrum þeirra og kennir þar ýmissa grasa. Borghildur segir mikilvægt að geta leitað til afreksmanna og fyrirmynda hjá félaginu. Gunnleifur stýri því verkefni. „Það vita allir hvað er hollt og óhollt. Það þýðir samt ekki að við förum eftir því,“ segir Borghildur. Í fyrra hafi leikmenn úr meistaraflokkum félagsins mætt á æfingar hjá öllum yngri flokkum og rætt við krakkana um mataræði. „Þau eru búin að heyra þetta hundrað sinnum. En þegar Finnur Orri (Margeirsson) eða Greta Mjöll (Samúelsdóttir), leikmenn Blikanna, útskýra þetta þá taka börnin mark á því,“ segir Borghildur. Hún segist vita til þess að fjölmargir krakkar hafi farið eftir leiðbeiningunum í marga mánuði eftir heimsóknirnar. Borghildur minnir á að það að æfa fótbolta snúist um meira en að ætla að verða atvinnumaður.Mynd/ErnirForvarnir vegna vímuefna Gunnleifi hjartans mál „Þarna eru krakkar með áhugamál, sem sækja í góðan félagsskap og umgjörð okkar þarf að miða við það. Það er líka á okkar ábyrgð að búa til stjórnarmenn, fjölmiðlafulltrúa, þjálfara og dómara framtíðarinnar.“ Gunnleifur segir félagið vinna að því að bæta forvarnir og viðbrögð er varðar einelti, kynferðisbrot, meiðsli ungra iðkenda, brottfall vegna meiðsla og brottfall almennt. Einnig sé markmiðið að fræða bæði börn og foreldra um áhrif áfengis- og vímuefnaneyslu á líkamann. „Það er mitt hjartans mál enda hef ég mikla reynslu af því,“ segir Gunnleifur. Fræðslan skipti gríðarlega miklu máli og þá sérstaklega í elstu flokkum hjá báðum kynjum. „Félögin hafa staðið fyrir fræðslu um áfengisnotkun og hvernig fer fyrir íþróttafólki sem fer yfir strikið. Þó þarf líka að fræða krakkana nákvæmlega um hvað t.d. hálfur lítri af vodka gerir við skrokkinn; blóðið, frumurnar og vöðvana.“Bliki Gunnleifur er uppalinn hjá HK í Kópavogi en ver í dag mark nágrannanna. Hann gerir ýmislegt fleira en að verja markið hjá karlaliði félagsins. Fréttablaðið/AntonKynna einkenni veðmálafíknar fyrir foreldrum Eitt nýjasta vandamál íþróttahreyfingarinnar er veðmálastarfsemi. Veðjað er á leiki í íslenskri knattspyrnu um allan heim og miklir fjármunir í spilunum. Veðjað er um allt frá því hvernig leikur fari og til þess hvort lið fái á sig vítaspyrnu í leikjum. Hver sem er getur veðjað á leiki á netinu. „Aðgengi að þessu er orðið svo mikið en þekkingin á afleiðingunum er ekki jafnmikil. Foreldrar og krakkar gera sér kannski ekki alveg grein fyrir hve langt leidd þau geta orðið,“ segir Borghildur og Gunnleifur tekur dæmi: „Ef unglingur er farinn að fikta við eitthvað slíkt er mikilvægt að foreldrarnir séu meðvitaðir um einkennin enda sjá þeir börnin mun meira en við.“ Þá er sú hætta að veðmálastarfsemi hafi áhrif á spilamennsku leikmanna. Í versta falli gætu leikmenn freistast til að hafa áhrif á útkomu leikja eða einstök atvik í leikjum. „Við höfum sett skilyrði í þjálfarasamninga varðandi veðmálin og ætlum að setja þau í leikmannasamninga líka,“ segir Borghildur. Varðandi einelti og kynferðislegt ofbeldi sé svo afar mikilvægt að ákveðin ferli séu til staðar ef einhvers slíks verður vart innan félagsins. „Við erum öll sjálfboðaliðar og það er gjarnan skipt um aðila,“ segir Borghildur um kollega sína í stjórnum deilda Breiðabliks. Fæstir endist lengi í þeim hlutverkum. „Þá þarf ekki að finna hjólið upp á nýtt. Við viljum hafa skýra og skriflega ferla og tilnefna aðila til að sinna þeim,“ segir Borghildur.
Pepsi Max-deild karla Pepsi Max-deild kvenna Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Sjá meira