Leikkonan Cate Blanchett var spurð að því á alþjóðlegu kvikmyndahátíðinni í Santa Barbara hvað henni fyndist um bréfið sem Dylan Farrow, dóttir kvikmyndaleikstjórans Woody Allen, birti á bloggvef New York Times um helgina.
Cate er talin líkleg til að hreppa Óskarsverðlaunin fyrir leik sinn í kvikmyndinni Blue Jasmine sem Woody leikstýrði. Hún sendir hlýja strauma til fjölskyldunnar.
„Þetta hefur greinilega verið langt og sársaukafullt ferli fyrir fjölskylduna og ég vona að hún finni lausn á þessu máli og frið,“ segir Cate í samtali við blaðamanninn Jeffrey Wells.
