"Þetta var lagið okkar“

Lea Michele hefur gefið út nýtt lag sem verður að finna á plötu hennar, Louder. Lagið er tileinkað fyrrum kærasta söngkonunnar, Cory Monteith, en hann lést úr of stórum skammti eiturlyfja í júlí í fyrra, aðeins 31. árs.

Lea og Cory léku einnig saman í Glee-þáttunum.

„Lagið gerir mig hamingjusama. Það minnir mig svo á Cory,“ sagði Lea í viðtali við Elle í nóvember, löngu áður en hún gaf það út, en upphaflega átti það ekki að fara á plötuna.

„Þetta var lagið okkar. Þegar ég hugsa til hans, þá spila ég þetta lag.“

Lagið heitir You're Mine og má hlusta á hér að neðan.