„Gangandi kraftaverk“ Sunna Karen Sigurþórsdóttir skrifar 26. febrúar 2014 21:45 Benjamín Nökkvi Björnsson MYND/BENJAMÍN NÖKKVI Benjamín Nökkvi er 10 ára gamall drengur sem gengið hefur í gegnum töluvert meira en flestir. Líf hans hefur einkennst af miklum veikindum, en þrátt fyrir það lítur hann lífið björtum augum og óskar þess að fá að spila fótbolta aftur. Níu vikna gamall greindist hann með afar sjaldgæfa hvítblæðistegund og er eina barnið hér á landi sem lifað hefur af þessa tegund. Frá unga aldri var hann í stöðugri lyfjameðferð en brást illa við henni og var því ákveðið, samkvæmt stöðluðu meðferðarplani, að besta von hans um bata væri að fara í beinmergsskipti. Átta mánaða gamall fór hann í sín fyrstu beinmergskipti. Benjamín á tvö eldri systkin og til allrar lukku voru þau bæði í sama vefjaflokki hentuðu þau því bæði sem beinmergsgjafar, en það er afar sjaldgæft. Beinmergskiptin, sem fóru fram í Svíþjóð, gengu vel og í kjölfarið var hann laus við allt mein.Krabbameinið komið aftur Vorið 2005, eftir fyrri beinmergskipti, fór hann í eftirlit til Svíþjóðar og í ljós kom að krabbameinið hafði tekið sig upp aftur. Fjölgun frumnanna var mikil og fór á tveimur dögum úr þrjátíu prósentum í áttatíu prósent. Engin fordæmi voru til um það hvað hægt væri að gera í þessari stöðu en ákvörðun var tekin um að reyna aftur beinmergskipti. „Við fengum að vita að það væru nánast engar líkur á að hann kæmist í gegnum þetta. Líkaminn hafnar beinmerg eins og öðrum líffærum,“ segir Eygló Guðmundsdóttir, móðir Benjamíns. Benjamín hafnaði beinmergnum og við tóku ýmsar rannsóknir og fleiri meðferðir. Höfnunin getur þó verið jákvæð að vissu leiti hjá hvítblæðissjúklingum þar sem það hefur einnig ákveðin úthreinsiáhrif. Líkaminn hreinsar þá einnig út þær krabbameinsfrumur ef einhverjar eru eftir. Höfnunareinkennin hjá Benjamín Nökkva voru þó ansi kröftug sem olli hruni í meltingarfærum og flestum öðrum líffærum. Með ýmsum erfiðum meðferðum var að lokum hægt að ná tökum á þessum bráðahöfnunareinkennunum. Í kjölfar meðferðanna tókst honum að vinna bug á meininu. „Benjamín er gangandi kraftaverk.“ Gríðarströng krabbameinsmeðferð, heilgeislun á ungan kropp og tvenn mergskipti hafa sínar afleiðingar á líkamlega heilsu Benjamíns og hafa síðustu 10 ár einkennst af miklum innlögnum og eitt hefur rekið annað hvað varðar líkamlega heilsu Benjamíns og hefur tími fjölskyldunnar oft verið erfiður.Benjamín Nökkvi ásamt föður sínum, bróður og fótboltamanninum Cristiano Ronaldo.Erfiðar lyfjameðferðir Árið 2010 greindist Benjamín með erfiðan, lífshættulegan lungnasjúkdóm sem erfitt er að ráða við. Við tók mjög erfið lyfjameðferð sem fór illa með alla líkamsstarfsemi. Hann fór í gegnum ýmis konar meðferðir og hefur gert síðan sumarið 2010. Engin meðferðanna hefur borið árangur enda sjúkdómurinn talinn ólæknanlegur þegar hann er kominn á visst stig. „Lyfjameðferðirnar sem hann gekk í gegnum, sem voru fjórar, báru ekki árangur. Staðan var sú að ekkert var eftir.“ Eygló var ekki tilbúin til þess að gefa son sinn upp á bátinn og var hún í stöðugum samskiptum við lækna í Stokkhólmi. Henni tókst að fá læknateymi þeirra til þess að skoða möguleikann á meðferð sem vitað er að getur læknað en er erfið og mjög áhættusöm. Sjúkdómurinn hefur versnað til muna og hefur orðið til þess að Benjamín getur ekki gengið í skóla og vistast einungis heimavið. Benjamín lítur lífið björtum augum, er jákvæður, skemmtilegur og kátur drengur sem sér alltaf eitthvað gott við hvern einasta dag. Hann vonast til þess að geta fengið að spila fótbolta aftur.Þeim sem vilja styrkja Benjamín Nökkva er bent á styrktarreikning hans:114-15-630755Kt: 280703-3460 Mest lesið „Faðir minn stakk rýtingi í bakið á mér“ Innlent Kona sem sagðist vera Madeleine McCann handtekin Erlent Sagði upp eftir tíðindi dagsins og segir fleiri uppsagnarbréf á leiðinni Innlent Festist í fjöru á höfuðborgarsvæðinu Innlent Segir ekkert til í ásökunum KÍ um flokkadrætti Innlent Ákvörðun tekin án samráðs við nokkurn nema MS og Bændasamtökin Innlent Fer fram á stjórnsýsluúttekt á aðdraganda lokunarinnar Innlent Hamas reiðubúin að láta af stjórn Gaza Erlent Samþykktu að breyta skráningu svo þiggja megi styrki Innlent „Flokkur fólksins virðist hafa látið plata sig algjörlega“ Innlent Fleiri fréttir Búin að loka fyrir kort ungmenna á veðmálasíðum Veðmál barna og verslunarmiðstöð í Vogum Búðarhnuplari í efri byggðum reyndist vera eftirlýstur Segir málefnasamninginn ófjármagnað orðagjálfur Ákvörðun tekin án samráðs við nokkurn nema MS og Bændasamtökin Vilja skýrslu frá ráðherra um lokun flugbrautar Segir ekkert til í ásökunum KÍ um flokkadrætti Tíu ára stelpa frá Vík í úrslitum í Eurovision barna í Danmörku Samþykktu að breyta skráningu svo þiggja megi styrki Fer fram á stjórnsýsluúttekt á aðdraganda lokunarinnar Stjórnsýsluúttekt á lokun flugbrautarinnar og endurgreiðsla styrkja Skora á fulltrúa sveitarfélaganna að greina frá sinni afstöðu „Faðir minn stakk rýtingi í bakið á mér“ Festist í fjöru á höfuðborgarsvæðinu Vilja byggja 30 þúsund fermetra verslunarkjarna Sagði upp eftir tíðindi dagsins og segir fleiri uppsagnarbréf á leiðinni „Flokkur fólksins virðist hafa látið plata sig algjörlega“ Sellur Sjálfstæðis- og Framsóknarflokks hafi komið í veg fyrir að samningar næðust Kennarar gengu út og nýr borgarstjórnarmeirihluti Nýr borgarstjóri studdi tillögu sáttasemjara Fyrrverandi þingmenn fá ekki sendiherrastöður „Óhjákvæmilega mikil sorg og vanlíðan“ þegar svona mál komi upp Svona skipta oddvitarnir stólunum Voru búin að segja að þeim hugnaðist ekki tillaga Ástráðs Stefán útvarpsstjóri vandar Mogganum ekki kveðjurnar Henti byssunni upp á þak um hábjartan dag „Þetta eru mikil vonbrigði fyrir okkur“ Skilur vel reiðina sem blossi upp Útganga kennara kom formanninum í opna skjöldu Gátu ekki lent í þoku í Osló því flugmenn eru enn í þjálfun á Airbus Sjá meira
Benjamín Nökkvi er 10 ára gamall drengur sem gengið hefur í gegnum töluvert meira en flestir. Líf hans hefur einkennst af miklum veikindum, en þrátt fyrir það lítur hann lífið björtum augum og óskar þess að fá að spila fótbolta aftur. Níu vikna gamall greindist hann með afar sjaldgæfa hvítblæðistegund og er eina barnið hér á landi sem lifað hefur af þessa tegund. Frá unga aldri var hann í stöðugri lyfjameðferð en brást illa við henni og var því ákveðið, samkvæmt stöðluðu meðferðarplani, að besta von hans um bata væri að fara í beinmergsskipti. Átta mánaða gamall fór hann í sín fyrstu beinmergskipti. Benjamín á tvö eldri systkin og til allrar lukku voru þau bæði í sama vefjaflokki hentuðu þau því bæði sem beinmergsgjafar, en það er afar sjaldgæft. Beinmergskiptin, sem fóru fram í Svíþjóð, gengu vel og í kjölfarið var hann laus við allt mein.Krabbameinið komið aftur Vorið 2005, eftir fyrri beinmergskipti, fór hann í eftirlit til Svíþjóðar og í ljós kom að krabbameinið hafði tekið sig upp aftur. Fjölgun frumnanna var mikil og fór á tveimur dögum úr þrjátíu prósentum í áttatíu prósent. Engin fordæmi voru til um það hvað hægt væri að gera í þessari stöðu en ákvörðun var tekin um að reyna aftur beinmergskipti. „Við fengum að vita að það væru nánast engar líkur á að hann kæmist í gegnum þetta. Líkaminn hafnar beinmerg eins og öðrum líffærum,“ segir Eygló Guðmundsdóttir, móðir Benjamíns. Benjamín hafnaði beinmergnum og við tóku ýmsar rannsóknir og fleiri meðferðir. Höfnunin getur þó verið jákvæð að vissu leiti hjá hvítblæðissjúklingum þar sem það hefur einnig ákveðin úthreinsiáhrif. Líkaminn hreinsar þá einnig út þær krabbameinsfrumur ef einhverjar eru eftir. Höfnunareinkennin hjá Benjamín Nökkva voru þó ansi kröftug sem olli hruni í meltingarfærum og flestum öðrum líffærum. Með ýmsum erfiðum meðferðum var að lokum hægt að ná tökum á þessum bráðahöfnunareinkennunum. Í kjölfar meðferðanna tókst honum að vinna bug á meininu. „Benjamín er gangandi kraftaverk.“ Gríðarströng krabbameinsmeðferð, heilgeislun á ungan kropp og tvenn mergskipti hafa sínar afleiðingar á líkamlega heilsu Benjamíns og hafa síðustu 10 ár einkennst af miklum innlögnum og eitt hefur rekið annað hvað varðar líkamlega heilsu Benjamíns og hefur tími fjölskyldunnar oft verið erfiður.Benjamín Nökkvi ásamt föður sínum, bróður og fótboltamanninum Cristiano Ronaldo.Erfiðar lyfjameðferðir Árið 2010 greindist Benjamín með erfiðan, lífshættulegan lungnasjúkdóm sem erfitt er að ráða við. Við tók mjög erfið lyfjameðferð sem fór illa með alla líkamsstarfsemi. Hann fór í gegnum ýmis konar meðferðir og hefur gert síðan sumarið 2010. Engin meðferðanna hefur borið árangur enda sjúkdómurinn talinn ólæknanlegur þegar hann er kominn á visst stig. „Lyfjameðferðirnar sem hann gekk í gegnum, sem voru fjórar, báru ekki árangur. Staðan var sú að ekkert var eftir.“ Eygló var ekki tilbúin til þess að gefa son sinn upp á bátinn og var hún í stöðugum samskiptum við lækna í Stokkhólmi. Henni tókst að fá læknateymi þeirra til þess að skoða möguleikann á meðferð sem vitað er að getur læknað en er erfið og mjög áhættusöm. Sjúkdómurinn hefur versnað til muna og hefur orðið til þess að Benjamín getur ekki gengið í skóla og vistast einungis heimavið. Benjamín lítur lífið björtum augum, er jákvæður, skemmtilegur og kátur drengur sem sér alltaf eitthvað gott við hvern einasta dag. Hann vonast til þess að geta fengið að spila fótbolta aftur.Þeim sem vilja styrkja Benjamín Nökkva er bent á styrktarreikning hans:114-15-630755Kt: 280703-3460
Mest lesið „Faðir minn stakk rýtingi í bakið á mér“ Innlent Kona sem sagðist vera Madeleine McCann handtekin Erlent Sagði upp eftir tíðindi dagsins og segir fleiri uppsagnarbréf á leiðinni Innlent Festist í fjöru á höfuðborgarsvæðinu Innlent Segir ekkert til í ásökunum KÍ um flokkadrætti Innlent Ákvörðun tekin án samráðs við nokkurn nema MS og Bændasamtökin Innlent Fer fram á stjórnsýsluúttekt á aðdraganda lokunarinnar Innlent Hamas reiðubúin að láta af stjórn Gaza Erlent Samþykktu að breyta skráningu svo þiggja megi styrki Innlent „Flokkur fólksins virðist hafa látið plata sig algjörlega“ Innlent Fleiri fréttir Búin að loka fyrir kort ungmenna á veðmálasíðum Veðmál barna og verslunarmiðstöð í Vogum Búðarhnuplari í efri byggðum reyndist vera eftirlýstur Segir málefnasamninginn ófjármagnað orðagjálfur Ákvörðun tekin án samráðs við nokkurn nema MS og Bændasamtökin Vilja skýrslu frá ráðherra um lokun flugbrautar Segir ekkert til í ásökunum KÍ um flokkadrætti Tíu ára stelpa frá Vík í úrslitum í Eurovision barna í Danmörku Samþykktu að breyta skráningu svo þiggja megi styrki Fer fram á stjórnsýsluúttekt á aðdraganda lokunarinnar Stjórnsýsluúttekt á lokun flugbrautarinnar og endurgreiðsla styrkja Skora á fulltrúa sveitarfélaganna að greina frá sinni afstöðu „Faðir minn stakk rýtingi í bakið á mér“ Festist í fjöru á höfuðborgarsvæðinu Vilja byggja 30 þúsund fermetra verslunarkjarna Sagði upp eftir tíðindi dagsins og segir fleiri uppsagnarbréf á leiðinni „Flokkur fólksins virðist hafa látið plata sig algjörlega“ Sellur Sjálfstæðis- og Framsóknarflokks hafi komið í veg fyrir að samningar næðust Kennarar gengu út og nýr borgarstjórnarmeirihluti Nýr borgarstjóri studdi tillögu sáttasemjara Fyrrverandi þingmenn fá ekki sendiherrastöður „Óhjákvæmilega mikil sorg og vanlíðan“ þegar svona mál komi upp Svona skipta oddvitarnir stólunum Voru búin að segja að þeim hugnaðist ekki tillaga Ástráðs Stefán útvarpsstjóri vandar Mogganum ekki kveðjurnar Henti byssunni upp á þak um hábjartan dag „Þetta eru mikil vonbrigði fyrir okkur“ Skilur vel reiðina sem blossi upp Útganga kennara kom formanninum í opna skjöldu Gátu ekki lent í þoku í Osló því flugmenn eru enn í þjálfun á Airbus Sjá meira