
Sveik 25 manns um miða á Króatíuleikinn

Playstation tölvur, iPhone símar og miðar á landsleiki er meðal þess sem 26 ára karlmaður notaði til þess að hafa fé af fólki á samskiptamiðlinum Bland.is. Vísir hefur kæruna undir höndum.
Mál á hendur manninum var þingfest í Héraðsdómi Norðurlands Eystra þann 6. mars. Rúv greindi frá því fyrr í dag.
Meint brot mannsins eiga öll að hafa átt sér stað á árinu 2013 og urðu fimmtán einstaklingar eða fyrirtæki fyrir barðinu á honum.
Fjórir reyndu í örvæntingu að kaupa miða á landsleik Íslands og Króatíu í nóvember. Uppselt varð á leikinn á örfáum klukkustundum en miðasalan var umdeild en hún hófst að næturlagi.
Seldi maðurinn miðana á bilinu 17-26 þúsund krónur. Í öllum tilvikum fékk hann fólkið til að leggja inn á sig peningana eftir samskipti á Blandinu en aldrei bárust miðar eins og lofaði hafði verið.
Þá reyndu tveir að kaupa iPhone síma af manninum, sömuleiðis töldu tveir sig hafa keypt hlýja úlpu og einnig lögðu tveir til viðbótar inn á hann fjárhæð til að tryggja sér Playstation leikjatölvu. Aldrei barst varan sem greitt hafði verið fyrir. Dýrasta einstaka millifærslan var 50 þúsund krónur fyrir snjallsíma.
Þá tókst manninum að hafa 16 þúsund krónur af kommóðukaupanda og 30 þúsund krónur af netverja í leit að hjólbörðum. Þá gisti hann í tvær nætur á hóteli á Akureyri þegar hann hafði bókað fjögurra nótta gistingu. Að loknum tveimur nóttum laumaðist hann útaf hótelinu án þess að greiða fyrir þjónustuna.
Öll ofan talin mál, fjórtán samanlagt, teljast til fjársvika.
Maðurinn er einnig ákærður fyrir fjárdrátt og umboðssvik gagnvart konu á fimmtugsaldri. Aðstoðaði hann hana við innkaup og útréttingar vegna veikinda hennar, tók út úr hraðbönkum, keypti sér símainneignir og millifærði af reikningi hennar yfir á reikninga kunningja sinna. Þeir hafi síðar afhent honum peningana. Auk þess tók hann 85 þúsund króna lán hjá smálánafyrirtækjunum 1909 ehf. og Hraðpeningum án hennar samþykkis með því að nota tölvupóstfang hennar.
Heildarupphæðin, sem manninum er gefið að sök að hafa svikið út úr fólkinu, er rúmlega 830 þúsund krónur.
Tengdar fréttir

Uppselt á leik Íslands og Króatíu
Uppselt er á leik Íslands og Króatíu þann 15. nóvember sem fram fer á Laugardalsvellinum.

„Getum ekki boðið upp á aukasýningu eins og Björgvin Halldórsson“
Þórir Hákonarson, framkvæmdastjóri Knattspyrnusambands Íslands, segir að farið hafi verið að leiðbeiningum söluaðilans Mida.is þegar ákvörðun var tekin að setja miða á landsleik Íslands og Króatíu í sölu klukkan 4 í nótt.

Ákvörðun um hvenær miðarnir færu í sölu var alfarið á höndum KSÍ
Uppselt er á leik Íslands og Króatíu þann 15. nóvember á Laugardalsvelli. Miðasalan á leikinn hófst klukkan fjögur í nótt og var orðið uppselt fyrir klukkan átta um morguninn.

Twitter logar: Takk Klúðursamband Íslands
Íslendingar eru ekki sáttir. Það má sjá á samskiptamiðlinum Twitter í morgun.

"KSÍ er ekki geðslegur klúbbur“
Margir Íslendingar hafa brugðist illa við fréttum af því að uppselt hafi orðið um miðja nótt á landsleikinn.

Yfirlýsing frá KSÍ: 5000 miðar voru í boði fyrir almenning
Þórir Hákonarson, framkvæmdastjóri KSÍ, segir að íslensk fyrirtæki hafi sóst eftir mörg þúsund miðum á landsleik Íslands og Króatíu í umspili um laust sæti á HM í Brasilíu. Hann biðst afsökunar á því hvernig staðið var að miðasölunni.

Þórir hjá KSÍ: Alltaf hætta á svartamarkaðsbraski með miða
"Fyrstur kemur fyrstur fær“ gildir þegar miðasala á Króatíuleikinn hefst í dag.

Króatískir fjölmiðlar fjalla um miðasölu KSÍ
Króatískir fjölmiðlar fjalla í dag um miðasölu KSÍ á landsleik Íslands og Króata í umspili um sæti á heimsmeistaramótið í Brasilíu sem fram fer á næsta ári.

Miðasala á leik Íslands og Króatíu hófst í nótt
Miðasala á leik Íslands og Króatíu í umspilinu um sæti á heimsmeistaramótinu í knattspyrnu sem fram fer í Brasilíu á næsta ári hófst rétt eftir klukkan fjögur í nótt.

Miðarnir seldust upp á sex mínútum
Nú er endanlega orðið uppselt á leik Íslands og Króatíu í umspilinu um sæti á heimsmeistaramótinu í Brasilíu á næsta ári en miðarnir fóru á sex mínútum.

Ákváðu fyrirkomulag sölu seint um kvöld
Framkvæmd miðasölu á landsleik Íslands og Króatíu vakti reiði margra í gær. Ákvörðunin um að setja miðana í sölu klukkan fjögur um nóttina var tekin kvöldið áður. Fólk virðist ekki hafa hamstrað miðana, segir framkvæmdastjóri KSÍ.