Risarækjupasta og sumarsalat

Söngkonan og sælkerinn Gretu Mjöll er sótt heim í þættinum Höfðingjar heim að sækja.

Greta töfraði fram ljúffengt risarækjupasta og súkkulaði creme brulée í desert sem bráðnar í munni. 

Höfðingjar heim að sækja er á dagskrá Stöðvar 2 á mánudagskvöldum.

Risarækjupasta

400 g linguini (eða spaghetti)

1 msk ólífuolía

Smjör, magn eftir  smekk

2 – 3 skarlottulaukar, smátt saxaðir

4-5 hvítlauksrif, smátt söxuð

Klípa af þurrkuðum chili

500 g ósoðnar risarækjur

150 ml hvítvín

1 -2 msk. sítrónusafi

1 lúka fersk steinselja, söxuð

1 fiskikrafts teningur

salt og pipar, magn eftir smekk





Hitið vel saltað vatn í stórum potti. Setjið pastað út í vatnið þegar það sýður, lækkið hitann og sjóðið pastað samkvæmt leiðbeiningum á pakka. Hitið ólífuolíu og smjör á stórri pönnu, byrjið á því að steikja laukinn í örfáar mínútur eða þar til laukurinn er gullinbrúnn. Bætið rækjunum út á pönnuna og steikið þar til þær eru farnar að vera bleikar. Hellið hvítvíninu og safanum úr sítrónunni og fiskikraftinum út á pönnuna, leyfið því aðeins að sjóða niður og fjarlægið pönnuna af hitanum.

Setjið eldað pastað á pönnuna og  dreifið steinseljunni yfir. Kryddið til með salti og pipar, blandið vel saman og berið fram með góðu salati og hvítlauksbrauði.

Hvítlaukssmjör

200 g smjör, við stofuhita

3-4 hvítlauksrif, smátt söxuð

Handfylli fersk steinselja, smátt söxuð

Salt og pipar, magn eftir smekk

Aðferð:

Blandið öllu saman í skál eða maukið í matvinnsluvél, smjörið á að vera létt og ljóst. Smyrjið brauðsneiðar með smjörinu og dreifið rifnum osti yfir. Bakið brauðið í ofni við 180°C í 5 – 7 mínútur eða þar til osturinn er orðinn gullinbrúnn.

Ferskt sumarsalat

Þetta salat er einstaklega ljúffengt.

300 g Mozzarella ostur

1 askja kirsuberjatómatar, smátt skornir

Handfylli fersk basilíka, smátt söxuð

Salt og pipar, magn eftir smekk

Góð ólífuolía, um það bil ½ matskeið

Aðferð:

Blandið öllu saman í skál og dreifið smá olíu yfir. Kryddið til með smá salti og pipar. 

Súkkulaði creme brulée

Ómótstæðilegur desert sem bráðnar í munni.

fyr­ir 6

500 ml rjómi

4 eggj­ar­auður

70 g syk­ur

100 g suðusúkkulaði

Salt á hnífsoddi

2 tsk vanilla

Hrásykur, magn eftir smekk

Aðferð:

Hitið ofn­inn í 163°C. Hellið rjóm­an­um í pott og bætið 35 g af sykrinum og salti á hnífsoddi saman við. Hitið upp að suðu. Lækkið þá hit­ann og látið malla í 5 mín­út­ur. Þeytið eggj­ar­auðurn­ar og syk­ur­inn vel sam­an eða þar til að bland­an er orðin ljós og létt í sér. Bræðið súkkulaði yfir vatnsbaði og bætið út í rjómablönduna. Hellið rjóma­blönd­uni smám sam­an út í eggja­blönd­una og látið hræri­vél­ina ganga á meðal­hraða á meðan. Hellið blönd­unni til jafns í 6 creme brulée mót.  Hálf­fyllið eld­fast mót af vatni og raðið mót­un­um í það. Vatnið á að ná upp að miðju mót­anna. Bakið í 30 mínútur eða þar til búðingurinn er orðinn jafn í miðjunni.

Takið mót­in úr vatnsbaðinu og kælið. Best er að kæla yfir nótt. Stráið hrásykr­in­um yfir mótið og brennið með litl­um gasbrenn­ara eða stutt­lega á grillstill­ingu i ofn­in­um. Skreytið eftirréttinn í lokin með ferskum berjum og njótið vel.