Umföllun, viðtöl og einkunnir: Fjölnir - Fram 1-4 | Annað tap Fjölnis í röð Guðmundur Marinó Ingvarsson á Fjölnisvelli skrifar 15. júní 2014 00:01 Ósvald Jarl Traustason lagði upp fyrsta markið. vísir/daníel Fram skellti Fjölni 4-1 í Pepsí deild karla í fótbolta í kvöld á Fjölnisvelli í Grafarvogi. Frábær fyrri hálfleikur lagði grunninn að sigri Fram en liðið var 2-0 yfir í hálfleik. Fjölnir tapaði fyrsta leik sínum í 10 mánuði fyrir fjórum dögum þegar liðið tapaði gegn FH og virðist það tap hafa slegið liðið útaf laginu. Leikmenn liðsins virkuðu gjörsamlega andlausir og báráttan sem einkennt hefur leik liðsins var hvergi sjáanleg, sérstaklega í fyrri hálfleik. Fjölnir fékk tvær skyndisóknir snemma leiks en Fram tók fljótt öll völd á vellinum og var komið í 2-0 áður en Fjölnir gerði aftur atlögu að marki Fram. Tryggvi Sveinn Bjarnason skallaði boltann auðveldlega í mark Fjölnis á 19. mínútu ódekkaður á markteig í kjölfar hornspyrnu. Níu mínútum síðar bætti Ásgeir Marteinsson öðru marki við með föstu skoti úr teignum eftir að Fjölnir náði ekki að bregðast við slakri fyrirgjöf frá vinstri. Fjölnir sótti í sig veðrið og komst inn í leikinn þegar Aron Sigurðarsson skoraði úr fyrsta færi liðsins í seinni hálfleik á 65. mínútu. Fram færði lið sitt aftar er leið á leikinn og sótti hratt þegar færi gafst. Ein slík sókn skilaði markinu sem gerði út um leikinn þegar Arnþór Ari Atlason átti frábært skot á 81. mínútu sem söng í netinu. Óverjandi. Þarna voru úrslitin ráðin og sá litli baráttuandi sem kominn var í lið Fjölnis hvarf. Fram sá sér því leik á borði og skoraði varamaðurinn Aron Þórður Albertsson fjórða mark liðsins fjórum mínútum fyrir leikslok eftir skyndisókn sem kom eftir hornspyrnu Fjölnis. Fram lék mjög vel í leiknum og var sigurinn sanngjarn og verðskuldaður eins og tölurnar gefa til kynna. Fjölnis liðið virkaði týnt og átti lítinn möguleika í leiknum. Fram er nú stigi á eftir Fjölni með 9 stig og ljóst að liðið ætlar sér ekki að sogast í fallbaráttuna. Liðið var mjög vel skipulagt og átti svör við flestum aðgerðum Fjölnis. Meiri liðsheildarbragur er á Framliðinu en stundum áður á tímabilinu. Arnþór Ari: Dýfan setur strik í reikninginnArnþór Ari Atlason fór mikinn hjá Fram í kvöld. Hann lagði upp annað mark liðsins og skoraði það þriðja en tveimur mínútum áður en hann skoraði fékk hann að líta gula spjaldið fyrir dýfu. „Ég er mjög ánægður með stoðsendinguna og markið en þessi dýfa var kjánaleg og það verður hraunað yfir mig fyrir þetta og gert mikið grín að mér. Ég get tekið því, er með breitt bak,“ sagði Arnþór Ari um viðburðaríkan leik sinn. „Við vorum frábærið í þessum leik og liðsheildin frábær. Dýfan setur strik í reikninginn en sigurinn var frábær. Við vorum mikið betri en Fjölnir í þessum leik. „Það er gott að skora og kominn tími á það. Það var langt síðan ég skoraði síðast,“ sagði Arnþór sem þakkaði því að sigurinn að Framarar voru klárir í baráttuna strax í upphafi leiks. „Við vorum með gott leikskipulag fyrir leikinn. Fyrst og fremst vorum við klárir í leikinn frá fyrstu mínútu. Við vildum þetta meira en þeir og vorum ákveðnari. Við vitum að við erum góðir í fótbolta og við þurfum bara að mæta klárir í slaginn í hverjum leik. Þá munum við hala inn stigum. „Það eru mjög mikil gæði í þessum hóp og við verðum betri og betri er líður á tímabilið. Við erum að þjappa okkur betur og betur saman,“ sagði Arnþór Ari. Ágúst: Ekki sjón að sjá strákana„Við mættum ekki í fyrri hálfleik. Vorum 2-0 undir og það var ekki sjón að sjá strákana,“ sagði Ágúst Gylfason þjálfari Fjölnis í leikslok. „Við rifum okkur aðeins upp í hálfleik og mér fannst við sterkir í 25, 30 mínútur. Þá settum við pressu á þá og skorum gott mark. Markið lá í loftinu en þá fáum við mark í bakið og þá er þetta búið. Við reynum aðeins og þá fáum við fjórða markið á okkur í lokin. „Þetta andleysi var mjög óvanalegt og við þurfum að fara yfir þá hluti. Þetta var mjög óeðlilegt,“ sagði Ágúst sem taldi þó ekki að tapaði gegn FH hafi setið í liðinu þar sem liðið tapaði í fyrsta sinn í deild frá því í ágúst 2013. „Alls ekki. Það hafði ekkert að gera með þennan leik. Ég veit ekki hvað fór úrskeiðis. Það á ekki að hafa áhrif. Við vorum vel stemmdir fyrir leikinn þó það hafi ekki skilað sér inn í leikinn í fyrri hálfleik,“ sagði Ágúst. Pepsi Max-deild karla Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Kaupverðið klárt og Albert á leið í fjólublátt Fótbolti Íslenska fánanum flaggað í Flórens til að fagna komu Alberts Fótbolti Ólétt af Ólympíumeistara þegar hún stóð sjálf á verðlaunapallinum Sport Fleiri fréttir „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Svakaleg dramatík þegar ÍBV kastaði frá sér stigum í toppbaráttunni Samantha Smith í Breiðablik Gervigrasi KR lokað vegna slysahættu Sjá meira
Fram skellti Fjölni 4-1 í Pepsí deild karla í fótbolta í kvöld á Fjölnisvelli í Grafarvogi. Frábær fyrri hálfleikur lagði grunninn að sigri Fram en liðið var 2-0 yfir í hálfleik. Fjölnir tapaði fyrsta leik sínum í 10 mánuði fyrir fjórum dögum þegar liðið tapaði gegn FH og virðist það tap hafa slegið liðið útaf laginu. Leikmenn liðsins virkuðu gjörsamlega andlausir og báráttan sem einkennt hefur leik liðsins var hvergi sjáanleg, sérstaklega í fyrri hálfleik. Fjölnir fékk tvær skyndisóknir snemma leiks en Fram tók fljótt öll völd á vellinum og var komið í 2-0 áður en Fjölnir gerði aftur atlögu að marki Fram. Tryggvi Sveinn Bjarnason skallaði boltann auðveldlega í mark Fjölnis á 19. mínútu ódekkaður á markteig í kjölfar hornspyrnu. Níu mínútum síðar bætti Ásgeir Marteinsson öðru marki við með föstu skoti úr teignum eftir að Fjölnir náði ekki að bregðast við slakri fyrirgjöf frá vinstri. Fjölnir sótti í sig veðrið og komst inn í leikinn þegar Aron Sigurðarsson skoraði úr fyrsta færi liðsins í seinni hálfleik á 65. mínútu. Fram færði lið sitt aftar er leið á leikinn og sótti hratt þegar færi gafst. Ein slík sókn skilaði markinu sem gerði út um leikinn þegar Arnþór Ari Atlason átti frábært skot á 81. mínútu sem söng í netinu. Óverjandi. Þarna voru úrslitin ráðin og sá litli baráttuandi sem kominn var í lið Fjölnis hvarf. Fram sá sér því leik á borði og skoraði varamaðurinn Aron Þórður Albertsson fjórða mark liðsins fjórum mínútum fyrir leikslok eftir skyndisókn sem kom eftir hornspyrnu Fjölnis. Fram lék mjög vel í leiknum og var sigurinn sanngjarn og verðskuldaður eins og tölurnar gefa til kynna. Fjölnis liðið virkaði týnt og átti lítinn möguleika í leiknum. Fram er nú stigi á eftir Fjölni með 9 stig og ljóst að liðið ætlar sér ekki að sogast í fallbaráttuna. Liðið var mjög vel skipulagt og átti svör við flestum aðgerðum Fjölnis. Meiri liðsheildarbragur er á Framliðinu en stundum áður á tímabilinu. Arnþór Ari: Dýfan setur strik í reikninginnArnþór Ari Atlason fór mikinn hjá Fram í kvöld. Hann lagði upp annað mark liðsins og skoraði það þriðja en tveimur mínútum áður en hann skoraði fékk hann að líta gula spjaldið fyrir dýfu. „Ég er mjög ánægður með stoðsendinguna og markið en þessi dýfa var kjánaleg og það verður hraunað yfir mig fyrir þetta og gert mikið grín að mér. Ég get tekið því, er með breitt bak,“ sagði Arnþór Ari um viðburðaríkan leik sinn. „Við vorum frábærið í þessum leik og liðsheildin frábær. Dýfan setur strik í reikninginn en sigurinn var frábær. Við vorum mikið betri en Fjölnir í þessum leik. „Það er gott að skora og kominn tími á það. Það var langt síðan ég skoraði síðast,“ sagði Arnþór sem þakkaði því að sigurinn að Framarar voru klárir í baráttuna strax í upphafi leiks. „Við vorum með gott leikskipulag fyrir leikinn. Fyrst og fremst vorum við klárir í leikinn frá fyrstu mínútu. Við vildum þetta meira en þeir og vorum ákveðnari. Við vitum að við erum góðir í fótbolta og við þurfum bara að mæta klárir í slaginn í hverjum leik. Þá munum við hala inn stigum. „Það eru mjög mikil gæði í þessum hóp og við verðum betri og betri er líður á tímabilið. Við erum að þjappa okkur betur og betur saman,“ sagði Arnþór Ari. Ágúst: Ekki sjón að sjá strákana„Við mættum ekki í fyrri hálfleik. Vorum 2-0 undir og það var ekki sjón að sjá strákana,“ sagði Ágúst Gylfason þjálfari Fjölnis í leikslok. „Við rifum okkur aðeins upp í hálfleik og mér fannst við sterkir í 25, 30 mínútur. Þá settum við pressu á þá og skorum gott mark. Markið lá í loftinu en þá fáum við mark í bakið og þá er þetta búið. Við reynum aðeins og þá fáum við fjórða markið á okkur í lokin. „Þetta andleysi var mjög óvanalegt og við þurfum að fara yfir þá hluti. Þetta var mjög óeðlilegt,“ sagði Ágúst sem taldi þó ekki að tapaði gegn FH hafi setið í liðinu þar sem liðið tapaði í fyrsta sinn í deild frá því í ágúst 2013. „Alls ekki. Það hafði ekkert að gera með þennan leik. Ég veit ekki hvað fór úrskeiðis. Það á ekki að hafa áhrif. Við vorum vel stemmdir fyrir leikinn þó það hafi ekki skilað sér inn í leikinn í fyrri hálfleik,“ sagði Ágúst.
Pepsi Max-deild karla Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Kaupverðið klárt og Albert á leið í fjólublátt Fótbolti Íslenska fánanum flaggað í Flórens til að fagna komu Alberts Fótbolti Ólétt af Ólympíumeistara þegar hún stóð sjálf á verðlaunapallinum Sport Fleiri fréttir „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Svakaleg dramatík þegar ÍBV kastaði frá sér stigum í toppbaráttunni Samantha Smith í Breiðablik Gervigrasi KR lokað vegna slysahættu Sjá meira