Klessti á vegna ágengni ljósmyndara

Selena Gomez lenti í árekstri á sunnudaginn, þar sem hún var að bakka út úr stæði við 7/11 verslun í Hollywood í Kaliforníu.

Svo virðist sem paparassar hafi truflað Selenu við aksturinn, en ágangur ljósmyndaranna varð til þess að hún klessti á bíl sem var lagt fyrir aftan hana.

Gomez kennir paparössunum um að hafa setið fyrir henni og truflað hana við aksturinn þegar hún var að bakka út úr stæðinu.

Gomez hefur þó greinilega ekki verið of miður sín, en hún tísti um atvikið seinna um daginn.

„Bara ég lendi í slysi útaf mönnum með myndavélar.“