„Síðasta lagið var virkilega mér að skapi“

„Stemmningin var með ólíkindum hér í kvöld,“ segir Stefán Hilmarsson, söngvari Sálarinnar, eftir tónleika Justin Timberlake í Kórnum í kvöld.

Timberlake spilaði hann fyrir framan 17.000 manns og virtust allir skemmta sér vel.

„Það var virkilega vel að öllu staðið hér. Ég verð að viðurkenna það að ég þekki ekki öll hans lög en samt svona einhvern slurk. Síðasta lagið var virkilega mér að skapi.“

Stefán segir að tónleikarnir í heild sinni hafi verið ótrúlega vel heppnaðir og allt í kringum þá hafi gengið mjög smurt fyrir sig.

„Kórinn er vel til þess fundinn til þess að halda svona stóra tónleika og megi þeir verða sem flestir.“