Gifta sig í Feneyjum

Leikarinn George Clooney og unnusta hans, Amal Alamuddin, voru gestir góðgerðarsamkomunnar Celebrity Fight Night í Flórens á Ítalíu í gær.

George tók við heiðursverðlaunum á viðburðinum og talaði aðeins um brúðkaup sitt í ræðunni þegar hann tók við gripnum.

"Ég kynntist minni yndislegu brúði hér á Ítalíu og ég kvænist henni eftir nokkrar vikur í Feneyjum af öllum stöðum," sagði George.

George og Amal byrjuðu saman seint á síðasta ári og staðfestu trúlofun sína í lok apríl á þessu ári.