Umfjöllun og viðtöl: ÍBV - Breiðablik 1-1 | Blikar slógu metið Guðmundur Tómas Sigfússon á Hásteinsvelli skrifar 14. september 2014 00:01 Eyjamenn áttu slakan leik í síðustu umferð og töpuðu 3-0 fyrir Val. Vísir/Stefán Eyjamenn og Blikar gerðu 1-1 jafntefli, á Hásteinsvelli í dag. Brynjar Gauti Guðjónsson kom Eyjamönnum yfir í fyrri hálfleik áður en Damir Muminovic jafnaði fyrir Blika í þeim síðari. Fyrir leikinn voru liðin jöfn að stigum í sjöunda og áttunda sæti deildarinnar með 20 stig. Mikill vindur var á annað markið og sóttu Eyjamenn á það mark í fyrri hálfleik. Blikar virtust vera hræddir að spila boltanum á jörðinni og stýrðu heimamenn því leiknum. Fyrsta færi leiksins fengu þó Blikar eftir skógarhlaup markvarðar ÍBV, Abel Dhaira. Gunnleifur Gunnleifsson átti í miklum vandræðum í dag en spyrnur hans í upphafi fóru oft beint útaf vellinum. Arnar Bragi Bergsson átti skot af löngu færi sem Gunnleifur hélt ekki og var enginn annar en Brynjar Gauti Guðjónsson fyrsti maður á staðinn og skóflaði boltanum í netið. Þórarinn Ingi Valdimarsson lék á kantinum hjá Eyjamönnum í dag en hann fékk að líta gula spjaldið fyrir tæklingu á miðjum vellinum. Hann hefur því fengið sex gul spjöld og fer í bann við næsta spjald. Þórarinn átti annars góðan leik í dag og sást vel hvers vegna hann var í landsliðhópnum gegn Tyrkjum. Guðjón Pétur Lýðsson tók margar aukaspyrnur í leiknum og voru flestar hættulegar. Þegar um tuttugu mínútur voru eftir rataði ein slík beint á kollinn á Damir Muminovic sem skoraði með flottum skalla af stuttu færi. Valdimar Pálsson, dómari leiksins, hefur líklega átt betri leiki en í dag. Hann virtist ekki ráða við leikinn og byrjaði að spjalda í upphafi leiks og lítilsháttar brot. Hann gaf 22 aukaspyrnur í dag og spjaldaði sex leikmenn. Leiknum lauk þó með sanngjörnu 1-1 jafntefli og bæði lið því með 21 stig um miðja deild.Guðmundur Benediktsson: Datt lítið fyrir okkur „Við viljum reyndar vinna alla leiki en þetta spilaðist þannig að ég er ekkert ósáttur með þetta stig. Þetta var gríðarlega erfiður leikur og það var ekki mikið sem datt fyrir okkur í þessum leik. Þess vegna ætla ég ekki að væla yfir stigi hér í Eyjum,“ sagði Guðmundur Benediktsson, þjálfari Blika, eftir jafntefli við ÍBV. „Mér fannst við hræddir við að spila boltanum, vorum með vindinn í fangið og það hafði smá áhrif. Menn virkuðu hálf hræddir og voru mikið að lyfta boltanum fram völlinn, það er erfitt,“ sagði Guðmundur um fyrri hálfleik sinna manna. „Við tókum boltann niður á grasið í seinni hálfleik og spiluðum betur. Ég er svona aðeins súr með að hafa ekki náð að pota inn öðru marki.“ Gunnleifur Gunnleifsson missti boltann fyrir fætur Brynjars Gauta í fyrsta markinu. Við spurðum Guðmund hvort hann væri ekki óánægður með það. „Ég er það klárlega, þetta gerist í leikjum. Mistökin hjá markvörðum sjást betur, þetta var skot af löngu færi sem Gulli heldur alla jafna. Við komum þó til baka og bættum fyrir það getum við sagt.“Sigurður: Vorum mun betri aðilinn „Mér fannst við vera mun betri aðilinn í leiknum. Ég vildi fá þrjú stig, við vorum komnir yfir og erum svekktir að fá á okkur ódýrt jöfnunarmark,“ sagði Sigurður Ragnar Eyjólfsson, þjálfari Eyjamanna, sem var mjög ósáttur við að fá ekki þrjú stig í kvöld. „Við duttum í að reyna að halda þessu, ég veit ekki hvort það var það eða hvort það var komin þreyta í okkur. Við lögðum okkur fram og mættum hærra á völlinn en við höfum gert í undanförnum leikjum, mér fannst það bara ganga vel. Blikar náðu ekki að byggja upp mikið spil.“ Sigurður Ragnar talar um þreytu í sínu liði en gerir einungis eina skiptingu í kvöld. „Ég veit ekki hvort við vorum þreyttir endilega. Mér fannst við vera með ágætis tök á leiknum og þeir ná að jafna. Við gerðum eina skiptingu til að fríska upp á sóknarleikinn. Auðvitað vill maður heldur ekki opna allt og breyta öllu því eins og ég segi er eitt stig betra en ekkert í þessari baráttu.“ „Mér fannst hann gefa alltof mikið af spjöldum, við vorum kannski búnir að brjóta af okkur fjórum sinnum en samt komnir með þrjú spjöld. Mér fannst hann missa tökin á leiknum, en það er bara mín persónulega skoðun. Það er ekkert alltof gott að vera að tjá sig mikið um frammistöðu hans í dag,“ sagði Sigurður Ragnar um Valdimar Pálsson dómara leiksins í kvöld. Pepsi Max-deild karla Mest lesið Var með skýrar reglur um eiginkonur bræðranna Sport Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Tiger hringdi í Trump til að segja honum frá sambandinu Golf Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Skoruðu þrjú af fjórum mörkum leiksins en töpuðu samt FH-ingar sækja sér miðvörð til sænska liðsins AIK Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Sjá meira
Eyjamenn og Blikar gerðu 1-1 jafntefli, á Hásteinsvelli í dag. Brynjar Gauti Guðjónsson kom Eyjamönnum yfir í fyrri hálfleik áður en Damir Muminovic jafnaði fyrir Blika í þeim síðari. Fyrir leikinn voru liðin jöfn að stigum í sjöunda og áttunda sæti deildarinnar með 20 stig. Mikill vindur var á annað markið og sóttu Eyjamenn á það mark í fyrri hálfleik. Blikar virtust vera hræddir að spila boltanum á jörðinni og stýrðu heimamenn því leiknum. Fyrsta færi leiksins fengu þó Blikar eftir skógarhlaup markvarðar ÍBV, Abel Dhaira. Gunnleifur Gunnleifsson átti í miklum vandræðum í dag en spyrnur hans í upphafi fóru oft beint útaf vellinum. Arnar Bragi Bergsson átti skot af löngu færi sem Gunnleifur hélt ekki og var enginn annar en Brynjar Gauti Guðjónsson fyrsti maður á staðinn og skóflaði boltanum í netið. Þórarinn Ingi Valdimarsson lék á kantinum hjá Eyjamönnum í dag en hann fékk að líta gula spjaldið fyrir tæklingu á miðjum vellinum. Hann hefur því fengið sex gul spjöld og fer í bann við næsta spjald. Þórarinn átti annars góðan leik í dag og sást vel hvers vegna hann var í landsliðhópnum gegn Tyrkjum. Guðjón Pétur Lýðsson tók margar aukaspyrnur í leiknum og voru flestar hættulegar. Þegar um tuttugu mínútur voru eftir rataði ein slík beint á kollinn á Damir Muminovic sem skoraði með flottum skalla af stuttu færi. Valdimar Pálsson, dómari leiksins, hefur líklega átt betri leiki en í dag. Hann virtist ekki ráða við leikinn og byrjaði að spjalda í upphafi leiks og lítilsháttar brot. Hann gaf 22 aukaspyrnur í dag og spjaldaði sex leikmenn. Leiknum lauk þó með sanngjörnu 1-1 jafntefli og bæði lið því með 21 stig um miðja deild.Guðmundur Benediktsson: Datt lítið fyrir okkur „Við viljum reyndar vinna alla leiki en þetta spilaðist þannig að ég er ekkert ósáttur með þetta stig. Þetta var gríðarlega erfiður leikur og það var ekki mikið sem datt fyrir okkur í þessum leik. Þess vegna ætla ég ekki að væla yfir stigi hér í Eyjum,“ sagði Guðmundur Benediktsson, þjálfari Blika, eftir jafntefli við ÍBV. „Mér fannst við hræddir við að spila boltanum, vorum með vindinn í fangið og það hafði smá áhrif. Menn virkuðu hálf hræddir og voru mikið að lyfta boltanum fram völlinn, það er erfitt,“ sagði Guðmundur um fyrri hálfleik sinna manna. „Við tókum boltann niður á grasið í seinni hálfleik og spiluðum betur. Ég er svona aðeins súr með að hafa ekki náð að pota inn öðru marki.“ Gunnleifur Gunnleifsson missti boltann fyrir fætur Brynjars Gauta í fyrsta markinu. Við spurðum Guðmund hvort hann væri ekki óánægður með það. „Ég er það klárlega, þetta gerist í leikjum. Mistökin hjá markvörðum sjást betur, þetta var skot af löngu færi sem Gulli heldur alla jafna. Við komum þó til baka og bættum fyrir það getum við sagt.“Sigurður: Vorum mun betri aðilinn „Mér fannst við vera mun betri aðilinn í leiknum. Ég vildi fá þrjú stig, við vorum komnir yfir og erum svekktir að fá á okkur ódýrt jöfnunarmark,“ sagði Sigurður Ragnar Eyjólfsson, þjálfari Eyjamanna, sem var mjög ósáttur við að fá ekki þrjú stig í kvöld. „Við duttum í að reyna að halda þessu, ég veit ekki hvort það var það eða hvort það var komin þreyta í okkur. Við lögðum okkur fram og mættum hærra á völlinn en við höfum gert í undanförnum leikjum, mér fannst það bara ganga vel. Blikar náðu ekki að byggja upp mikið spil.“ Sigurður Ragnar talar um þreytu í sínu liði en gerir einungis eina skiptingu í kvöld. „Ég veit ekki hvort við vorum þreyttir endilega. Mér fannst við vera með ágætis tök á leiknum og þeir ná að jafna. Við gerðum eina skiptingu til að fríska upp á sóknarleikinn. Auðvitað vill maður heldur ekki opna allt og breyta öllu því eins og ég segi er eitt stig betra en ekkert í þessari baráttu.“ „Mér fannst hann gefa alltof mikið af spjöldum, við vorum kannski búnir að brjóta af okkur fjórum sinnum en samt komnir með þrjú spjöld. Mér fannst hann missa tökin á leiknum, en það er bara mín persónulega skoðun. Það er ekkert alltof gott að vera að tjá sig mikið um frammistöðu hans í dag,“ sagði Sigurður Ragnar um Valdimar Pálsson dómara leiksins í kvöld.
Pepsi Max-deild karla Mest lesið Var með skýrar reglur um eiginkonur bræðranna Sport Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Tiger hringdi í Trump til að segja honum frá sambandinu Golf Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Skoruðu þrjú af fjórum mörkum leiksins en töpuðu samt FH-ingar sækja sér miðvörð til sænska liðsins AIK Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Sjá meira
Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti
Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti