Umfjöllun og viðtöl: Stjarnan - Grótta 14-28 | Haustslátrun í Mýrinni Henry Birgir Gunnarsson í Mýrinni skrifar 23. september 2014 10:56 Úr leiknum i kvöld. Vísir/Valli Grótta sýndi sparihliðarnar í Mýrinni í kvöld og kláraði Stjörnuna í raun á aðeins tíu mínútum. Stjarnan er með nokkuð breytt lið frá því í fyrra en Grótta hefur bætt við sig og er spáð deildarmeistaratitli á meðan Stjörnunni er spáð fjórða sæti. Byrjunin á leiknum var ótrúleg og í raun var leiknum lokið eftir tíu mínútur. Þá var staðan orðin 1-9 fyrir Gróttu og ekki líf í Stjörnuliðinu. Það var í raun með ólíkindum að þjálfarateymi Stjörnunnar hefði tekið leikhlé á þessum kafla í þeirri von að stöðva gestina. Íris Björk varði allt sem kom á Gróttumarkið og var þegar best lét með 83 prósent markvörslu sem er fáheyrt. Hún endaði hálfleikinn með fjóra varða bolta. Stjörnustúlkur tóku við sér um miðjan hálfleikinn en Grótta átti fínan lokakafla í hálfleiknum og leiddi með átta mörkum í leikhléi, 7-15. Grótta slakaði ekkert á klónni í síðari hálfleik og hélt áfram að bæta við forskot sitt. Það var ekki fyrr um miðjan seinni hálfleik, og munurinn var orðinn ellefu mörk, sem þjálfarar Gróttu fóru loksins að rúlla á fleiri varamönnum. Leikurinn fjaraði svo rólega út og Grótta landaði afar öruggum sigri svo ekki sé nú meira sagt. Flottur leikur hjá Gróttunni sem er með hörkulið og getur vel staðið undir þeim væntingum sem til liðsins eru gerðar. Íris Björk er greinilega í toppformi í markinu. Liðið spilar hraðan sóknarbolta og vörnin öflug með Önnu Úrsulu í broddi fylkingar. Þetta verður lærdómsríkur vetur hjá Stjörnustelpum sem verða ekki í titilbaráttu að þessu sinni. Það er nokkuð ljóst.Íris Björk: Get ekki sagt að ég sé í góðu formi "Það gekk allt upp hjá okkur í dag en ekkert hjá þeim. Ég kvarta ekkert yfir því," sagði brosmildur markvörður Gróttu, Íris Björk Símonardóttir, en hún átti sannkallaðan stórleik í kvöld. Varði 20 skot og var með 65 prósent markvörslu. "Við bjuggumst við hörkuleik hér í kvöld og ég sjálf var búin að vera drullustressuð fyrir þennan leik. Ég er því mjög glöð að þetta hafi gengið svona," sagði Íris en þrátt fyrir góðan leik segist hún ekki vera í nógu góðu formi. "Ég get ekki sagt að ég sé í góðu líkamlegu formi. Ég er samt að finna mig vel og ég get ekki lýst því hvað það er gott að hafa þessa vörn fyrir framan mig. Vörnin lokaði á þær þannig að þær gátu aðeins skotið í eitt horn. Þá var eftirleikurinn auðveldur." Grótta var liðið sem kom á óvart í fyrra en núna er liðinu spáð mikilli velgengni. Þær geta því ekki komið neinum á óvart núna. "Við reynum að láta þessa spá ekki hafa áhrif á okkur. Þetta er samt nýtt hlutverk sem við verðum að aðlagast. Okkur gekk stundum illa með liðin fyrir neðan okkur í fyrra. Nú reynir á okkur."Solveig: Erum ekki svona lélegar "Þetta var skelfileg frammistaða. Það er ekkert hægt að orða það öðruvísi," sagði reynsluboltinn í liði Stjörnunnar, Solveig Lára Kjærnested, hundfúl eftir leik. "Ég vil ekki meina að við séum svona lélegar en það leynir sér ekki að við eigum langt í land. Það er mikil vinna framundan en ég hélt kannski að við værum komnar lengra en svo er greinilega ekki." Það eru miklar breytingar á liði Stjörnunnar og ekkert útlit fyrir að Stjarnan berjist um titilinn í ár eins og síðustu ár. "Ekki eins og staðan er í dag en við höfum fram á vorið til þess að gera eitthvað í þessu. Ég vil meina að það búi miklu meira í þessu liði," sagði Solveig en henni finnst ekki gaman að fá skell. "Það er alltaf hundfúlt að fá skell. Sama hvort það er á heimavelli eða annars staðar." Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Grótta sýndi sparihliðarnar í Mýrinni í kvöld og kláraði Stjörnuna í raun á aðeins tíu mínútum. Stjarnan er með nokkuð breytt lið frá því í fyrra en Grótta hefur bætt við sig og er spáð deildarmeistaratitli á meðan Stjörnunni er spáð fjórða sæti. Byrjunin á leiknum var ótrúleg og í raun var leiknum lokið eftir tíu mínútur. Þá var staðan orðin 1-9 fyrir Gróttu og ekki líf í Stjörnuliðinu. Það var í raun með ólíkindum að þjálfarateymi Stjörnunnar hefði tekið leikhlé á þessum kafla í þeirri von að stöðva gestina. Íris Björk varði allt sem kom á Gróttumarkið og var þegar best lét með 83 prósent markvörslu sem er fáheyrt. Hún endaði hálfleikinn með fjóra varða bolta. Stjörnustúlkur tóku við sér um miðjan hálfleikinn en Grótta átti fínan lokakafla í hálfleiknum og leiddi með átta mörkum í leikhléi, 7-15. Grótta slakaði ekkert á klónni í síðari hálfleik og hélt áfram að bæta við forskot sitt. Það var ekki fyrr um miðjan seinni hálfleik, og munurinn var orðinn ellefu mörk, sem þjálfarar Gróttu fóru loksins að rúlla á fleiri varamönnum. Leikurinn fjaraði svo rólega út og Grótta landaði afar öruggum sigri svo ekki sé nú meira sagt. Flottur leikur hjá Gróttunni sem er með hörkulið og getur vel staðið undir þeim væntingum sem til liðsins eru gerðar. Íris Björk er greinilega í toppformi í markinu. Liðið spilar hraðan sóknarbolta og vörnin öflug með Önnu Úrsulu í broddi fylkingar. Þetta verður lærdómsríkur vetur hjá Stjörnustelpum sem verða ekki í titilbaráttu að þessu sinni. Það er nokkuð ljóst.Íris Björk: Get ekki sagt að ég sé í góðu formi "Það gekk allt upp hjá okkur í dag en ekkert hjá þeim. Ég kvarta ekkert yfir því," sagði brosmildur markvörður Gróttu, Íris Björk Símonardóttir, en hún átti sannkallaðan stórleik í kvöld. Varði 20 skot og var með 65 prósent markvörslu. "Við bjuggumst við hörkuleik hér í kvöld og ég sjálf var búin að vera drullustressuð fyrir þennan leik. Ég er því mjög glöð að þetta hafi gengið svona," sagði Íris en þrátt fyrir góðan leik segist hún ekki vera í nógu góðu formi. "Ég get ekki sagt að ég sé í góðu líkamlegu formi. Ég er samt að finna mig vel og ég get ekki lýst því hvað það er gott að hafa þessa vörn fyrir framan mig. Vörnin lokaði á þær þannig að þær gátu aðeins skotið í eitt horn. Þá var eftirleikurinn auðveldur." Grótta var liðið sem kom á óvart í fyrra en núna er liðinu spáð mikilli velgengni. Þær geta því ekki komið neinum á óvart núna. "Við reynum að láta þessa spá ekki hafa áhrif á okkur. Þetta er samt nýtt hlutverk sem við verðum að aðlagast. Okkur gekk stundum illa með liðin fyrir neðan okkur í fyrra. Nú reynir á okkur."Solveig: Erum ekki svona lélegar "Þetta var skelfileg frammistaða. Það er ekkert hægt að orða það öðruvísi," sagði reynsluboltinn í liði Stjörnunnar, Solveig Lára Kjærnested, hundfúl eftir leik. "Ég vil ekki meina að við séum svona lélegar en það leynir sér ekki að við eigum langt í land. Það er mikil vinna framundan en ég hélt kannski að við værum komnar lengra en svo er greinilega ekki." Það eru miklar breytingar á liði Stjörnunnar og ekkert útlit fyrir að Stjarnan berjist um titilinn í ár eins og síðustu ár. "Ekki eins og staðan er í dag en við höfum fram á vorið til þess að gera eitthvað í þessu. Ég vil meina að það búi miklu meira í þessu liði," sagði Solveig en henni finnst ekki gaman að fá skell. "Það er alltaf hundfúlt að fá skell. Sama hvort það er á heimavelli eða annars staðar."
Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira