Kom ekki nálægt rannsókn á markaðsmisnotkun Landsbankans Sunna Kristín Hilmarsdóttir skrifar 9. október 2014 18:52 Jón Óttar Ólafsson Vísir/Pjetur Jón Óttar Ólafsson, fyrrverandi starfsmaður Sérstaks saksóknara, bar í dag vitni í markaðsmisnotkunarmáli sem höfðað er gegn fjórum fyrrum stjórnendum og starfsmönnum Landsbankans. Verjandi Júlíusar Heiðarssonar, sakbornings í málinu, kallaði Jón Óttar fyrir dóminn og spurði hann út í starf sitt hjá Sérstökum saksóknara og ýmislegt tengt því. Jón Óttar var gagnrýninn á störf embættisins og rannsóknaraðferðir þrátt fyrir að hafa ekki komið nálægt rannsókn á því máli sem var til umfjöllunar í Héraðsdómi Reykjavíkur í dag. Hann gagnrýndi meðal annars notkun kauphallarhermis sem „meikaði ekkert sens“ fyrir honum þar sem hann væri nákvæm eftirlíking eftirlitskerfis Kauphallar Íslands. Allar upplýsingar í herminum væri því hægt að nálgast í Kauphöllinni. Þá gagnrýndi Jón jafnframt þá aðferðafræði sem notuð hefði verið við rannsóknina og sagði hana „lýsandi“ en ekki „greinandi“. Hann átti þar við að ekki væri hægt að sýna fram á óeðlilega hegðun á markaði án þess að vita hvað væri eðlileg hegðun. Svo væri hægt að gera samanburð. „Lykilatriði í því fannst mér alltaf vera hvort að það fyndist eitthvað sambærilegt mynstur innan bankans á fyrri tímabilum og eitthvað svipað mynstur með önnur bréf en bréf í bönkum,“ sagði Jón Óttar og bætti því við að enginn samanburður væri fyrir hendi í gögnum um markaðsmisnotkun Landsbankans. Saksóknari væri einfaldlega að lýsa einstökum viðskiptum. Verjandi Júlíusar lagði fram sem dómskjal viðtal við Jón Óttar sem birtist í Fréttablaðinu í september síðastliðnum. Var Jón spurður út í nokkur ummæli sín þar, meðal annars varðandi það hvort misjafn skilningur hefði verið innan embættis Sérstaks saksóknara á því hvað væru umboðssvik og hvað væri markaðsmisnotkun. Jón Óttar staðfesti fyrir dómi í dag að svo hefði verið og að halda hefði þurft seminar til að skerpa á þessum atriðum við starfsmenn embættisins. Saksóknari spurði Jón hvort að hann hefði sótt þennan seminar en hann kvaðst ekki hafa gert það. Hann vissi hins vegar um efni hans vegna tölvupósts sem sendur hafði verið út á starfsmenn. Saksóknari spurði hvort að það hefði nákvæmlega verið orðað svo að halda ætti seminar vegna misjafns skilnings starfsmanna á umboðssvikum og markaðsmisnotkun. Jón Óttar sagði svo ekki vera, það hefði verið sín túlkun á tölvupóstinum.Sigurjón Þ. Árnason er á meðal sakborninga í málinu. Vísir/VilhelmFullyrti fyrir dómi að hlustað hafi verið á símtöl verjenda og sakborninga Þá var hann einnig spurður út í ummæli sín um símhlustanir og hvernig verklagi í kringum þær hafi verið háttað. Hann kvaðst aldrei hafa séð neinar skriflegar reglur um hlustun á símtölum, ekkert eftirlit hafi verið með því hvort var hlustað eða ekki og ekki hafi verið hægt að skrá símtöl sérstaklega. Hljóðskrárnar hafi verið vistaðar inni á drifi sem var ekki aðgangsstýrt á nokkurn hátt. Saksóknari spurði svo nánar út í verklagið og hvort að einhver hafi ekki þurft að opna drifið sérstaklega fyrir starfsmenn. „Jú, tæknideildin hjá lögreglunni þurfti að opna drifið fyrir mann,“ svaraði Jón þá. Ummæli Jóns Óttars í Fréttablaðinu um að starfsmenn hjá Sérstökum saksóknara hafi hlustað á samtöl verjenda og sakborninga vöktu mikla athygli enda er slíkt ólöglegt. Ólafur Þór Hauksson, sérstakur saksóknari, hefur hafnað því en Jón Óttar fullyrti aftur fyrir dómi í dag að hlustað hafi verið á slík samtöl. Hann vissi hins vegar ekkert um hvernig símhlustunum hafði verið háttað í tilfelli rannsóknar á markaðsmisnotkun Landsbankans. Í viðtali í Fréttablaðinu sagði Jón jafnframt að skjölum sem hafi sannað sakleysi hans hafi vísvitandi verið haldið eftir af Sérstökum saksónara þegar hann sjálfur var kærður fyrir brot á þagnarskyldu í starfi. Einn verjandanna spurði hvort hann teldi að svo gæti einnig verið í öðrum málum. „Mig grunar að það séu fleiri tilvik um að gögnum sé haldið til baka en ég get auðvitað ekki fullyrt um það,“ sagði Jón Óttar. Vitnaleiðslur halda áfram á morgun. Tengdar fréttir „Átti aldrei von á því að Davíð Oddsson myndi sprengja Glitni í loft upp“ Sigurjón Árnason neitaði að hafa þekkt eitthvað til viðskipta með eigin bréf Landsbankans fyrir Héraðsdómi Reykjavíkur í dag. 8. október 2014 15:31 „Ef ég ætti svona mikinn pening myndi ég bara klára Kauphöllina“ Skýrslutaka yfir Sigurjóni Þ. Árnasyni, fyrrverandi bankastjóra Landsbankans, fer fram í Héraðsdómi Reykjavíkur í dag. 8. október 2014 12:24 Kæran setti lífið úr skorðum Jón Óttar Ólafsson, fyrrverandi rannsóknarlögreglumaður hjá sérstökum saksóknara, segir að viðhorf sín til rannsókna efnahagsbrotamála séu gerbreytt eftir að hann sjálfur þurfti að svara fyrir kæru frá embættinu vegna brota á trúnaði í starfi. 13. september 2014 09:00 Reikna með níu daga réttarhöldum yfir Landsbankamönnum Aðalmeðferð í einu stærsta máli sem Sérstakur saksóknari hefur haft til rannsóknar í kjölfar efnahagshrunsins hefst í dag. 1. október 2014 10:37 Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Bæði vonbrigði og léttir Viðskipti innlent Tollar alltaf slæmir og skaða lífskjör almennings Viðskipti innlent Ísland ekki á spjaldi Trumps en fær samt tíu prósenta toll Viðskipti erlent Fleiri fréttir ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum Sjá meira
Jón Óttar Ólafsson, fyrrverandi starfsmaður Sérstaks saksóknara, bar í dag vitni í markaðsmisnotkunarmáli sem höfðað er gegn fjórum fyrrum stjórnendum og starfsmönnum Landsbankans. Verjandi Júlíusar Heiðarssonar, sakbornings í málinu, kallaði Jón Óttar fyrir dóminn og spurði hann út í starf sitt hjá Sérstökum saksóknara og ýmislegt tengt því. Jón Óttar var gagnrýninn á störf embættisins og rannsóknaraðferðir þrátt fyrir að hafa ekki komið nálægt rannsókn á því máli sem var til umfjöllunar í Héraðsdómi Reykjavíkur í dag. Hann gagnrýndi meðal annars notkun kauphallarhermis sem „meikaði ekkert sens“ fyrir honum þar sem hann væri nákvæm eftirlíking eftirlitskerfis Kauphallar Íslands. Allar upplýsingar í herminum væri því hægt að nálgast í Kauphöllinni. Þá gagnrýndi Jón jafnframt þá aðferðafræði sem notuð hefði verið við rannsóknina og sagði hana „lýsandi“ en ekki „greinandi“. Hann átti þar við að ekki væri hægt að sýna fram á óeðlilega hegðun á markaði án þess að vita hvað væri eðlileg hegðun. Svo væri hægt að gera samanburð. „Lykilatriði í því fannst mér alltaf vera hvort að það fyndist eitthvað sambærilegt mynstur innan bankans á fyrri tímabilum og eitthvað svipað mynstur með önnur bréf en bréf í bönkum,“ sagði Jón Óttar og bætti því við að enginn samanburður væri fyrir hendi í gögnum um markaðsmisnotkun Landsbankans. Saksóknari væri einfaldlega að lýsa einstökum viðskiptum. Verjandi Júlíusar lagði fram sem dómskjal viðtal við Jón Óttar sem birtist í Fréttablaðinu í september síðastliðnum. Var Jón spurður út í nokkur ummæli sín þar, meðal annars varðandi það hvort misjafn skilningur hefði verið innan embættis Sérstaks saksóknara á því hvað væru umboðssvik og hvað væri markaðsmisnotkun. Jón Óttar staðfesti fyrir dómi í dag að svo hefði verið og að halda hefði þurft seminar til að skerpa á þessum atriðum við starfsmenn embættisins. Saksóknari spurði Jón hvort að hann hefði sótt þennan seminar en hann kvaðst ekki hafa gert það. Hann vissi hins vegar um efni hans vegna tölvupósts sem sendur hafði verið út á starfsmenn. Saksóknari spurði hvort að það hefði nákvæmlega verið orðað svo að halda ætti seminar vegna misjafns skilnings starfsmanna á umboðssvikum og markaðsmisnotkun. Jón Óttar sagði svo ekki vera, það hefði verið sín túlkun á tölvupóstinum.Sigurjón Þ. Árnason er á meðal sakborninga í málinu. Vísir/VilhelmFullyrti fyrir dómi að hlustað hafi verið á símtöl verjenda og sakborninga Þá var hann einnig spurður út í ummæli sín um símhlustanir og hvernig verklagi í kringum þær hafi verið háttað. Hann kvaðst aldrei hafa séð neinar skriflegar reglur um hlustun á símtölum, ekkert eftirlit hafi verið með því hvort var hlustað eða ekki og ekki hafi verið hægt að skrá símtöl sérstaklega. Hljóðskrárnar hafi verið vistaðar inni á drifi sem var ekki aðgangsstýrt á nokkurn hátt. Saksóknari spurði svo nánar út í verklagið og hvort að einhver hafi ekki þurft að opna drifið sérstaklega fyrir starfsmenn. „Jú, tæknideildin hjá lögreglunni þurfti að opna drifið fyrir mann,“ svaraði Jón þá. Ummæli Jóns Óttars í Fréttablaðinu um að starfsmenn hjá Sérstökum saksóknara hafi hlustað á samtöl verjenda og sakborninga vöktu mikla athygli enda er slíkt ólöglegt. Ólafur Þór Hauksson, sérstakur saksóknari, hefur hafnað því en Jón Óttar fullyrti aftur fyrir dómi í dag að hlustað hafi verið á slík samtöl. Hann vissi hins vegar ekkert um hvernig símhlustunum hafði verið háttað í tilfelli rannsóknar á markaðsmisnotkun Landsbankans. Í viðtali í Fréttablaðinu sagði Jón jafnframt að skjölum sem hafi sannað sakleysi hans hafi vísvitandi verið haldið eftir af Sérstökum saksónara þegar hann sjálfur var kærður fyrir brot á þagnarskyldu í starfi. Einn verjandanna spurði hvort hann teldi að svo gæti einnig verið í öðrum málum. „Mig grunar að það séu fleiri tilvik um að gögnum sé haldið til baka en ég get auðvitað ekki fullyrt um það,“ sagði Jón Óttar. Vitnaleiðslur halda áfram á morgun.
Tengdar fréttir „Átti aldrei von á því að Davíð Oddsson myndi sprengja Glitni í loft upp“ Sigurjón Árnason neitaði að hafa þekkt eitthvað til viðskipta með eigin bréf Landsbankans fyrir Héraðsdómi Reykjavíkur í dag. 8. október 2014 15:31 „Ef ég ætti svona mikinn pening myndi ég bara klára Kauphöllina“ Skýrslutaka yfir Sigurjóni Þ. Árnasyni, fyrrverandi bankastjóra Landsbankans, fer fram í Héraðsdómi Reykjavíkur í dag. 8. október 2014 12:24 Kæran setti lífið úr skorðum Jón Óttar Ólafsson, fyrrverandi rannsóknarlögreglumaður hjá sérstökum saksóknara, segir að viðhorf sín til rannsókna efnahagsbrotamála séu gerbreytt eftir að hann sjálfur þurfti að svara fyrir kæru frá embættinu vegna brota á trúnaði í starfi. 13. september 2014 09:00 Reikna með níu daga réttarhöldum yfir Landsbankamönnum Aðalmeðferð í einu stærsta máli sem Sérstakur saksóknari hefur haft til rannsóknar í kjölfar efnahagshrunsins hefst í dag. 1. október 2014 10:37 Mest lesið Vaktin: Tollar Trump valda usla Viðskipti erlent Tæknirisarnir sjö fengu skell þegar markaðir opnuðu Viðskipti erlent Öll félög lækkuðu nema þrjú Viðskipti innlent Neita að skila umsögn um frumvarpið fyrir tilskilinn frest Viðskipti innlent 36 manns sagt upp í tveimur hópuppsögnum Viðskipti innlent Ísland megi ekki verða á milli í stríði ESB og Bandaríkjanna Viðskipti innlent Eistnesk að kenna íslensku: „Þúst, ehaggibara og kúka” Atvinnulíf Bæði vonbrigði og léttir Viðskipti innlent Tollar alltaf slæmir og skaða lífskjör almennings Viðskipti innlent Ísland ekki á spjaldi Trumps en fær samt tíu prósenta toll Viðskipti erlent Fleiri fréttir ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Bakkavör metin á 200 milljarða í yfirtöku Narfi frá JBT Marel til Kviku Milljarður í afgang í Garðabæ Útflutningur gefur eftir en einkaneyslan stígur fram á sviðið Vilja minnka líkurnar á því að vinna í Lottóinu Besta rekstrarár frá opnun Hörpu Hneykslaðist á „óútfærðum afkomubætandi aðgerðum“ Deila um þvottahús stöðvar ekki Hreint í bili Eldisfiskur fluttur út fyrir 54 milljarða króna Ræðst í byggingu átta húsa í Hvammsvík Trúir ekki að menn loki fiskvinnslu til að mótmæla veiðigjöldum Sjá meira
„Átti aldrei von á því að Davíð Oddsson myndi sprengja Glitni í loft upp“ Sigurjón Árnason neitaði að hafa þekkt eitthvað til viðskipta með eigin bréf Landsbankans fyrir Héraðsdómi Reykjavíkur í dag. 8. október 2014 15:31
„Ef ég ætti svona mikinn pening myndi ég bara klára Kauphöllina“ Skýrslutaka yfir Sigurjóni Þ. Árnasyni, fyrrverandi bankastjóra Landsbankans, fer fram í Héraðsdómi Reykjavíkur í dag. 8. október 2014 12:24
Kæran setti lífið úr skorðum Jón Óttar Ólafsson, fyrrverandi rannsóknarlögreglumaður hjá sérstökum saksóknara, segir að viðhorf sín til rannsókna efnahagsbrotamála séu gerbreytt eftir að hann sjálfur þurfti að svara fyrir kæru frá embættinu vegna brota á trúnaði í starfi. 13. september 2014 09:00
Reikna með níu daga réttarhöldum yfir Landsbankamönnum Aðalmeðferð í einu stærsta máli sem Sérstakur saksóknari hefur haft til rannsóknar í kjölfar efnahagshrunsins hefst í dag. 1. október 2014 10:37