Forhúðin

Forhúðin getur verið töluvert ólík í útliti á milli typpa og er talin vera um þriðjungur af húðinni á typpinu. Hún er einskonar slíður sem verndar fremsta og næmasta hluta typpisins, kónginn.

Á nýfæddum drengjum er forhúðin föst við typpið og því á ekki að draga aftur forhúðina á ungum drengjum heldur alveg að láta hana vera. Með tímanum eftir því sem drengurinn eldist losnar svo forhúðin frá typpinu og þá getur hann dregið hana aftur. Aldrei skal pína forhúð aftur.

Um 10% typpa eru með of þrönga forhúð.

Það getur þá verið óþægilegt og jafnvel sársaukafullt að fá stinningu í typpið eða að draga aftur forhúðin til að pissa. Þetta getur komið í ljós hjá börnum við 3-4 ára aldurinn.

Ef ekki er gripið inn í þá getur þetta einnig haft áhrif á sjálfsfróun og kynlíf seinna meir.

Það er mælt með því að leita til læknis ef forhúðin er of þröng og þá er annað hvort hægt að laga þetta með skurðaðgerð eða með sterakremi.

Til að halda typpinu hreinu er mælt með að draga aftur forhúðina og skola með vatni. Varast skal að setja sápu með miklum ilmefnum á typpið því það getur verið ertandi og sérstaklega skal gæta að því að skola vel alla sápu af áður en forhúðin er dregin fram yfir kónginn.

Undir forhúðina getur safnast saman hálfgerð útferð. Þetta er eðlilegt og yfirleitt er útferðin frekar hvítleit. Ef útferðin breytir um lit eða verður mjög lyktarsterk þá gæti verið um sýkingu að ræða og vissara að kíkja til læknis.

Umskurður er þegar forhúðin er skorinn af.

Það er enginn læknisfræðileg ástæða af hverju þetta er gert við fullfrísk typpi og sérstaklega ung börn og hafa mörg lönd, þar á meðal Ísland, lagst gegn þessari iðju og fordæma hana.