Kjartan Henry Finnbogason segist viss um að íslenskir dómarar horfi á Pepsi-mörkin á Stöð 2 Sport.
Ummæli Rúnars Kristinssonar, þjálfara KR, eftir leik KR gegn Stjörnunni í gær hafa vakið athygli en þar sakar hann Stöð 2 um að hafa svert orðspor Kjartans Henry í íslenskum fótbolta.
Kjartan Henry tók undir þessi orð þjálfara síns í viðtali við Arnar Björnsson í kvöld.
„Já, upp að vissu marki. Ég hef ekkert út á dómara leiksins að setja í gær enda bauð ég sjálfur hættunni heim með því að brjóta af mér undir lok leiksins með spjald á bakinu,“ sagði Kjartan Henry í kvöldfréttum Stöðvar 2 í kvöld.
„En eftir að einn þáttur af Pepsi-mörkunum fyrir tveimur árum síðan fór í að dæma mig sem hrotta og óþverra og sama óviljaverkið endurtekið sex eða sjö sinnum finnst mér viðhorfið gagnvart mér verið leiðinlegt.“
„En ég er búinn að vera í KR síðan ég var þriggja ára gamall og vanur ýmsu.“
Kjartan Henry: Var dæmdur sem hrotti
Tengdar fréttir
Umfjöllun, viðtöl, einkunnir og myndir: Stjarnan - KR 2-1 | Þriðja tap KR
Stjarnan vann frábæran sigur, 2-1, á KR í sjöundu umferð Pepsi-deildar karla í kvöld. Öll mörk leiksins komu í fyrri hálfleiknum og eru Stjörnumenn enn taplausir. Íslandsmeistararnir töpuðu því sínum þriðja leik á tímabilinu.
Rúnar: Búið að hrauna yfir Kjartan á Stöð 2 í tvö ár
Rúnar Kristinsson, þjálfari KR, segir að það sé búið að eyðileggja orðspor Kjartans Henrys Finnbogasonar.
