Fatahönnuðurinn Karl Lagerfeld hefur ótal sinnum verið gerður ódauðlegur í ýmsum myndum. Má þar nefna stuttermaboli, brúður, silúetta á Diet Coke flöskum en þökk sé Barbie-dúkku framleiðandanum Mattel mun heimurinn fá að sjá Lagerfeld í nýrri mynd.
Samkvæmt WWD mun leikfangaframleiðandinn gefa út dúkkuna Barbie Lagerfeld í haust. Þetta verður hinsvegar ekki hin klassíska Barbie-dúkka heldur mun þessi tiltekna dúkka klæðast einkennisbúningi Lagerfeld, þröngum buxum, svörtum jakka, hvítri skyrtu með kraga, gullkeðju, leðurhönskum og svörtum sólgleraugum.
Þetta er ekki í fyrsta skiptið sem að Barbie mætir hátískuheiminum en á 50 ára afmæli dúkkunnar árið 2009 var haldin Barbie tískusýning í New York þar sem hönnuðir á borð við Calvin Klein, Michael Kors, Anna Sui og Diane von Forsteinberg hönnuðu svokölluð Barbie-föt fyrir sýninguna.
Barbie-dúkka gerð eftir Karl Lagerfeld
