Lögregla leitar vitna vegna árásarinnar á Frakkastíg

Lögreglan á höfuðborgarsvæðinu leitar nú vitna að árásinni sem átti sér stað á Frakkastíg síðastliðið laugardagskvöld, rétt fyrir hálfátta. Ráðist var að karlmanni á fertugsaldri og hann stunginn illa með hníf.

Þeir sem geta veitt upplýsingar um málið eru beðnir um að hafa samband við lögreglu í síma 444-1000 eða í einkaskilaboðum á Facebook-síðu embættisins. Maðurinn sem særðist hefur verið útskrifaður af spítala en sá sem grunaður er um árásina er í gæsluvarðhaldi.