Galdramaður kvöldsins er Tommi White

KAOS músík og Lavabarinn standa fyrir öðrum tónleikum í tónleikaröðinni LavaKAOS í kvöld, laugardagskvöld, á Lavabarnum við Lækjargötu.

„Galdramaður kvöldsins er enginn annar en Tommi White,“ segir Karó Antonsen, skipuleggjandi LavaKAOS.

„Ég vil að við sameinumst í dansi, sparifötum, í spariskapi með Reyka Vodka og undir ljúfum tónum sparitónlistar,“ segir Karó, létt í bragði, og hvetur sem flesta til að kíkja á tónleikana sem munu standa langt fram á nótt.