Jessie J flytur nýtt efni

Tónlistarkonan Jessie J flutti um liðna helgi, fjögur ný lög á tónlistarhátíðinni Rock in Rio. Ný plata frá henni er væntanleg á næstunni en platan hennar frá 2013, Alive hefur notið gífurlegra vinsælda.

Hún flutti meðal annars lagið, Keep Us Together, en í kjölfar þess flutnings hvatti hún Justin Timberlake til þess að syngja dúett með sér í laginu. Hún sagðist óska þess að geta sungið það með honum á tónleikum í framtíðinni.

Þá flutti hún lögin Sweet Talker, Ain't Been Done og You Don't Really Know Me.

Hún kemur fram á Wembley Stadium síðar í mánuðinum, á Capital FM's Summertime Ball-hátíðinni.