Fundu út að Marteinn var ekki pervert Baldvin Þormóðsson skrifar 26. júlí 2014 00:01 María Birta og Ólafur Darri „Þau eru bara frábær, alveg æðisleg,“ segir leikstjórinn Marteinn Þórsson um hljómsveitina Samaris en hann leikstýrði nýjasta tónlistarmyndbandi þeirra sem verður frumsýnt á mánudaginn. „Þau gerðu tónlistina fyrir myndina mína XL og þá töluðum við um að ég myndi gera vídeó fyrir þau í staðinn,“ segir Marteinn. „Þetta er svipuð pæling og í XL, bara aðeins póetískari. Maður er líka að reyna að fanga sama tón og andrúmsloft og er í tónlistinni.“ Með aðalhlutverk í tónlistarmyndbandinu fara þau Ólafur Darri Ólafsson og María Birta en þau fóru einmitt með aðalhlutverk í XL. „Mig langaði að halda áfram með ljósmyndapælinguna sem ég og tökumaðurinn vorum með fyrir XL,“ segir leikstjórinn. „Lokapartísenan í myndinni var öll tekin sem ljósmyndir og tónlistarmyndbandið er líka þannig.“ Marteinn segir samstarfið við Samaris hafa gengið einstaklega vel en lagið Brennur stjarna sem tónlistarmyndbandið er við er einmitt lokalagið í XL. „Það er miklu meiri tónlist frá þeim í myndinni en átti upphaflega að vera, hún blandast mjög vel við tónlistina hjá Önnu,“ segir Marteinn en Anna Þorvalds sá um tónlistina samhliða Samaris. „Á meðan Anna er kaldari og myrkari þá eru krakkarnir mun hýrri og angurværri þannig að þetta voru frábærar andstæður.“ Marteinn segist hafa heyrt fyrst tónlist Samaris á Rás 1 þegar þau voru nýbúin að vinna Músíktilraunir og var leikstjórinn þá að vinna í handritinu að XL og fannst tónlistin passa vel við. „Við hittumst á Hressó og spjölluðum saman og svo þegar þau komust að því að ég væri ekki einhver pervert þá leist þeim ágætlega á þetta,“ segir Marteinn og hlær en tónlistarmyndbandið verður frumsýnt á mánudaginn á heimasíðunni Clashmusic.com. „Þetta var voða rólegur og þægilegur tökudagur, enda myndbandið að mestu skotið heima hjá Marteini eða í kringum húsið hans. Þetta var ekki jafn stressandi og þegar við vorum að mynda XL,“ segir María Birta um tökurnar. „Mér finnst alltaf yndislegt að hanga með Matta, Ólafi Darra og Tönju, svo þetta var bara mjög skemmtilegur dagur. Ég er ekki búin að sjá myndbandið sjálf, en ég treysti Matta. Ef ég þekki hann rétt er myndbandið mjög listrænt og dimmt. Ég er spennt að sjá afraksturinn.“ Bíó og sjónvarp Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
„Þau eru bara frábær, alveg æðisleg,“ segir leikstjórinn Marteinn Þórsson um hljómsveitina Samaris en hann leikstýrði nýjasta tónlistarmyndbandi þeirra sem verður frumsýnt á mánudaginn. „Þau gerðu tónlistina fyrir myndina mína XL og þá töluðum við um að ég myndi gera vídeó fyrir þau í staðinn,“ segir Marteinn. „Þetta er svipuð pæling og í XL, bara aðeins póetískari. Maður er líka að reyna að fanga sama tón og andrúmsloft og er í tónlistinni.“ Með aðalhlutverk í tónlistarmyndbandinu fara þau Ólafur Darri Ólafsson og María Birta en þau fóru einmitt með aðalhlutverk í XL. „Mig langaði að halda áfram með ljósmyndapælinguna sem ég og tökumaðurinn vorum með fyrir XL,“ segir leikstjórinn. „Lokapartísenan í myndinni var öll tekin sem ljósmyndir og tónlistarmyndbandið er líka þannig.“ Marteinn segir samstarfið við Samaris hafa gengið einstaklega vel en lagið Brennur stjarna sem tónlistarmyndbandið er við er einmitt lokalagið í XL. „Það er miklu meiri tónlist frá þeim í myndinni en átti upphaflega að vera, hún blandast mjög vel við tónlistina hjá Önnu,“ segir Marteinn en Anna Þorvalds sá um tónlistina samhliða Samaris. „Á meðan Anna er kaldari og myrkari þá eru krakkarnir mun hýrri og angurværri þannig að þetta voru frábærar andstæður.“ Marteinn segist hafa heyrt fyrst tónlist Samaris á Rás 1 þegar þau voru nýbúin að vinna Músíktilraunir og var leikstjórinn þá að vinna í handritinu að XL og fannst tónlistin passa vel við. „Við hittumst á Hressó og spjölluðum saman og svo þegar þau komust að því að ég væri ekki einhver pervert þá leist þeim ágætlega á þetta,“ segir Marteinn og hlær en tónlistarmyndbandið verður frumsýnt á mánudaginn á heimasíðunni Clashmusic.com. „Þetta var voða rólegur og þægilegur tökudagur, enda myndbandið að mestu skotið heima hjá Marteini eða í kringum húsið hans. Þetta var ekki jafn stressandi og þegar við vorum að mynda XL,“ segir María Birta um tökurnar. „Mér finnst alltaf yndislegt að hanga með Matta, Ólafi Darra og Tönju, svo þetta var bara mjög skemmtilegur dagur. Ég er ekki búin að sjá myndbandið sjálf, en ég treysti Matta. Ef ég þekki hann rétt er myndbandið mjög listrænt og dimmt. Ég er spennt að sjá afraksturinn.“
Bíó og sjónvarp Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira