Stíla inn á nýja tónlist Gunnþóra Gunnarsdóttir skrifar 8. ágúst 2014 13:30 Skipuleggjendur Gunnhildur Daðadóttir, Elín Ásta Ólafsdóttir og Guðný Þóra Guðmundsdóttir. Fréttablaðið/Stefán „Hér iðar allt af ungu fólki og það er létt yfir öllum,“ segir Guðný Þóra Guðmundsdóttir, skipuleggjandi Tónlistarhátíðar unga fólksins, þar sem hún er stödd í menningarmiðstöðinni Molanum í Kópavogi. Gegnt Molanum blasir Salurinn við. Þar voru opnunartónleikar hátíðarinnar í gærkveldi en í kvöld er röðin komin að Hughrifum tónanna þar sem Sólborg Valdimarsdóttir píanóleikari og María Ösp Ómarsdóttir sameina krafta sína. Þær hafa verið við framhaldsnám í Danmörku síðustu ár og tekið þátt í margs konar tónlistarstarfi bæði þar og hér heima að sögn Guðnýjar Þóru. Annað kvöld verða Magnús Hallur Jónsson tenór og Ingileif Bryndís Þórsdóttir píanóleikari með ljóðatónlist í Salnum. Að sögn Guðnýjar Þóru hafa þau bæði verið í löngu námi í Þýskalandi og starfa þar. Á sunnudaginn koma svo kennararnir á námskeiðunum og í vinnustofunum fram á sviðið með sína list. Þetta er sjötta árið sem Tónlistarhátíð unga fólksins er haldin. Auk ofangreindra tónleika er þar fjöldi námskeiða, vinnustofa, fyrirlestra og tónleika í boði fyrir ungt tónlistarfólk á öllum námsstigum. Guðný Þóra hefur haldið utan um starfið frá upphafi. „Ég stofnaði hátíðina í samstarfi við vin minn, Helga Jónsson, til að gefa ungum tónlistarnemum kost á að sækja námskeið hér heima. Áður þurftu flestir að fara til útlanda til að taka þátt í þeim,“ útskýrir hún. Hún segir hátíðina hafa þróast gegnum árin. „Til að byrja með vorum við með hefðbundin verk eftir eldri tónskáld en nú erum við meira farin að stíla inn á nýja tónlist og erum með fjölda íslenskra verka, bæði frumflutt og endurflutt. Á hátíðinni koma því saman þeir sem semja tónlistina og þeir sem miðla henni til fólks. Það þykir okkur gaman.“ Dagskráin í Salnum er eftirfarandi: HUGHRIF TÓNANNA, í kvöld 8. ágúst klukkan 20. María Ösp Ómarsdóttir og Sólborg Valdimarsdóttir Dúóið mun frumflytja verk eftir Báru Gísladóttur og Finn Karlsson auk þess að leika verk eftir Þóru Marteinsdóttur, Oliver Messiaen, Þorkel Sigurbjörnsson, Piazzola og Pärt, fyrir píanó og þverflautu. LJÓÐAGRÜTZE, laugardaginn 9. ágúst klukkan 20. Magnús Hallur Jónsson og Ingileif Bryndís Þórsdóttir flytja íslensk og erlend ljóð og lög. Sem dæmi má nefna Ég lít í anda liðna tíð, Kall sat undir kletti og Brúnaljós þín blíðu. KAMMERTÓNLEIKAR KENNARA, sunnudaginn 10. ágúst klukkan 11. Auður Hafsteinsdóttir, Svava Bernharðsdóttir, Pia Eva Greiner-Davis, Peter Maté, Hallfríður Ólafsdóttir og Gyða Valtýsdóttir. Menning Mest lesið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Krakkatían: Teiknimyndir, mjólkurvörur og tölvuleikir Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
„Hér iðar allt af ungu fólki og það er létt yfir öllum,“ segir Guðný Þóra Guðmundsdóttir, skipuleggjandi Tónlistarhátíðar unga fólksins, þar sem hún er stödd í menningarmiðstöðinni Molanum í Kópavogi. Gegnt Molanum blasir Salurinn við. Þar voru opnunartónleikar hátíðarinnar í gærkveldi en í kvöld er röðin komin að Hughrifum tónanna þar sem Sólborg Valdimarsdóttir píanóleikari og María Ösp Ómarsdóttir sameina krafta sína. Þær hafa verið við framhaldsnám í Danmörku síðustu ár og tekið þátt í margs konar tónlistarstarfi bæði þar og hér heima að sögn Guðnýjar Þóru. Annað kvöld verða Magnús Hallur Jónsson tenór og Ingileif Bryndís Þórsdóttir píanóleikari með ljóðatónlist í Salnum. Að sögn Guðnýjar Þóru hafa þau bæði verið í löngu námi í Þýskalandi og starfa þar. Á sunnudaginn koma svo kennararnir á námskeiðunum og í vinnustofunum fram á sviðið með sína list. Þetta er sjötta árið sem Tónlistarhátíð unga fólksins er haldin. Auk ofangreindra tónleika er þar fjöldi námskeiða, vinnustofa, fyrirlestra og tónleika í boði fyrir ungt tónlistarfólk á öllum námsstigum. Guðný Þóra hefur haldið utan um starfið frá upphafi. „Ég stofnaði hátíðina í samstarfi við vin minn, Helga Jónsson, til að gefa ungum tónlistarnemum kost á að sækja námskeið hér heima. Áður þurftu flestir að fara til útlanda til að taka þátt í þeim,“ útskýrir hún. Hún segir hátíðina hafa þróast gegnum árin. „Til að byrja með vorum við með hefðbundin verk eftir eldri tónskáld en nú erum við meira farin að stíla inn á nýja tónlist og erum með fjölda íslenskra verka, bæði frumflutt og endurflutt. Á hátíðinni koma því saman þeir sem semja tónlistina og þeir sem miðla henni til fólks. Það þykir okkur gaman.“ Dagskráin í Salnum er eftirfarandi: HUGHRIF TÓNANNA, í kvöld 8. ágúst klukkan 20. María Ösp Ómarsdóttir og Sólborg Valdimarsdóttir Dúóið mun frumflytja verk eftir Báru Gísladóttur og Finn Karlsson auk þess að leika verk eftir Þóru Marteinsdóttur, Oliver Messiaen, Þorkel Sigurbjörnsson, Piazzola og Pärt, fyrir píanó og þverflautu. LJÓÐAGRÜTZE, laugardaginn 9. ágúst klukkan 20. Magnús Hallur Jónsson og Ingileif Bryndís Þórsdóttir flytja íslensk og erlend ljóð og lög. Sem dæmi má nefna Ég lít í anda liðna tíð, Kall sat undir kletti og Brúnaljós þín blíðu. KAMMERTÓNLEIKAR KENNARA, sunnudaginn 10. ágúst klukkan 11. Auður Hafsteinsdóttir, Svava Bernharðsdóttir, Pia Eva Greiner-Davis, Peter Maté, Hallfríður Ólafsdóttir og Gyða Valtýsdóttir.
Menning Mest lesið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Krakkatían: Teiknimyndir, mjólkurvörur og tölvuleikir Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira