Töfrandi og góð Þórdís Lilja Gunnarsdóttir skrifar 27. september 2014 10:00 Eyrún Anna Tryggvadóttir er Viktoría töfrakona. Hér er hún með hrafninum Krummu. mynd/gva Eyrún Anna Tryggvadóttir á sér tvö andlit. Annað sýnir góðhjartaðan viðskiptafræðing úr Árbænum en hitt rammgöldrótta og gullslegna töfrakonu. Viktoría töfrakona er sannarlega töfrandi. Hún er með ljóst slegið hár, í gylltum gammósíum og gullfallegum töfrahetjubúningi. Viktoría tók sér óvænt bólfestu í lífi Eyrúnar í byrjun sumars þegar Eyrún útskrifaðist sem viðskiptafræðingur úr Háskólanum í Reykjavík. „Þá hafði ég hugsað mér að taka árshlé til að gera eitthvað öðruvísi og skemmtilegt áður en ég héldi utan til framhaldsnáms og taldi mig vera gabbaða í falda myndavél,“ segir Eyrún og vísar í fund á Café París með töframanninum Einari Mikael. „Við Einar vorum kunningjar og ég hafði eitt sinn aðstoðað hann við töfrabrögð á Degi rauða nefsins. Á Café París lagði hann niður plön sín fyrir árið, sagðist verða með töfrahetjuþætti á Stöð 2 með haustinu og að sig vantaði töfrakonu sem góða fyrirmynd fyrir stúlkur. Ég varð auðvitað meira en undrandi en þegar Einar sannfærði mig um að ég smellpassaði í hlutverkið gat ég ekki annað en tekið þessu tilboði.“ Við tóku töfraherbúðir þar sem Eyrún lærði allt frá spilagöldrum upp í stór töfraatriði sem innihalda flóknustu sjónhverfingar. „Skyndilega var ég stödd í raunverulegum töfraheimi þar sem hver dagur er ævintýr. Ég hefði ekki á nokkurn hátt getað spáð þessu en í dag er ég töfrakona sem skemmtir með dýrum og börnum og það gerir lífið einmitt svo skemmtilegt; að maður veit aldrei hvað framtíðin ber í skauti sér.“ Gott að gleðja börnin Eyrún segir forréttindi að geta glatt aðra og komið fólki á óvart með töfrabrögðum. „Að hitta börn og sjá þau hrífast með töfrunum er virkilega gefandi og fyrir það er ég þakklát hvern einasta dag.“ Einar Mikael lagði til að Eyrún stykki beint út í djúpu laugina sem Viktoría töfrakona. „Þá fórum við til Grænlands þar sem ég stóð ein á sviðinu og töfraði á stórum sýningum og í heimsókn á heimili munaðarlausra barna. Eftir sýningarnar, þegar börnin vildu setjast hjá mér, knúsa mig og spjalla, hugsaði ég: „Ókei, það er ekkert annað sem ég vildi vera að gera akkúrat núna.“ Og þegar vinnudagarnir eru langir hugsa ég iðulega til Grænlands og finn að þetta margborgar sig. Því sem maður skilur eftir hjá börnunum munu þau aldrei gleyma.“ Viktoría varð fyrir valinu sem sviðsnafn Eyrúnar. „Einar hvatti mig til að taka mér sviðsnafn til að vernda einkalífið. Ég er aðeins farin að finna fyrir því að börn þekki mig á götum úti en það vissi ég að yrði í upphafi og er alveg tilbúin í.“Eyrún í hlutverki Viktoríu töfrakonu með talandi páfagauka.Skóli lífsins dýrmætur Töfralíf Viktoríu hefur undið hratt upp á sig og segist Eyrún vera í hlutverkinu af lífi og sál. „Mér liggur ekkert á að fara strax í framhaldsnám því maður er aldrei of gamall til að setjast á skólabekk. Ég væri líka til í að hasla mér völl á sviði sjónvarpsþáttagerðar því ég hef lært mikið af hæfileikaríku fólki á bak við tjöldin við gerð töfraþáttanna. Þannig er skóli lífsins dýrmætur líka og þar hef ég lært meira á þremur mánuðum en á síðustu þremur árum í háskóla.“ Helstu áhugamál Eyrúnar eru heilsusamlegt líferni, ferðalög, fjallgöngur, útivist og samvistir með kærastanum og stórum vinkvennahópi. „Svo hef ég vitaskuld nýtilkominn áhuga á töfrabrögðum,“ segir hún hlæjandi. „Það kom mér á óvart hversu mikið töfraæði er á Íslandi og hvað fólk á öllum aldri hefur gaman af töfrum. Töfrabrögð gera lífið einfaldlega skemmtilegra og á hverri einustu sýningu skynjar maður þakklæti áhorfenda.“Fyndnir samstarfsfélagar Eyrún tók þátt í Fegurðarsamkeppni Íslands árið 2011 og varð í öðru sæti í Ungfrú Reykjavík sama ár. „Það var spennandi lífsreynsla sem nýtist mér vel núna þegar ég þarf að standa fyrir framan myndavélarnar.“ Hún segir töfrakonur þurfa að vera vel á sig komnar. „Maður þarf að hoppa úr og ofan í kassa, skríða, svífa og fleira en líka að vera brosandi og hress því sú útgeislun smitast yfir til áhorfenda.“ Eyrúnu gekk vel að læra sjónhverfingar undir handleiðslu Einars Mikaels. „Einar er afbragðs kennari og æfingin skapar meistarann. Meðan á náminu stóð vildi ég í aðra röndina ekki vita hvernig hulunni var svipt af þeim. Mér þykir líka skondið að heimavinnan fyrir fáeinum mánuðum var að gera viðskiptaáætlanir en heimavinnan nú er að gera töfrabrögð fyrir fjölskylduna.“ Samstarf þeirra Eyrúnar og Einars Mikaels er gott. „Einar er frábær yfirmaður þótt við lítum frekar á okkur sem samstarfsfélaga. Hann hefur kennt mér margt, eins og að vera jákvæð og líta á vandamál sem tækifæri. Það er gaman að vinna með Einari og hann er fylginn sér og hikar ekki þegar kemur að hugmyndum sem öðrum þræði eru óyfirstíganlegar.“ Eyrún segir vinnu með dýrum gera vinnudaginn 100 prósent skemmtilegri. „Sú vinna hefur oft verið hlægileg en líka erfið. Við erum með sirkushund sem gerir kúnstir, hest sem ég læt leggjast, talandi páfagauka í snúsnú og hrafninn Krummu sem mér þótti í fyrstu óhugnanleg en er svo fluggáfuð að sýni maður henni eitthvað einu sinni er hún búin að læra það um leið.“ Hér sést töframaðurinn Einar Mikael framkvæma flókna sjónhverfingu á Viktoríu töfrakonu.Bjargaði lífi manns Á fermingarárinu drýgði Eyrún hetjudáð ásamt tveimur vinkonum sínum. „Þá vorum við að koma inn í blokk hjá vinkonu minni og heyrðum neyðaróp úr kjallaranum. Upp kom maður sem hafði skorið sig illa á ljósaperu og rifið í sundur slagæð, taugar og vöðva. Á einni mínútu breyttumst við í litlar og læknakunnandi hetjur, fórum með manninn niður, fundum handklæði, bundum um sárið, héldum hendinni uppi, hringdum á sjúkrabíl, kældum hann og héldum með meðvitund á meðan beðið var eftir sjúkraliði. Við vorum örugglega á réttum stað á réttum tíma því manninum var að blæða út þegar sjúkrabíllinn kom og eftirminnilega góð tilfinning þegar allt fór á endanum vel. Þarna munaði mjóu og fyrir björgunina fengum við nammikörfur frá fjölskyldu mannsins.“ Sýning aldarinnar Töfrahetjurnar Viktoría töfrakona og Einar Mikael töframaður standa fyrir Sýningu aldarinnar í Háskólabíói 23. og 26. október. Þar verða sýnd ótrúleg töfrabrögð og sjónhverfingar með hæfileikaríkum töfradýrum og frábærum dönsurum. Mest lesið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Krakkatían: Flugfélög, landafræði og krakkalög Lífið Fréttatía vikunnar: Pólitík, andlát og bíó Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið Faðir Payne las minningarorð og þakkaði aðdáendum Lífið Rekinn af útgáfunni stuttu fyrir andlátið Lífið Fleiri fréttir Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Sjá meira
Eyrún Anna Tryggvadóttir á sér tvö andlit. Annað sýnir góðhjartaðan viðskiptafræðing úr Árbænum en hitt rammgöldrótta og gullslegna töfrakonu. Viktoría töfrakona er sannarlega töfrandi. Hún er með ljóst slegið hár, í gylltum gammósíum og gullfallegum töfrahetjubúningi. Viktoría tók sér óvænt bólfestu í lífi Eyrúnar í byrjun sumars þegar Eyrún útskrifaðist sem viðskiptafræðingur úr Háskólanum í Reykjavík. „Þá hafði ég hugsað mér að taka árshlé til að gera eitthvað öðruvísi og skemmtilegt áður en ég héldi utan til framhaldsnáms og taldi mig vera gabbaða í falda myndavél,“ segir Eyrún og vísar í fund á Café París með töframanninum Einari Mikael. „Við Einar vorum kunningjar og ég hafði eitt sinn aðstoðað hann við töfrabrögð á Degi rauða nefsins. Á Café París lagði hann niður plön sín fyrir árið, sagðist verða með töfrahetjuþætti á Stöð 2 með haustinu og að sig vantaði töfrakonu sem góða fyrirmynd fyrir stúlkur. Ég varð auðvitað meira en undrandi en þegar Einar sannfærði mig um að ég smellpassaði í hlutverkið gat ég ekki annað en tekið þessu tilboði.“ Við tóku töfraherbúðir þar sem Eyrún lærði allt frá spilagöldrum upp í stór töfraatriði sem innihalda flóknustu sjónhverfingar. „Skyndilega var ég stödd í raunverulegum töfraheimi þar sem hver dagur er ævintýr. Ég hefði ekki á nokkurn hátt getað spáð þessu en í dag er ég töfrakona sem skemmtir með dýrum og börnum og það gerir lífið einmitt svo skemmtilegt; að maður veit aldrei hvað framtíðin ber í skauti sér.“ Gott að gleðja börnin Eyrún segir forréttindi að geta glatt aðra og komið fólki á óvart með töfrabrögðum. „Að hitta börn og sjá þau hrífast með töfrunum er virkilega gefandi og fyrir það er ég þakklát hvern einasta dag.“ Einar Mikael lagði til að Eyrún stykki beint út í djúpu laugina sem Viktoría töfrakona. „Þá fórum við til Grænlands þar sem ég stóð ein á sviðinu og töfraði á stórum sýningum og í heimsókn á heimili munaðarlausra barna. Eftir sýningarnar, þegar börnin vildu setjast hjá mér, knúsa mig og spjalla, hugsaði ég: „Ókei, það er ekkert annað sem ég vildi vera að gera akkúrat núna.“ Og þegar vinnudagarnir eru langir hugsa ég iðulega til Grænlands og finn að þetta margborgar sig. Því sem maður skilur eftir hjá börnunum munu þau aldrei gleyma.“ Viktoría varð fyrir valinu sem sviðsnafn Eyrúnar. „Einar hvatti mig til að taka mér sviðsnafn til að vernda einkalífið. Ég er aðeins farin að finna fyrir því að börn þekki mig á götum úti en það vissi ég að yrði í upphafi og er alveg tilbúin í.“Eyrún í hlutverki Viktoríu töfrakonu með talandi páfagauka.Skóli lífsins dýrmætur Töfralíf Viktoríu hefur undið hratt upp á sig og segist Eyrún vera í hlutverkinu af lífi og sál. „Mér liggur ekkert á að fara strax í framhaldsnám því maður er aldrei of gamall til að setjast á skólabekk. Ég væri líka til í að hasla mér völl á sviði sjónvarpsþáttagerðar því ég hef lært mikið af hæfileikaríku fólki á bak við tjöldin við gerð töfraþáttanna. Þannig er skóli lífsins dýrmætur líka og þar hef ég lært meira á þremur mánuðum en á síðustu þremur árum í háskóla.“ Helstu áhugamál Eyrúnar eru heilsusamlegt líferni, ferðalög, fjallgöngur, útivist og samvistir með kærastanum og stórum vinkvennahópi. „Svo hef ég vitaskuld nýtilkominn áhuga á töfrabrögðum,“ segir hún hlæjandi. „Það kom mér á óvart hversu mikið töfraæði er á Íslandi og hvað fólk á öllum aldri hefur gaman af töfrum. Töfrabrögð gera lífið einfaldlega skemmtilegra og á hverri einustu sýningu skynjar maður þakklæti áhorfenda.“Fyndnir samstarfsfélagar Eyrún tók þátt í Fegurðarsamkeppni Íslands árið 2011 og varð í öðru sæti í Ungfrú Reykjavík sama ár. „Það var spennandi lífsreynsla sem nýtist mér vel núna þegar ég þarf að standa fyrir framan myndavélarnar.“ Hún segir töfrakonur þurfa að vera vel á sig komnar. „Maður þarf að hoppa úr og ofan í kassa, skríða, svífa og fleira en líka að vera brosandi og hress því sú útgeislun smitast yfir til áhorfenda.“ Eyrúnu gekk vel að læra sjónhverfingar undir handleiðslu Einars Mikaels. „Einar er afbragðs kennari og æfingin skapar meistarann. Meðan á náminu stóð vildi ég í aðra röndina ekki vita hvernig hulunni var svipt af þeim. Mér þykir líka skondið að heimavinnan fyrir fáeinum mánuðum var að gera viðskiptaáætlanir en heimavinnan nú er að gera töfrabrögð fyrir fjölskylduna.“ Samstarf þeirra Eyrúnar og Einars Mikaels er gott. „Einar er frábær yfirmaður þótt við lítum frekar á okkur sem samstarfsfélaga. Hann hefur kennt mér margt, eins og að vera jákvæð og líta á vandamál sem tækifæri. Það er gaman að vinna með Einari og hann er fylginn sér og hikar ekki þegar kemur að hugmyndum sem öðrum þræði eru óyfirstíganlegar.“ Eyrún segir vinnu með dýrum gera vinnudaginn 100 prósent skemmtilegri. „Sú vinna hefur oft verið hlægileg en líka erfið. Við erum með sirkushund sem gerir kúnstir, hest sem ég læt leggjast, talandi páfagauka í snúsnú og hrafninn Krummu sem mér þótti í fyrstu óhugnanleg en er svo fluggáfuð að sýni maður henni eitthvað einu sinni er hún búin að læra það um leið.“ Hér sést töframaðurinn Einar Mikael framkvæma flókna sjónhverfingu á Viktoríu töfrakonu.Bjargaði lífi manns Á fermingarárinu drýgði Eyrún hetjudáð ásamt tveimur vinkonum sínum. „Þá vorum við að koma inn í blokk hjá vinkonu minni og heyrðum neyðaróp úr kjallaranum. Upp kom maður sem hafði skorið sig illa á ljósaperu og rifið í sundur slagæð, taugar og vöðva. Á einni mínútu breyttumst við í litlar og læknakunnandi hetjur, fórum með manninn niður, fundum handklæði, bundum um sárið, héldum hendinni uppi, hringdum á sjúkrabíl, kældum hann og héldum með meðvitund á meðan beðið var eftir sjúkraliði. Við vorum örugglega á réttum stað á réttum tíma því manninum var að blæða út þegar sjúkrabíllinn kom og eftirminnilega góð tilfinning þegar allt fór á endanum vel. Þarna munaði mjóu og fyrir björgunina fengum við nammikörfur frá fjölskyldu mannsins.“ Sýning aldarinnar Töfrahetjurnar Viktoría töfrakona og Einar Mikael töframaður standa fyrir Sýningu aldarinnar í Háskólabíói 23. og 26. október. Þar verða sýnd ótrúleg töfrabrögð og sjónhverfingar með hæfileikaríkum töfradýrum og frábærum dönsurum.
Mest lesið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Krakkatían: Flugfélög, landafræði og krakkalög Lífið Fréttatía vikunnar: Pólitík, andlát og bíó Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið Faðir Payne las minningarorð og þakkaði aðdáendum Lífið Rekinn af útgáfunni stuttu fyrir andlátið Lífið Fleiri fréttir Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Sjá meira