Konur berjast við hið illa Halla Þórlaug Óskarsdóttir skrifar 22. október 2014 12:30 Kistan Bækur: Kistan Elí Freysson Elí Freysson Kistan er fjórða bók Elís Freyssonar, en hún segir frá unglingsstúlkunni Kötju, sem einnig var aðalsöguhetja síðustu bókar, Kallið, sem kom út í fyrra. Báðar eru þær hluti af seríu sem höfundur kallar Þögla stríðið. Um er að ræða fantasíubækur sem gerast í skálduðum heimi á miðöldum. Þar koma fyrir hetjur, fúlmenni og óvættir sem heyja baráttu góðs og ills, bæði með göldrum og sverðfimi. Undirrituð hefði aldrei trúað því að hún yrði spennt að lesa bardagalýsingar í bók, en Elí tekst furðu vel að skapa spennu í slíkum senum. Hann sér umhverfið glögglega fyrir sér, lifir sig augljóslega inn í söguna sjálfur og á auðvelt með að koma upplifun sinni til skila til lesandans. Það er stundum eins og lesandinn hafi komið að höfundinum í hlutverkaleik (e. Role Play) einhvers staðar í Öskjuhlíðinni. Innlifunin er svo mikil. Katja heldur í þessari bók í ferð með kennara sínum, Serdru, til að berjast við hið illa. Lesandi veltir fyrir sér á köflum hvort kennarinn sé með í för, einungis til þess að höfundur geti með samtölum þeirra útskýrt baksöguna sem og heiminn sjálfan. Samtöl Kötju og Serdru einkennast af yfirheyrslu kennarans og svörum nemandans sem er ætlað að auka skilning lesandans á aðstæðum. Þetta veldur því að söguþráður færist hægt áfram og verður á köflum langdreginn sem dregur talsvert úr spennunni. Lesandinn fær það á tilfinninguna að höfundur treysti honum ekki almennilega til að skilja framvindu sögunnar öðruvísi. Sagan er lifandi, hálfgerð kvikmynd á prenti, lýsingar eru skemmtilegar og hinn skáldaði heimur spennandi. Í því samhengi má taka fram að sagan stenst Bechdel-prófið sannarlega, þar sem aðalpersónan er kvenkyns og leggur af stað til að berjast við hið illa, ásamt kennara sínum sem einnig er kona.Niðurstaða: Spennandi fantasía í sannfærandi heimi, sterkar kvenpersónur og áhrifamiklar lýsingar. Gagnrýni Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira
Bækur: Kistan Elí Freysson Elí Freysson Kistan er fjórða bók Elís Freyssonar, en hún segir frá unglingsstúlkunni Kötju, sem einnig var aðalsöguhetja síðustu bókar, Kallið, sem kom út í fyrra. Báðar eru þær hluti af seríu sem höfundur kallar Þögla stríðið. Um er að ræða fantasíubækur sem gerast í skálduðum heimi á miðöldum. Þar koma fyrir hetjur, fúlmenni og óvættir sem heyja baráttu góðs og ills, bæði með göldrum og sverðfimi. Undirrituð hefði aldrei trúað því að hún yrði spennt að lesa bardagalýsingar í bók, en Elí tekst furðu vel að skapa spennu í slíkum senum. Hann sér umhverfið glögglega fyrir sér, lifir sig augljóslega inn í söguna sjálfur og á auðvelt með að koma upplifun sinni til skila til lesandans. Það er stundum eins og lesandinn hafi komið að höfundinum í hlutverkaleik (e. Role Play) einhvers staðar í Öskjuhlíðinni. Innlifunin er svo mikil. Katja heldur í þessari bók í ferð með kennara sínum, Serdru, til að berjast við hið illa. Lesandi veltir fyrir sér á köflum hvort kennarinn sé með í för, einungis til þess að höfundur geti með samtölum þeirra útskýrt baksöguna sem og heiminn sjálfan. Samtöl Kötju og Serdru einkennast af yfirheyrslu kennarans og svörum nemandans sem er ætlað að auka skilning lesandans á aðstæðum. Þetta veldur því að söguþráður færist hægt áfram og verður á köflum langdreginn sem dregur talsvert úr spennunni. Lesandinn fær það á tilfinninguna að höfundur treysti honum ekki almennilega til að skilja framvindu sögunnar öðruvísi. Sagan er lifandi, hálfgerð kvikmynd á prenti, lýsingar eru skemmtilegar og hinn skáldaði heimur spennandi. Í því samhengi má taka fram að sagan stenst Bechdel-prófið sannarlega, þar sem aðalpersónan er kvenkyns og leggur af stað til að berjast við hið illa, ásamt kennara sínum sem einnig er kona.Niðurstaða: Spennandi fantasía í sannfærandi heimi, sterkar kvenpersónur og áhrifamiklar lýsingar.
Gagnrýni Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira