Annan leikinn í röð voru allir fimm Íslendingarnir í herbúðum Vikings í byrjunarliði liðsins. Og þeir komu að báðum mörkum Vikings í sigri á Start í norsku úrvalsdeildinni í dag.
Jón Daði Böðvarsson lagði upp fyrra markið fyrir Yann-Erik de Lanlay á fimmtu mínútu og 15 mínútum seinna tvöfaldaði Steinþór Freyr Þorsteinsson forskot Viking með sínu öðru marki á tímabilinu. Jón Daði hefur hins vegar skorað þrjú mörk og lagt upp tvö í fyrstu fimm leikjunum í deildinni.
Sverrir Ingi Ingason, IndriðiSigurðsson og Björn Daníel Sverrisson léku allan leikinn fyrir Viking, en þeir tveir fyrstnefndu nældu sér í gul spjöld.
Viking situr í 3. sæti deildarinnar með 11 stig, tveimur minna en topplið Strømsgodset.
Matthías Vilhjálmsson var í byrjunarliði Start, en fór af velli eftir 33. mínútna leik. Guðmundur Kristjánsson kom inn á sem varamaður í leiknum og það sama gerði Babacar Sarr, fyrrum leikmaður Selfoss.
Úrslit dagsins:
Stabæk 2-1 Bodø/Glimt
Haugesund 0-3 Sogndal
Rosenborg 5-2 Brann
Sandnes Ulf 1-3 Molde
Strømsgodset 2-1 Odd Grenland
Start 0-2 Viking
Steinþór skoraði annan leikinn í röð fyrir Viking
Tengdar fréttir
Hjörtur Logi skoraði fyrir Sogndal
Hjörtur Logi Valgarðsson skoraði eitt marka Sogndal í 3-0 sigri liðsins á Haugesund í norsku úrvalsdeildinni í dag. Hjörtur Logi hefur verið í byrjunarliði Sogndal í öllum fimm leikjum liðsins það sem af er tímabilinu.
