Viðvaranir gera Kötlu bara meira spennandi Kristján Már Unnarsson skrifar 9. júlí 2014 20:45 Jarðvísindamenn telja hættu á skyndilegu stórhlaupi undan Kötlu, líkt og gerðist fyrir þremur árum, og ítreka viðvaranir til almennings. Mörghundruð ferðamenn voru í dag við jökulsporð Sólheimajökuls, á sama tíma og Almannavarnir vöruðu eindregið við eiturhættu á svæðinu. Fæstir ferðmanna höfðu heyrt um viðvörunina en þeir sem vissu um hana virtust bara spenntari að komast á staðinn. Mestu sýnilegu merkin um óróann síðustu daga er kolmórauður liturinn á Múlakvísl, ánni sem sópaði burt brúnni í skyndilegu stórhlaupi fyrir þremur árum. Vatnamælingamenn Veðurstofu voru í dag að færa leiðni- og vöktunarmæla úr bráðabirgðabrúnni og koma þeim fyrir í nýju brúnni. Það er ekki liðin vika frá því þetta 900 milljóna króna mannvirki var tekið í notkun og brúin er þegar farin að kynnast sinni fyrstu eldskírn.Njáll Fannar Reynisson, vatnamælingamaður Veðurstofu, við nýju brúna yfir Múlakvísl.Stöð 2/Baldur Hrafnkell Jónsson.Í samtali við Stöð 2 sagði Njáll Fannar Reynisson vatnamælingamaður að þetta væri lítið hlaup en það væri augljóst að þetta væri jarðhitavatn. Ný gasmæling sýndi þó að ekki væru neinar hættulegar lofttegundir á þessu svæði við Múlakvísl. Áin vekur áhuga ferðamanna sem standast ekki mátið og stöðva á brúnni til að taka myndir. Meðan brúarsmiðirnir eru að tína saman föggur sína spyrja menn hvort hlaupið ógni brúnni. „Nei, ég held að menn hafi engar áhyggjur af því svo lengi sem þetta helst í þessum fasa,“ svaraði vatnamælingamaðurinn Njáll. Mestar áhyggjur yfirvalda eru vegna ferðamanna við jökulsporð Sólheimajökuls. Jarðvísindamenn telja hættu á því að svipaður atburður geti endurtekið sig og varð í Múlakvísl fyrir þremur árum þegar flóðið óx skyndilega og án mikils fyrirvara. Flóðbylgjan geti brotið af sér jökulsporðinn. Þá ráðleggja Almannavarnir ferðamönnum eindregið að halda sig fjarri ánum, og sérstaklega upptökum þeirra, vegna brennisteinsvetnis sem berst með hlaupvatninu. Það veldur lyktinni sem almennt er kölluð hveralykt eða jöklafýla. Tómas Ísleifsson á Sólheimum, vert á kaffihúsinu við Sólheimajökul, segir að lykt hafi verið af ánni í gær og einnig í fyrradag. Það hafi greinilega eitthvað verið að gerast.Einar Karlsson leiðsögumaður.Stöð 2/Baldur Hrafnkell Jónsson.Einar Karlsson, leiðsögumaður hjá HL Adventure, var að fylgja ferðamönnum frá Mexíkó um svæðið. „Þeim finnst þetta eiginlega bara spennandi. Þeim finnst þetta bara bónus,“ segir Einar. Hann telur ástæðulaust að mála skrattann á vegginn. „Við höldum bara okkar striki. Þetta er bara spennandi,“ segir Einar. Þarna var tuttugu manna hópur framhaldsskólanema frá Englandi á leið að jökulsporðinum og þau höfðu verið upplýst um brennisteinsfnykinn. Angela Bentley, kennari með hópnum, kvað þau ekki hrædd að fara þarna um: „Nei, þetta er spennandi. Ættum við að vera hrædd? Nei, við erum ekki hrædd,“ sagði hún og hló.Angela Bentley, kennari frá Englandi, var með hóp framhaldsskólanema.Stöð 2/Baldur Hrafnkell Jónsson.Hjón frá Malasíu sem voru að koma úr jökulgöngu, þau Yiulian Tie og Lucy Tie, höfðu ekki hugmynd um að viðvörun hefði verið gefin út. Þau höfðu þó greinilega fundið lyktina. „Ég hélt að það væri goshver í nágrenninu. Ég vissi ekki hvaða lykt þetta var,“ sagði Lucy. -Var lyktin vond? „Já, frekar vond. Hún var verri sumsstaðar,“ svaraði Yiulian. -Svimaði ykkur? „Nei, alls ekki. Við fundum ekki fyrir neinu. Okkur svimaði ekki. Sem betur fer,“ sögðu þau hjónin. „Ég ætti að flýja,“ bætti Lucy við hlæjandi. Þegar Eyjafjallajökull gaus fyrir fjórum árum var rifjað upp að stóra systir, Katla, hefði átt það til að fylgja á eftir með stórgosi. „You ain´t seen nothing yet,“ sagði forseti Íslands í frægu viðtali við BBC. Svo mikið er víst: Við erum enn minnt á það þessa dagana að Katla er til alls vís. Tengdar fréttir Órói í Kötlu bræðir hlaupvatn í jökulár Almannavarnir lýstu síðdegis yfir óvissustigi við ár sunnan Mýrdalsjökuls vegna hlaupvatns undan Kötlu og er ferðafólk beðið um að fara með gát við ár vegna hættu á eitrun. 8. júlí 2014 18:30 Mest lesið Nafn Íslendingsins sem fannst látinn í Taílandi Innlent Kourani tekur upp íslenskt nafn Innlent Lenti í ofbeldissambandi með frönskum bíl Innlent „Ég skil ekki af hverju þær fagna því ekki bara“ Innlent Fínn hvítur salli gerir íbúum Laugarneshverfis lífið leitt Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Hollywood lofar Biden en Repúblikanar kalla eftir afsögn Erlent Par sem hugðist sigla frá Kanada til Asóreyja fannst látið Erlent Málflutningur Viðskiptaráðs óásættanlegur Innlent Viðvörun gefin út í Kerala á Indlandi vegna Nipah-veirunnar Erlent Fleiri fréttir Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni „Í engu ástandi til að sýsla með slík vopn“ Sjá meira
Jarðvísindamenn telja hættu á skyndilegu stórhlaupi undan Kötlu, líkt og gerðist fyrir þremur árum, og ítreka viðvaranir til almennings. Mörghundruð ferðamenn voru í dag við jökulsporð Sólheimajökuls, á sama tíma og Almannavarnir vöruðu eindregið við eiturhættu á svæðinu. Fæstir ferðmanna höfðu heyrt um viðvörunina en þeir sem vissu um hana virtust bara spenntari að komast á staðinn. Mestu sýnilegu merkin um óróann síðustu daga er kolmórauður liturinn á Múlakvísl, ánni sem sópaði burt brúnni í skyndilegu stórhlaupi fyrir þremur árum. Vatnamælingamenn Veðurstofu voru í dag að færa leiðni- og vöktunarmæla úr bráðabirgðabrúnni og koma þeim fyrir í nýju brúnni. Það er ekki liðin vika frá því þetta 900 milljóna króna mannvirki var tekið í notkun og brúin er þegar farin að kynnast sinni fyrstu eldskírn.Njáll Fannar Reynisson, vatnamælingamaður Veðurstofu, við nýju brúna yfir Múlakvísl.Stöð 2/Baldur Hrafnkell Jónsson.Í samtali við Stöð 2 sagði Njáll Fannar Reynisson vatnamælingamaður að þetta væri lítið hlaup en það væri augljóst að þetta væri jarðhitavatn. Ný gasmæling sýndi þó að ekki væru neinar hættulegar lofttegundir á þessu svæði við Múlakvísl. Áin vekur áhuga ferðamanna sem standast ekki mátið og stöðva á brúnni til að taka myndir. Meðan brúarsmiðirnir eru að tína saman föggur sína spyrja menn hvort hlaupið ógni brúnni. „Nei, ég held að menn hafi engar áhyggjur af því svo lengi sem þetta helst í þessum fasa,“ svaraði vatnamælingamaðurinn Njáll. Mestar áhyggjur yfirvalda eru vegna ferðamanna við jökulsporð Sólheimajökuls. Jarðvísindamenn telja hættu á því að svipaður atburður geti endurtekið sig og varð í Múlakvísl fyrir þremur árum þegar flóðið óx skyndilega og án mikils fyrirvara. Flóðbylgjan geti brotið af sér jökulsporðinn. Þá ráðleggja Almannavarnir ferðamönnum eindregið að halda sig fjarri ánum, og sérstaklega upptökum þeirra, vegna brennisteinsvetnis sem berst með hlaupvatninu. Það veldur lyktinni sem almennt er kölluð hveralykt eða jöklafýla. Tómas Ísleifsson á Sólheimum, vert á kaffihúsinu við Sólheimajökul, segir að lykt hafi verið af ánni í gær og einnig í fyrradag. Það hafi greinilega eitthvað verið að gerast.Einar Karlsson leiðsögumaður.Stöð 2/Baldur Hrafnkell Jónsson.Einar Karlsson, leiðsögumaður hjá HL Adventure, var að fylgja ferðamönnum frá Mexíkó um svæðið. „Þeim finnst þetta eiginlega bara spennandi. Þeim finnst þetta bara bónus,“ segir Einar. Hann telur ástæðulaust að mála skrattann á vegginn. „Við höldum bara okkar striki. Þetta er bara spennandi,“ segir Einar. Þarna var tuttugu manna hópur framhaldsskólanema frá Englandi á leið að jökulsporðinum og þau höfðu verið upplýst um brennisteinsfnykinn. Angela Bentley, kennari með hópnum, kvað þau ekki hrædd að fara þarna um: „Nei, þetta er spennandi. Ættum við að vera hrædd? Nei, við erum ekki hrædd,“ sagði hún og hló.Angela Bentley, kennari frá Englandi, var með hóp framhaldsskólanema.Stöð 2/Baldur Hrafnkell Jónsson.Hjón frá Malasíu sem voru að koma úr jökulgöngu, þau Yiulian Tie og Lucy Tie, höfðu ekki hugmynd um að viðvörun hefði verið gefin út. Þau höfðu þó greinilega fundið lyktina. „Ég hélt að það væri goshver í nágrenninu. Ég vissi ekki hvaða lykt þetta var,“ sagði Lucy. -Var lyktin vond? „Já, frekar vond. Hún var verri sumsstaðar,“ svaraði Yiulian. -Svimaði ykkur? „Nei, alls ekki. Við fundum ekki fyrir neinu. Okkur svimaði ekki. Sem betur fer,“ sögðu þau hjónin. „Ég ætti að flýja,“ bætti Lucy við hlæjandi. Þegar Eyjafjallajökull gaus fyrir fjórum árum var rifjað upp að stóra systir, Katla, hefði átt það til að fylgja á eftir með stórgosi. „You ain´t seen nothing yet,“ sagði forseti Íslands í frægu viðtali við BBC. Svo mikið er víst: Við erum enn minnt á það þessa dagana að Katla er til alls vís.
Tengdar fréttir Órói í Kötlu bræðir hlaupvatn í jökulár Almannavarnir lýstu síðdegis yfir óvissustigi við ár sunnan Mýrdalsjökuls vegna hlaupvatns undan Kötlu og er ferðafólk beðið um að fara með gát við ár vegna hættu á eitrun. 8. júlí 2014 18:30 Mest lesið Nafn Íslendingsins sem fannst látinn í Taílandi Innlent Kourani tekur upp íslenskt nafn Innlent Lenti í ofbeldissambandi með frönskum bíl Innlent „Ég skil ekki af hverju þær fagna því ekki bara“ Innlent Fínn hvítur salli gerir íbúum Laugarneshverfis lífið leitt Innlent Þekkir Kamölu Harris: „Ég held að hún eigi eftir að rassskella hann nokkrum sinnum“ Erlent Hollywood lofar Biden en Repúblikanar kalla eftir afsögn Erlent Par sem hugðist sigla frá Kanada til Asóreyja fannst látið Erlent Málflutningur Viðskiptaráðs óásættanlegur Innlent Viðvörun gefin út í Kerala á Indlandi vegna Nipah-veirunnar Erlent Fleiri fréttir Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar „Ég skil ekki af hverju þær fagna því ekki bara“ Nafn Íslendingsins sem fannst látinn í Taílandi Málflutningur Viðskiptaráðs óásættanlegur Sú eina sem kemur til greina, afdráttarlaus ráðherra og klósettvandræði Mikill meirihluti landsmanna mótfallinn sjókvíaeldi Fjallar um móður sína sem er fyrsti Íslendingurinn ættleiddur frá Asíu Skerjafjarðarskáld skriplar á skötu en gefst ekki upp Þjófnaðir í matvöruverslunum og óvelkominn gestur „Eina spilið sem þeir áttu eftir á hendi“ Reiknar með 15 þúsund manns í Herjólfsdal „Ég hef ekki aðgang að vatni neins staðar annars staðar“ Opnun Sorpu frestað vegna ölvaðs manns með háreysti Glæsilegt biblíusafn í Vestmannaeyjum „Alvarlega vanfjármögnuð“ í viðhaldinu Næga atvinnu að hafa á Vopnafirði Gríðarleg sprunga í Hagafelli vekur athygli Vígreifur Trump, umdeild goslokaspá og vopnfirskt atvinnulíf Landtöku Ísraela skuli hætt Vegagerð, veðmálastarfsemi og kosningar vestanhafs Skógur á Snæfellsnesi undirlagður salernispappír Land rís enn með aukinni skjálftavirkni „Í engu ástandi til að sýsla með slík vopn“ Sjá meira
Órói í Kötlu bræðir hlaupvatn í jökulár Almannavarnir lýstu síðdegis yfir óvissustigi við ár sunnan Mýrdalsjökuls vegna hlaupvatns undan Kötlu og er ferðafólk beðið um að fara með gát við ár vegna hættu á eitrun. 8. júlí 2014 18:30