Gerir kvikmyndir um venjulegt fólk Heimir Már Pétursson skrifar 30. september 2014 19:30 Hinn margverðlaunaði breski kvikmyndaleikstjóri, Mike Leigh, er kominn hingað til lands til að vera viðstaddur sýningu á nýjustu kvikmynd sinni á RIFF kvikmyndahátíðinni í Háskólabíói í kvöld en hann er heiðursgestur hátíðarinnar. Leigh segir að hann geri fyrst og fremst kvikmyndir um venjulegt fólk. Mike Leigh á að baki langan og farsælan feril í bresku leikhúsi og kvikmyndum, bæði fyrir sjónvarp og kvikmyndahús. Hann kom til landsins í dag til að vera viðstaddur sýningu á nýjustu kvikmynd sinni, Mr. Turner, á RIFF kvikmyndahátíðinni í Háskólabíói í kvöld. Myndin hefur fengið mjög góðar viðtökur og eins og margar fyrri mynda hans er umfjöllunarefnið sterkir einstaklingar. En Mr. Turner fjallar um ævi og störf eins mesta landslagsmálara Breta, J.M.W. Turner, sem var álitinn mikill sérvitringur. Það einkennir flestar þeirra 19 kvikmynda sem Leigh hefur gert að þær fjalla um sterka einstaklinga í óvenjulegum aðstæðum. „Ég starfa við að gera kvikmyndir um fólk og þessi mynd, fjallar um persónu, mann, og þau mögnuðu verk sem hann skapaði. Það er spennan á milli nokkuð sérviturrar og gallaðrar manneskju og háleitra, einstakra og epískra verka,“ segir Leigh. Hann leitar gjarnan til sömu leikaranna aftur og aftur eins og Brenda Blethyn í Leyndarmálum og lygum, þar sem hún leikur konu sem kemst að því að hún á svarta dóttur sem hún sá aldrei og gaf frá sér við fæðingu. „Ef einhver er góður og maður á gott, skapandi samstarf með honum þá leitar maður eftir meiru. Þar sem leikararnir í myndum mínum leika ekki bara sjálfa sig að hætti Hollywood eru þeir í besta skilningi "karakterleikarar", þeir eru fjölhæfir og þeir geta leikið alvörufólk, fólkið á götunni,“ segir Leigh. Timothy Spall sem leikið hefur fyrir Leigh nokkrum sinnum áður leikur Mr. Turner og Leigh segist hafa haft hann í huga fyrir hlutverkið frá upphafi. „Svo sannarlega. Hann virtist eðlilegasta valið og hann stóð sig frábærlega, ég held að þú verðir sammála því,“ sagði leikstjórinn sannfærandi að lokum. Bíó og sjónvarp Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Hinn margverðlaunaði breski kvikmyndaleikstjóri, Mike Leigh, er kominn hingað til lands til að vera viðstaddur sýningu á nýjustu kvikmynd sinni á RIFF kvikmyndahátíðinni í Háskólabíói í kvöld en hann er heiðursgestur hátíðarinnar. Leigh segir að hann geri fyrst og fremst kvikmyndir um venjulegt fólk. Mike Leigh á að baki langan og farsælan feril í bresku leikhúsi og kvikmyndum, bæði fyrir sjónvarp og kvikmyndahús. Hann kom til landsins í dag til að vera viðstaddur sýningu á nýjustu kvikmynd sinni, Mr. Turner, á RIFF kvikmyndahátíðinni í Háskólabíói í kvöld. Myndin hefur fengið mjög góðar viðtökur og eins og margar fyrri mynda hans er umfjöllunarefnið sterkir einstaklingar. En Mr. Turner fjallar um ævi og störf eins mesta landslagsmálara Breta, J.M.W. Turner, sem var álitinn mikill sérvitringur. Það einkennir flestar þeirra 19 kvikmynda sem Leigh hefur gert að þær fjalla um sterka einstaklinga í óvenjulegum aðstæðum. „Ég starfa við að gera kvikmyndir um fólk og þessi mynd, fjallar um persónu, mann, og þau mögnuðu verk sem hann skapaði. Það er spennan á milli nokkuð sérviturrar og gallaðrar manneskju og háleitra, einstakra og epískra verka,“ segir Leigh. Hann leitar gjarnan til sömu leikaranna aftur og aftur eins og Brenda Blethyn í Leyndarmálum og lygum, þar sem hún leikur konu sem kemst að því að hún á svarta dóttur sem hún sá aldrei og gaf frá sér við fæðingu. „Ef einhver er góður og maður á gott, skapandi samstarf með honum þá leitar maður eftir meiru. Þar sem leikararnir í myndum mínum leika ekki bara sjálfa sig að hætti Hollywood eru þeir í besta skilningi "karakterleikarar", þeir eru fjölhæfir og þeir geta leikið alvörufólk, fólkið á götunni,“ segir Leigh. Timothy Spall sem leikið hefur fyrir Leigh nokkrum sinnum áður leikur Mr. Turner og Leigh segist hafa haft hann í huga fyrir hlutverkið frá upphafi. „Svo sannarlega. Hann virtist eðlilegasta valið og hann stóð sig frábærlega, ég held að þú verðir sammála því,“ sagði leikstjórinn sannfærandi að lokum.
Bíó og sjónvarp Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira