Von er á opinberri yfirlýsingu frá Handknattleikssambandi Íslands á morgun vegna ákvörðunar IHF að úthluta Þýskalandi sæti á Heimsmeistaramótinu í handbolta sem fer fram í Katar í upphafi næsta árs. IHF ákvað að draga Ástralíu úr leik og úthluta Þýskalandi sætinu þrátt fyrir að EHF hefði tilkynnt HSÍ að Ísland væri fyrsta varaþjóð frá Evrópu inn á mótið.
Guðmundur B. Ólafsson, framkvæmdastjóri HSÍ, staðfesti í samtali við Fréttablaðið í gær að HSÍ myndi senda frá sér yfirlýsingu þar sem næsta skref yrði tilkynnt því HSÍ ætlaði ekki að sitja þegjandi hjá en Ísland hefur þegar krafist þess að IHF dragi til baka ákvörðun sína án árangurs.
